Luke 15:4 - BAIBEL (BSI)

⁴ “Kumsujukelo nongu gholo khuala bheri 100 akelo lakhi puhave aye kiu shinia? Paye bheri lhotoku toku kumza puaghino ti puhavekeu bheri phulumoke kuto juwu cheni.

Sümi Tiqhelimi Bible

⁴ “Kümsüju kelo nongu dolo milakhi no ambe aqhe akelo lakhi pühave aye, pa ye lhotoku tokú aluza qhalo püaghi no ti ambe pühave keu phulumo ke kutólo phumoni keshea?

Sumi Naga CL (Re-edited) Bible (BSI)

⁴ “Nongu dolo khuu no ambe aqhe akelo, lakhi pühave aye, lhotoku-toku ye achu kümzape qhive no lakhi pühave keu ithulu moke kutolo apashe wumoni keshea?

Luke 15:4 Referans Kwoze

EZEKEL 34:16

“Khunoqo puha pesu ani keno ino juwuni, itsu itsuwuvekeqo saide saghini, izavekeqo khakide kudaive tsuni eno suaghikeqo shipivi tsuni; ikemu atha pubei eno mutotoi keqoye ino kutsave nani kughengu niye achipiu shichekeu bherikheuke.

Luke 19:10

Kughengu Timi Nu ye puhavekeu phu nike eno xalu nike ighie.”

1 Peter 2:25

Nonguye bheri ala puhavekeqo toike, ikemu itehiye nongu ngulho Kheu eno nongu Pighiu papelu penike nongu sachile saghivae.

MATTHEW 12:11

Jisu no khochile, “Nongu gholo timi khuuno pano bheri lakhi aghini eno tino Sabat tsalalo azulakilo ilulove aye tipau tshupesu sunhephevemoni kya?

EZEKEL 34:31

“Nongu iwu bheri lojiqo, ino lojiche keqoye iwu timiqoke eno niye nongu Lhou ke,” ipi Akughushu MPEU no pike.

LESHELE 119:176

Niye puhavekeu bheri toi itsu cheni, iphu ighilo, ni oqeu, kughengu niye oyezahqo kughuchovemoke.

ISAIAH 53:6

Ningu kumtsu bheri puhavekeqo toikhave, ningu milakhi khino pututa lalo wukhave. Ikemu AMPEU no pa shou ghichhe ghime betsu, nino ithukulupu shiakeu ghichhe ghimeke.”

JEREMIYA 50:6

“Iwu timiqoye bheriqo toi akhemiqono panoqo pelo naghutolo puhapighiyive peke. Panonguno bheriqo toi naghuto lakhi lono lakhiulo itsusu wuveke eno panonguye panoqo ki khile ani keno kumsumavae.

Luke 13:15

Ampeu no pa khochile ghi pi: “Nongu kuhakughaqo! Nongu gholo khuno apineni lonomu pa mishi momu gadaha aki lono kuqho sasu wo azu piye chemo kya?

EZEKEL 34:8

Kuchouno niye xuakeu Lhou ke nonguye itsa initsu kepue. Iwu bheriqoye tughashino heqhi chuvae kughengu akheu kuha kehue. Iwu bherikhemiye bheri phu nike pukaputsamoe. Panonguye pano likhi pano tuchoheju auve kethono bheriqo jukutomoe.

Rommi 2:1

Tighenguno o timi, no-khuu keno kutami shou kughatha be kulupu kya? noye jekujeli kiumu pikulupu kuhae. Kughengu nono kutami shou kughakutha be aye olikhi okileqhive ani.

JEREMIYA 33:13

Naghutolo taun akeqolo, naghuto kuxalo, Juda apeu kudaulo Benjamin lughi bocholo, Jerusalem kumxalo aphulo eno Juda lo taun akeqolo bherikhemino itaghi pano bheri kihikithe nani. Ni, AMPEU no piveake.”

EZEKEL 34:4

Nonguye miqemilei keqo tucho heju puamoe, suakeqo shipivi tsumoe, izapu akeqo kha kide kudaimoe, itsu susu wuvekeqo sachile saghi puamoe. Tishinike zuqhulo nonguno ayikusa shi panoqo peithake.

Luke 15:3

Tile Jisu no ahole hipau panongu vilo pi: