Luke 16:23 - BAIBEL (BSI)

²³ paye Hades lo shishe aghime kije sholua. Pano pagi peqhe ithu jukelo Abraham phivilo Lazar akeu putouno ithulu.

Sümi Tiqhelimi Bible

²³ Kiními hu no Hades lo shishe imea kelo, pa no kunguu jupuku eno putou no Abraham phivilo Lazarus akeu ithulu.

Sumi Naga CL (Re-edited) Bible (BSI)

²³ pa no amiyizü lo ighono kushuküqha shi ime akelo pa gi peqhepe jukelo Abraham ngo pa phivilo Lazarus putou ngo aghi keu ithulu.

Luke 16:23 Referans Kwoze

2 Peter 2:4

Kughengu kungumi axine shivekemiqoye Alhou no khilemu qhichemoe, ikemu inhemokeu milo vesuve cheni eno Kughakutha Tsala kheakelo akuzulo tshupe puave cheni.

Luke 16:28

Kughengu niye athikuzumi pungu ani, tishianguno pano wuno panongu kutughu keu lono panongu likhimu hipau pitipuzakeu-a lo ighipemo nike.’

MATTHEW 23:33

Nongu apighiqo, eno apighitiqo! Amino aghime tsukeu lono nonguye khileno pokulupu kya?

MATTHEW 18:9

Onhethino opelo axinelo ghukesawupe aghi aye, tilejo pesu pevelo. Oghenguno anhethi kini kujo xapusu amino aghimetsukeu a-lo vesuve peni kepuye anhethi lakhi likhi pusu akuxupulo ilokeu pavie.

LESHELE 9:17

Alhou phevekemi ashiayeh eno kusakughami kumtsu Akithi ghimelo wuve nani.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Luke 8:28

Kughou pano Jisu ithulu keno, ighaghi Jisu zulo ikiqiveno asutsa ighamuku ghi pi. “Alhou Ighono Akiqheu Nu Jisu, noye ni lau kiu shikepu ani kya? Ino oqhuiniju ani, ighime kevilo!”

MATTHEW 5:29

Tsala onhethi ajeu akeuno omsu sasu axinelo ilove kepushi aghi aye chixejope pevelo. Kughengu ophi kuchopu aghime tsukeu alo vesuve kepuye ophi a-ulo hami kupumove keumu pavike.

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

ISAIAH 14:15

Ikemu tipa zuqhulo kithimi yeghiqha akuthou kudau osunhe saqighiveke.

ISAIAH 14:9

“Kithimi yeghiqhaye Babilon kukau salunike kuto kughoipe ani. Ayeghilo akuka kumtoshi achekeqo ghahwuqoye xukutho puthulu ayeake. Kukami ghahwuqo ye pano kuka lakhu kudauno ithughi ayeake.

1 Kor. 15:55

“O akithio, noye tokulupu khile ani kya?” “ O akithio, noye ghuzakulupu sahu khile ani kya?”

MATTHEW 11:23

Kapernaum, noye atsutsu kutolo olikhi osuqhenishi ani kesha? Noye ami pesu aghime tsukeu-alo vesuve nani. Kughengu akumzapu kumla ogholo shikeu hu Sodom lo shike aye, tiye ishi kutolo aghini cheke!

MATTHEW 8:29

Pamano qhayi ighathughi, “Noye nilau kiu shi cheni kya? O, Alhou Nu! Ado tomphi lono noye ni ghimeqhiniye hilau ighi ani kesha?”

AHOLE 15:24

Alokutsumiye akuxu kunguu saiku kepu laghilo checheni; akithi pulo aqhou iqivechekeu laghilo sawu chemoe.

AHOLE 9:18

Ikemu likilo wukemiqoye akithipu tile ani kepi mthae, likilo ilo vekemiqoye kithimi yeghi kutholo anike.

AHOLE 7:27

Nonguno li kilo wuaye kithimi yeghi laghilo wucheake. Tiye akithipu shokuthalake.

AHOLE 5:5

Lino osasu kithimi yeghilo iqive nani; lino che chekeu laghiye akithipu laghike.

LESHELE 86:13

Owu iqemokeu kikimiye ishou shishe kije anike! nono akumoki launo ixapheluveke.

LESHELE 49:15

Ikemu Alhou no ixapheluve nani, pano akithi kuka lono ixaluve nani.

LESHELE 16:10

kughengu nono kithi-ghau iphepuwuve moe. Momu nono kimiyecheku pelo kithimi ghakhulo ngovepemo nani.

Luke 16:24

Tile pano ighamuku, ‘Apu, Abraham! Ikimiye tsulo eno Lazar pelo pa-uloti azulo chosuno imili dikumko tsupelo, kughengu niye ami hipaulo shishe ime ani.’