JOYIL 1:7 - BAIBEL (BSI)

⁷ Panonguno nitsayibo shipusakhavea eno niwu khughuthiboqo tsatha pinyivae. Panonguno tipau koza tsalha qhive tsuae eno alokaqoye metsughoiveake.

Sumi Naga CL (Re-edited) Bible (BSI)

⁷ Tipau no I tsaibo kütsave tsüno Iw mububo hechheve tsüae; tipaqo kola lhave no peve tsüae; alokaqo pesü metsüghoive tsüae.

JOYIL 1:7 Referans Kwoze

AMUS 4:9

“Nongu xabo fupithive penike ino shukuthuyi keu mulhu puwuke. Tulhaqu no noghutu ngo atsayilu, khughuthibo eno oliv subo tsakhave tsuke. Tishi keghi nonguye ilau xaidechile ighimoe.”

ISAIAH 5:6

Tipaulo alupino ghonhaluve peni. Niye atsayibo kixiphemoveni momu ayeghi holemoveni; tishinike zuqhulo aghusahu ngo asahubo pelo tipau nhaluvepeni. Ino khungkusu pelo tipaulo tsutsughu ghuqhi pemonike lakhaveni.”

JOYIL 1:12

Atsayibo ngo khughuthiboye thizummuyivae; axathibo kumtsu kimghoiveno thivae. Timiqo lokivi chevae.

HABAKUK 3:17

Khughuthibono athi pithinike pu-move namu eno atsayibolo atsayithi ipeghimo namu, Oliv lothi pithimove namu eno alulo athi ipeghimove namu bheriqo kumtsu thikhave namu eno amshikilo amshi kuhave namu,

HOSIYA 2:12

Lino alojipumi gho shikeu ghenguno panoqono li tsukeu tsayibo ngo khughuthibo ino kutsalevetsu nani. Ino li tsayilu ngo axathili pesu agha kughulhovetsu nani, tughashino tipaqo shipusave nani.

JEREMIYA 8:13

“Timino pa thi-ghopua keu pekutsuke toi niye iwu timiqo pekutsu nishike; ikemu panonguye atsayibo athi pithimo keu toike; khughubo athi pithimokeu toike; anipa ghi thizumuyive. Tighenguno ino khalaumi pelono aghakhu luvepe nikeu pulovetsuake.”

ISAIAH 24:7

Atsayibono ighuive eno atsayiji ithulunikeu mikhelove ani. Puzuu alokivishi chekemino itehiye amlokusa shiani,

LESHELE 105:33

Pano panoqo tsayibo ngo khughu thibo kutsavepe eno asubo kumtsu vethapinyive tsu.

IPEKULU 10:15

Tipaqono ayeghi nhaluve ikehu ayeghiye tsubui ithuluwuve; apughuno ghupe puaghikeu jeli kumtsu tipaqono chuve; asubolo axathi aghikeu ghi chuve. Ijip yeghiqhalo asutsuni momu asubolo akeu jeli lakhimu qhitsumove.

IPEKULU 10:14

Tipaqono amqo amqono chokive ighi puzu ayeghi kumtsulo ngoluve. Tulhaqu muqo titoi keu khilehimu ithumla aphike momu itaghi ithuluni chemoke.

ISAIAH 32:12

Amlo ghuju lono amla kukhulo kughengu aghuma luqa ngo atsayiluqoye kutsakhave ake,

MALAKI 3:11

Niye pitheninga pelo nongu xabo kutsa pemo nani eno notsayiboqono atsayithi kumzapu pithi nani.