Luke 12:32 - BAIBEL (BSI)

³² “Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

Sümi Tiqhelimi Bible

³² “Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

Sumi Naga CL (Re-edited) Bible (BSI)

³² “Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

Luke 12:32 Referans Kwoze

IBRIMI 12:28

Tighenguno ninguye sukughutha mlakeu yehkipeqha ithuluveake ghenguno shikimthi ani nolo. Ikehu akimtheshi ighukeu eno sumsakeu lono Alhou no ikhikulupushi pa mlla huthuni nolo;

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

FILIPIAMI 2:13

kughengu Alhou zukuvupu akivi mlalupeni eno pulolupe nike ghenguno Alhou no nongu lolo mla acheni.

Luke 10:21

Tipa dolo Aghungu Kimthe no alokivi pesu Jisu hupitetsu, eno pano pi, “Atsutsu eno ayeghi Mpeu, Apuo, ino oshikimthi ani, kughengu nono thime hipaqo alokutsumi ngo ithishekemi launo kusuluveno, mthakemi lau pephepiyeke. Iye, Apuo, nono hi shitsukeuye tino opulou kehue.

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

ISAIAH 40:11

Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

2 Thes. 1:11

Tighenguno ninguye pulhapuju nongu ghenguno inikhu acheni, tishianguno ningu Lhou no nongu pelo pano kuluvekeu kuxulo akuzupushi xulupe niyeke eno pano pa kuka kumto pesu nongu kivipu eno akupulu lono akumla shikeu kumtsu shikupulu peni.

2 Peter 1:11

Hitoi shikeu lono nongu pelo niMpeu eno ni Xakuluu Jisu Khristo wu alhokupuju yehkipelo ilokulupu kuka kumtsu pesu nongu tsu nanike.

MATTHEW 14:27

Ikelo tipa mtsa Jisu no panoqo putsa no ishipi, “Nongu mlo itha kevilo| Nike, msa kevilo!”

JEREMIYA 3:19

AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.

2 Thes. 1:5

Hiye Alhou no achipi lono kughathakeu pikiphe lakhike, tishianguno nonguye Alhou yehkipe qholo ilo kuzupu shitsu nike ghenguno nonguye ime anike.

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

James 2:5

Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

John 18:36

Jisu no pi, “Ikukaqhaye hipau yeghiqha launo kumoe, ikukaqhaye hipau yeghiqha launo keaye, Judami pelo ikughasawu pemoni kelauno ikhopemino aghu shini cheke; ikemu ikukaqhaye hipau yeghiqha launo kumoe!”

ISAIAH 41:14

AMPEU no pi, “Musakevilo, kitila eno miqemileyi keu, Jakob, Israil timiqo; ino okuphu nanike. Ni, Israil Lhou akimtheu, ino oxalu chenike.

MATTHEW 20:16

Jisu no ishi kishekha ghi pive, “Ikehu atikhamino atughu shive nani eno atughumino atikha shive nani.” Kughengu kutomo kulue ikemu aghuloshi kishelue.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

ISAIAH 53:6

Ningu kumtsu bheri puhavekeqo toikhave, ningu milakhi khino pututa lalo wukhave. Ikemu AMPEU no pa shou ghichhe ghime betsu, nino ithukulupu shiakeu ghichhe ghimeke.”

Apostolmi 20:28

Nongu likhi nongu jukutsukiyi lo eno Aghungu Kimthe no nongu pelo jukidekuda peniaye qhipuatsukeu loji hu jukutsu-kiyi tsulo. Alhou kukuhou kheu shilo, tiye pa Nu kithi vechewo pawu shilupe puanike.

Apostolmi 20:29

Ino ithi anike, ino chevekethiuye tungtugha yikusaqono nongu gholo ighi nani eno kupulumiqo-loji hapiye-pighi nani.

1 Kor. 1:21

Tighenguno Alhou no pa suqekighithi lono ayeghilo timiqo pelo panoqo suqekighithi vechewo Alhou ithikepu shitsumove. Tishinike zuqhulo ninguno mbomzu sutsa pesu asheshu keu vechewo khunoqomino ti pulukeno tipanoqo xalupe nikeuno Alhou pulou shiaghive.