JOSHUA 6:23 - BAIBEL (BSI)

²³ Tighenguno pama no wuno Rahab eno apu aza ngo lino bolomi kumtsu saighi. Pamano li bolomi kumtsu gholo aqemiqo sasu Israil pusho alo xaphe saighive.

Sumi Naga CL (Re-edited) Bible (BSI)

²³ Ikehu pama no wuno Rahab eno li puaza ngo li pelimi ngo kibolomi kümtsü saghi. Pama no li kibolomi kümtsü sasü Israel ghazü lo ighive.

JOSHUA 6:23 Referans Kwoze

IBRIMI 11:7

Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.

Ephesiami 2:12

Tipa ghulokilo nonguye Khristo launo kututashipe acheke. Nonguye inami shi ache, Alhou no kishelukeu Israilmi laumi kumoke, eno Alhou no pawu timi lau piqhikeu puloshoqhi shikeu launo tusumi shiache, eno hipa yeghiqhalo lajupu kuha eno Alhou kuhano acheke.

1 Kor. 5:12

Kughengu niye kushiniye ashoumiqo shou kughathabe ani kya? Ashoumiqoye Alhou no kughathabe nani, ikemu nonguye akukuho alou akemiqo shouye kughathabe moni kesha? “Lhoksa-kughau timi huye nongu gholono haphevelo.”

Apostolmi 27:24

ishi pi, ‘Musakevilo, Paul Noye Rom kukau Kaisar zulo puthugho masae, eno julo, ogholo ashukakilo chekeqo kumtsu Alhou no pesu otsu ani.’

Apostolmi 10:28

Pano panoqo vilo pi, “Nongu kumtsuno ithianike Judami lakhiye pa chineyehno pa pelo ashiayeh kutami putsawu momu xukutshukungo penikeu lakha puani. Ikemu niye timi khumu pesu mithemoke momu kitiqeveake ipikepu kumoe pi Alhou no ipiyevae.

AKIKIHI 31:19

Itehi nongu khunoqono timi ghiqhivea momu akithi kumo dive akeno tipaqoye kumtsu aghazu nguno khalau atsala tsuni ngo masake. Atsala akuthunilo ngo atsala akutsuniu lo nongu eno nonguno kugha saghikeu totimiqo shikimthevelo.

BOTHUBO 18:24

Tsalatsa aphughi hupaulo amikuchomi lhopungu aghiaye, tipaqo ghengu lonomu aphughi qhi tsumono noye tipau pukahvetsuni kesha?

BOTHUBO 12:2

Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

JOSHUA 2:18

Nono hi shimaye sakene, kughono nino noyeghi leniye ighinikeno hi huchuyi keu kighi alashelo tshupukuno ningu piqi keu kighi lono okibolo opu, oza, opelimi eno opuno kibolomi kumtsu saighivelo.

JOSHUA 2:13

Nonguno ipu iza, ipelimi, itsunipulimi eno panongu bolomiqo susholuni pi izulo tushoqhivelo! Ningu pithive pe kevilo.”

BOTHUBO 19:29

Abokhuqa lo aphughi akeqo kutsa akelo Alhou no Abraham kumsuchilelue. Eno Lot no achekeu phughi puhavetsu akelo pano Lot xaphelue.

IBRIMI 11:31

Akupulu lono asalhau Rahab ye Alhou hebide chekemi gholono thimo kepu shilue kughengu lino Israilmi pukujumi shompami toi sasuke.

JOSHUA 2:16

Lino pama vilo pi, “Atoyeghilo wuvelo, tishimo aye akukau timi qono nokujo phuluve nani. Tsala kuthu panonguno ideighimoke kutolo itshu luvelo. Tithiu no nokujo lalo wulu nani.”

XAKUTHAMI 1:25

Ikehu pano panongu piye, tileno Efraim ngo Manase laghano ala panongu piye keu timi eno pa bolomi likhi ghuvetsu kethono aphughilo akemi kumtsu heqhi pithi khavetsu.