Jude 1:11 - BAIBEL (BSI)

¹¹ Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

Sümi Tiqhelimi Bible

¹¹ Panongu ghengu ye ahaküsapu ke! Panongu ye Cain laghi lo checheni ke; panongu ye mighisü alá shini ke ghenguno Balaamw shikipimi shivae; panongu ye Korah’w hekibide lono kütsakungovae.

Sumi Naga CL (Re-edited) Bible (BSI)

¹¹ Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

Jude 1:11 Referans Kwoze

2 Peter 2:15

Panonguye alakumzu qhive puzu alaizu susu wuvae. Panonguye Beor nu Balaam, khuu alhosa kumla lono ala kighishe lukeu kupukeno tipau laghi papewuvae.

1 John 3:12

Ninguye Kain toikepu kumoe; paye Alhoksau laumike eno pa thikuzuu Abel heqhi pithiveke. Paye kushiye pa thikuzuu heqhipithive kya? Kughengu pa kumlaye alhoksake eno pa thikuzuu kumlaye achipi kehue.

Piyeküsü 2:14

Ikemu niye oshou thime lakhi kini pikepu ani: ogholo timi khamino Balaam kukutsu pape cheni. Balaam no Balak pelo Israilmi zusawo ajulho shisuno mllakeu chuqupu chupenikeushi shika eno Israilmi pelo salhashupuve peniye shikake.

IBRIMI 11:4

Akupulu lono Abel ye Kain nguno akiviushi Alhou no ikhikulupu lhoxu heqhipe mllakeu lakhi shilue, eno pa kupulu vechewo paye amikuchomi kepi Alhou no ikhilukepu shilue, kughengu Alhou ampino pa kumllagho ikhilukeu shepe shitsuke. Abel ye thive pinamu pa kupulu vechewo itehi ghi piacheni.

MATTHEW 11:21

“Khorazin, oghenguno ahasapu anie! Bethsaida, oghenguno ahasapu anie! Kughengu nongu gholo akumzapu kumla shikeu hu Tur ngo Sidon lo shitsuke aye, panonguye khaghino yeqhiye phi pepu eno ayevu pesu aphi nupu puzu panongu mlo Alhou lau xaideghivekeu piyeve aghini cheke!

MICAH 6:5

Iwu timiqo, Muab lo akukau Balak no nongu shou kiu shiniye kughu keno eno Beor nu Balam no kishi pa khochile keno tipau kumsuchile julo. Akasia pusho ngo Gilgal kuma dolo wuchekelo alalo kiu shivekeno tipau kumsuchile julo. Hipaqo ghili kumsuchile julo eno niye nongu xaluniye kiu shikeno tipau nonguno vethalu nani.”

ISAIAH 3:11

Ikemu alhoksamiye ahakusapue! Panoqoye avekusapu sholu nani; panonguno timi lau kiu shiche keno tipau panoqo shou shipuku nani.

ISAIAH 3:9

Panonguno axo lunishimokeu huye panoqo shou ashepe shiauvae. Panonguno Sodommi no shiketoi kumtsu nhekithe lono axine shike. Panonguye xaleqhini putsa eno tiye panonguno pano likhi pano shou alhoksa sughi anike.

ZAKINIU 23:4

Nonguno Ijip kudau ipeche kelo panonguno achuqupu ngo azu pesu nongu tsunikeu miliveke eno panonguno Mesopotamia lo Pethor phughi lono Beor nu Balam piqesu puzu nongu musuini nikeu shike.

AKIKIHI 31:16

Totimino Balam kukutsu pape wuve no Peor lo timiqo pelo AMPEU lau amikucho kumo shivepe kepi kumsu mla kesha? Tino AMPEU wu timiqo shou pusa kusu sughike.

ZEKHARIA 11:17

Amekuha mithekeu bherikheu tipauye pithiveni putsake! Paye pawu bheri loji qhiveke. Aghukishino pa kuka qhoi kutsave nani. Paye thizum-muyive nani eno pa nhethi ajeu kudauye icheuve nani.”

EZEKEL 13:3

Akughushu MPEU no kiu piani keno tiye hike: “Anikha tungkupmi hipaqoye ahakusapue! Panonguye pano likhi pano nguagha pape ani eno pano likhi pano kungunhetsu iqiphe anike.

JEREMIYA 13:27

Nonguye pano jumithiche keu thime shi aghikeu pano ithuluvae. Nonguno timi lakhino pa kusami nipu juminekeu momu khurshitsuno aqu pape keshi naghutoqolo inapughami lhouqo lau wukeu eno aluzalo wukeu pano nongu ithuluvae. Jerusalem lo akemiqo, nongu hakusapu shivae! Nonguye kughono muqhamiqhiyi nani kya?

KUKAMI AKINIU 16:16

Uriya no akukauno ahza tsuketoi shivetsu.