JOYIL 1:9 - BAIBEL (BSI)

⁹ Achinekilo athi momu atsayiji pesu mlla kepu kuhaveake; Achinemino mloqa ani kughengu panonguye AMPEU mlla kepu kiumu kuhake.

Sumi Naga CL (Re-edited) Bible (BSI)

⁹ Athi eno atsaizü kümllagho ye Ampeu ki lono süwuvae. Ampeu chinemi eno hukuthumi no mloqa anie.

JOYIL 1:9 Referans Kwoze

JOYIL 2:17

Achinemi, akumlla kiptia ngo Achineki hukikha dolo AMPEU qe achekemino qanimlo ishi inikhu masake, “AMPEU, owu timiqo shou amlo ighiqhiyikeu atsulo. Ashiayeh kutami pelo nijukunatha eno nithaigha pekevilo. Eno nivilo, ‘no-Lhou khile ani kya?’ ipi pekevilo.”

JOYIL 2:14

Khuno ithiani kya? noLhou AMPEU ye pa kukumsu kilive nanimu mthake, eno nibonileshi axa jeli nongu kumghape qhitsu luvike. Tileno nonguno athi eno atsayiji pe pa mllalu nanike.

JOYIL 1:13

Yeqhiyephi pepuno qanimlolo, nongu achinemi, akipti-alo mlachekeqo! Achinekilo ilolo eno puthotsu mloqalo! Nongu Lhou mlla kepu thi momu atsayiji kuhake.

HOSIYA 9:4

Inaghami yeghilo panonguye atsayiji pesu AMPEU lau akumllagho tsulukepu shimo nani momu lhoxu heqhipe pa lau sughi mla nani. Khunoqono panoqo chuqupu chuni keno kumtsu kitiqeve nani, tiye akumo shiqhokelo chuqupu toi nani. Tiye panongu khuava ghapiqini keulo likhi peitha nani; tipaqo gholo lakhimu AMPEU chinekilo akumllagho shi puwulumo nani.

ISAIAH 61:6

Nonguye AMPEU chinemi kepi ithipe nani, Ni Lhou qemiqo shi nani. Nonguno ashiayeh kutamiqo wu kinikulu peitha nani, eno tiye nowu kepi nokijivilo nani.

JOYIL 1:16

Nixabo kutsave kelo ninguye kiumu shimlano juke likhi juake. NiLhou chinekilo alokivi kuhake.

AKUMLO 1:16

‘Hi ghenguno ino qa ani eno inhethi lono anhezu qole ani. Khunomu ilokughuno tsu mlake, khunomu ishikumto mlae. Aghumino itheqhiluvae, iwu timiqoye kughu kughaleivae.’

AKUMLO 1:4

Akimthe tsalalomu itehiye khunomu Achinekilo mlla nike ighi chemovae. Ilimi tilehi alephe chekeqoye ime auvae eno achinemino ighaphe mlano suaukhavae. Aphughi khagholo khumu kuhae eno Zion ye piti puzaqhiyi ani.

YEKIKITHI AKINIU 13:10

“Ikemu ninguye AMPEU niLhou qe achephi ke eno pa pheve mphike. Aron launo ikoighi kemi achinemi no panoqo kumlapu saje shi acheni eno Levimi no panoqo kuphu cheni.

IPEKULU 28:1

“Omu Aron ngo panu Nadab, Abihu, Eleazar eno Ithamar ishi ku-saghilo. Israilmi launo panoqo kutashivelo tishianguno panonguye iqemi shipenike.