JOYIL 3:1 - BAIBEL (BSI)

¹ AMPEU no pi, “Julo, tipa ghulokilo ino Juda ngo Jerusalem kinikulu suchile saghi nani.

Sumi Naga CL (Re-edited) Bible (BSI)

¹ “Kughengu julo, tipa ghuloki eno atüqhüdo lo kughou I no Judah ngo Jerusalem küakini tsüchileni keno,

JOYIL 3:1 Referans Kwoze

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

EZEKEL 39:25

Akughushu MPEU no pike, “Ikemu itehiye ino Jakob laghami Israil lo akemiqo shou kupuqhiyi nani, eno panoqo itaghi kinikulu shitsu nani. Ino ije kimthe susho nani.

AMUS 9:14

Niye iwu timiqo pano yeghilo sachile saghi nani. Panonguno ixapinyivekeu phughi shikitheno tilehi ngo nani; panonguno atsayibo shosuno atsayiji sho nani. Panonguno aghutu putuno tile ipeghikeu chu nani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

LESHELE 85:1

AMPEU, noye oyeghi shou kimiyeqhiyikeu ake; nono Israil pelo itaghi kinikulu shilu anipe.

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

JEREMIYA 30:18

AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 16:15

Tipa zuqhulo, panonguno tushoqhi keulo Alhou no ayeghi ahuu akeu lono eno ayeghi kutau kumtsu khilehi pano panoqo hakughutsuve keu lono Israil saighikeuye xuanike ghenguno ipi pi nani. Ino pano yeghilo panoqo sachile saghi nani, ti panoqo puasuqo lau ino tsukeu yeghilo. Ni, AMPEU no piqhive ake.”

LESHELE 14:7

O Zion lono Israilmi lau xakulupu ighilupeke aye! Kughou AMPEU no akumgha pawu timiqo lau suchile sughi tsuni keno. Jakob no alovi nani, Israilmino amlokiqi shilu nani.

EZEKEL 16:53

AMPEU no Jerusalem vilo pi, “Ino Sodom ngo liphuqo eno Samaria ngo liphuqo itaghi kinikulu shilupe nani. Iye, noghi ino itaghi kinikulu shipe nani.

JOYIL 2:29

Tipa ghulokilo ino aqemi, kiptimi ngo totimiqo shou ighungu lepukutsu nani.

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

AKIKIHI 11:29

Muse no ishi khochileve, “Noye ighenguno alokumsu shitsu ani keshea? Niye AMPEU pelo pa ghungu pesu pawu timi kumtsu tsupenishi ani eno kumtsu pelo tungkupu toi atsa pilupe nishike!”

AKIKIHI 12:6

eno AMPEU no pi, “Ino kiu pini keno inijulo! Tungkupumi nongu gholo ake ghulokilo ino kungunhetsu lono ikutoshino panongu nhepithe eno asamouno putsa cheni.

AHOLE 1:23

Kughou ino nongu pelo shikithelupe niye sakiyini keno niye akukutsu kivi nongu tsu nani eno ikighithi nongu sasu kusaje nani.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.