KUKAMI AKINIU 3:3 - BAIBEL (BSI)

³ Tishimu Nebat nu akukau Jeroboam pa zuu achekeu toi pano Israilmi sasu axinelo ilove eno tamono tishi auve.

Sumi Naga CL (Re-edited) Bible (BSI)

³ Tishimu Nebat nu Jeroboam xine khikhino Israel pelo axine shivepe keno, pa no ti pape eno tipaqo launo wuvemoe.

KUKAMI AKINIU 3:3 Referans Kwoze

KUKAMI ATUGHIU 14:16

AMPEU no Israil qhive nani, Jeroboam no axine shiveno Israilmi axinelo sailovetsu ke.”

KUKAMI AKINIU 17:22

Panonguye Jeroboam papeuve eno pano kuqu keu xine shi kibe mlacheuve,

KUKAMI AKINIU 15:18

Pa ghi AMPEU zulo axine shive eno lhoksakugha akukau Jeroboam Nabat nu no Israilmi sasu axine lo ilovekeu kumla lhoksakugha laghi papeuve.

KUKAMI AKINIU 15:9

Pa ghi pa zuumiqo toi AMPEU zulo axine shive. Paye Nebat nu akukau Jeroboam no Israilmi sasu axine lo iloveke toi lhoksakugha kumlaqou papeuve.

KUKAMI AKINIU 14:24

Paye AMPEU zulo axine shive eno pa zuu akukau Jeroboam Nebat kumla lhoksaqo papeuve, khuno Israilmi sasu axine lo ilovekeno.

KUKAMI AKINIU 13:11

Pa ghi AMPEU zulo axine kumla shive eno akukau Jeroboam no Israilmi sasu axinelo sailove keu kumla lhoksa papewuve.

KUKAMI AKINIU 13:6

Ikemu panonguye akukau Jeroboam no panongu sasu axine lo ilovekeu xine hu phevemlano tamomithe kuqu auve; eno alhou liu Ashera julho hu Samaria lo acheuve.

KUKAMI AKINIU 13:2

Pa zuu akukau Jeroboam toi pa ghi AMPEU zulo axine shive eno Israilmi sasu axinelo sailove; paye khilemu alhoksa laghiqo hu phemlave.

KUKAMI ATUGHIU 16:31

Akukau Jeroboam toi axine shivekeu likhi kumono tinguno alaughi paye Sidon lo akukau Ethbaal nga Jezebel sasu kulakupu shiveno Baal mllauve.

KUKAMI ATUGHIU 15:34

Pazuu akukau Jeroboam toi pa ghi AMPEU mithino axine shive eno Israilmi sasu axine lo ilove.

KUKAMI ATUGHIU 15:26

Pa zuu papu toi pa ghi axine shive eno AMPEU kimthimi shiveno Israilmi sasu axine lo ilove.

KUKAMI ATUGHIU 14:9

Noye ozuu ayehkipemi nguno alau axine kije shiva. Noye imiliveno asu-atu julho eno ayino shisukeu julho shino mllauvekeu huno imlo shikighideve tsuae.

KUKAMI ATUGHIU 13:33

Israilmi kukau Jeroboam ye tithiughi pa lhoksa laghiqo lono ide ighimoe, ikemu tamo mitheno inapughami lagha lono achinemi kisheluno pano mlape qhikeu kiptiaqolo mllape. Khuu khuumu pa ampino shinishi aghi aye angu-agha betsuno achinetou shipeke.

KUKAMI AKINIU 17:21

AMPEU no Israilmi pesu Judami launo kututa shivetsu kethiu, Israilmiye Jeroboam, Nebat nu pesu panongu kukau shiluve. Jeroboam no panongu pesu AMPEU launo kututa shivetsu eno panongu sasu ighono lhoksakugha xine kuxulo sailove.

KUKAMI AKINIU 17:23

ikehu ashekhaloye AMPEU no pa nhekithe lono panongu hapheve, pano paqemi tungkupumi vechewo panongu ghutu keu lono pano shinipi ketoi shive. Tighenguno Israilmiye Asiriya yeghilo kughasasu akughu shiukhave, panonguye ishikutolo tile xu achephike.

KUKAMI AKINIU 21:16

Manasse no amikuchomi kutomo ghiqhi pithivetsu keu jihno Jerusalem laghiqo ahjino nhakha qowu; paye Juda lo kuamiqo sasu asu-atu mllauve pekeu lono AMPEU mlo shikighideve tsu eno axine shikeu likhi kumono hitoi kutomo kuxu puwovetsuke.

KUKAMI AKINIU 23:15

Josia no Bethel lo akukau Jeroboam Nebat nu no Israilmi sasu axinelo ilove keu kumlla-a ghi kubolevetsu. Josia no akumlla-a tulavetsu eno atupikiyeqo tuleveno atuqo kubo piniyivetsu eno mukhumunoshi asaye kughulhovetsu eno Ashera julho ghi pitivetsu.