Luke 12:45 - BAIBEL (BSI)

⁴⁵ Ikemu aqeu tipauno, ‘Impiuye ighinikeu munu auvea’ ipi puzu aqepumi eno aqelimi kutamiqo heqhi buqhi eno chu shono chumzu shomzu wuve napi aye

Sümi Tiqhelimi Bible

⁴⁵ Ikemu kümsüju kelo aqeu no pa likhi pa pütsa ghi, ‘I mpeu ye ighi nikeu ado kushuwa lunani,’ ipi no aqemi kütami, kipitimi eno totimiqo heqhi thuve püzü chu-sho eno shomzü auve aye.

Sumi Naga CL (Re-edited) Bible (BSI)

⁴⁵ Ikemu ti aqeu no pa mlouno, ‘I mpeu ye ighini keu kumnu auvae,’ ipi no aqemi ngo aqelimi peitha püsa thuve, eno aghulhu shino shomzü auve aye,

Luke 12:45 Referans Kwoze

Piyeküsü 18:24

Babilon shou aghime tsukeuye tungkupumi ngo Akimthemi ji aphughi tipaulo aghikehue; mutsuqheyino ayeghilo timi khijehi pithive keno tipaqo jih aghikehue.

Piyeküsü 16:6

Panonguno Alhou wu timiqo ji eno tungkupmi ji pelecheke, ikehu nono panoqo pelo ahji yepeniye tsu anike. Panonguno ithulu kuzupu shiakeu panonguno ithulu anie!”

2 Peter 2:19

Panonguno timi tipaqo vilo khaqhikiphe tsa pesu pitsu cheni, ikemu panongu ampiye kusakugha qemiqoke, kughengu kiu kiunomu timi lakhi qhasuluvepe keu huye paye tipau qeu ake.

2 Peter 2:13

eno panonguno alhoksa huthutsukeu jume aghime panongu tsu nani. Atsala kuvu lono panongu shiaji ghapiqi nikeuno pano mlokiqi shi acheni. Panonguye nongu gholo kuchu kusho shikuqha kelo akukujopu eno tichetighepuke eno nongu gholo tishipulaghi panonguye alhoksa laghilo aghakiqipu shi acheni.

1 Thes. 5:7

Kughengu zuachekemiye putho lono zu cheni eno shokumzumiye putho lono shomzu cheni.

2 Kor. 11:20

Tsala timi khamino nongu ahza tsu na, qhasuve na jukunathave na, agilo ghatsue pinamu nonguye ti kutuuluve cheni.

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

MATTHEW 22:6

eno kutamiqono pa qemi tsuquluveno kuoqhi pithivetsu.

EZEKEL 34:8

Kuchouno niye xuakeu Lhou ke nonguye itsa initsu kepue. Iwu bheriqoye tughashino heqhi chuvae kughengu akheu kuha kehue. Iwu bherikhemiye bheri phu nike pukaputsamoe. Panonguye pano likhi pano tuchoheju auve kethono bheriqo jukutomoe.

EZEKEL 12:22

“Kushiye Israilmiqoye aholetsa hipau pikishe acheni kya? ‘Ado wove ani ashe-azu tsa huye adou shive anike.’

JEREMIYA 20:2

pano iheqhipe nike eno Achinekilo Benjamin Khagho lashouto phivilo ayikichheno phepe qhipe nike pano ahza tsuke.

ISAIAH 65:6

“Niye panoqo ghimeqhinikeu xatha pesu kutovae eno panoqo shou kiu shikepu keno yepesu qhivae. Panonguno kiu mlakeno niye juzuveni chemoe ikemu pano xineqo eno pano puasu xineqo ghenguno panoqo shou lochile nani.

ZAKINIU 12:12

Nongu tianuli, noqemiqo eno nowu taunlo Levi laghami sasu kumtsa pa gizulo alokivishilo: Levi laghamiye pano sala ayeghi kuha nani kepi kumsululo.

Luke 12:44

Kuchouno ino nongu vilo pini, ampiu huno aqeu tipau pelo pawu kuakini kumtsu shou kughukutsuu shipe nani.

Luke 12:46

pa mpiuye aqeu tipauno huqhe khemokeu tsala eno mthano akeu do lakhi lono ighive nani eno aqeu hu akijipusave nani eno aghekulu kumomi gholo qhive nani.

Luke 21:34

“Nongu likhi nongu jukuto alo! Chumzu shomzu eno hipa kuxu sala phukeu lono nongu mlo sunheqhi auve pekevilo, ipuzu tipa tsala zuleno nongu shou ikughi pe kevilo.

John 2:10

pa vilo pi: “Timi kumtsuno atsayiji akiviu paghi peitha cheni eno timiqono khenguyi shove kethiuno shokusa tsayiji peitha cheni. Ikemu noye itehi kutolo atsayiji akiviu puaphi.”

Apostolmi 2:18

Tipaqo tsalalo iqepumi eno iqelimi shou ghi ino iGhungu lepukuni eno panonguno tungkuptsa pi nani.

JOB 24:23

Alhou no pano pelo sushokulu shi eno mumbekulu shi xu aghi peluvi, ikemu pa nhethino pulhapuju pano kuxu jukuto acheni.