JOSHUA 5:13 - BAIBEL (BSI)

¹³ Joshua no Jerikho kupunulo akelo timi lakhi paikhavi pa zulo puthugho aghike ithulu eno azutakihi pe aghi, Joshua no pa lau wuno, “Noye niwu ghushimi gholo lakhi keo nighumi kya?” pi iniju.

Sumi Naga CL (Re-edited) Bible (BSI)

¹³ Kughou Joshua no Jericho kupunu ighi keno, pa no ju kelaye timi lakhi azütakikihi pa u lo pesü aghi keu ithulu. Joshua no pa lau wuno pi, “No ye ni laumi keo, ni ghümi laumi kea?”

JOSHUA 5:13 Referans Kwoze

AKIKIHI 22:23

Kughou kungumi huno azuta sujo pesu tilehi puthugho akeu gadaha no ithuluve keno alaghi qhiveno alaphelo tsughususu wuve. Balam no gadaha ghaqhi puzu alaghilo saide saghi.

BOTHUBO 18:2

ike pano pa gi peqhe ithu juke lauye pa phivilo timi kuthu puthugho aghi. Pano panongu ithulu kemtsa ithu puzu panongu sasu kushonike pa phiki hukikha lono posusu wue eno pano itsaiqi puzu pi,

AKIKIHI 22:31

Tithiu AMPEU no Balam nhethi xukhotsu eno AMPEU wu kungumi huno pa zuta peqhe pesu alaghilo puthugho aghikeu pano ithulu eno Balam no pagi pishiqho pesu ayeghilo iluqive,

YEKIKITHI ATUGHIU 21:30

ikemu David ye tipa alo wupuzu Alhou mlla mlave kughengu paye AMPEU wu kungumi zuta msave ke.

DANIEL 10:5

Ino kunguu jukelo timi lakhi aphi kumtsha u eno shunano shikeu pokha puakeu ithulu.

IPEKULU 23:23

Iwu kungumino nongu zuu wupuzu nongu sasu Amarimi, Hatimi, Perizimi, Kananmi, Havimi eno Jebusimi yeghilo ilo nani eno ino panoqo kutsaleve nani.

Apostolmi 1:10

Pano wuveche kelo apostolmino atsutsulo jukuto akelauye timi kini aphi kimiye pepuno panoqo phivilo puthugho aghive.

ZEKHARIA 1:8

AMPEU wu kungumi lakhi khurshi huchuyikeu shou ikuno cheghikeu ino ithulu. Abokhuqa lakhilo axokutsungu subo hami akeu gholo pano ngove eno pa tikhau huchuyikeu ngo hughaikeu eno metsughoi keu khurshi kutau ghi ake.

YEKIKITHI ATUGHIU 21:27

AMPEU no kungumi vilo pa zuta pewuvelo pi eno kungumino pa tsa lue.

XAKUTHAMI 13:11

Manoa no ilhethu pa nipu papesu wuve. Pano timi lau wuno iniju, “Noye inipu sasu kuptsa keu timi hu kesha?” “Iye,” ipi pano khochile.

DANIEL 8:3

Aghoki mukulo bheritsu lakhi akibo kushuwo kinikupu tile akeu ithulo, akibo lakhiye lakhi pashu eno kutau lakhi nguno akitheu.

XAKUTHAMI 13:22

Manoa no pa nipu vilo pi, “Nikujoye Alhou ithuluve akeke thiveni putsae!”

JOSHUA 6:2

AMPEU no Joshua vilo pi, “Ino Jerikho ngo tile kukau eno ghushitomi kijemi pe oulo suvae.

BOTHUBO 33:5

Esao no pishipuwo jukelo totimi atianuliqo ithulu puzu pi, “Ogholo hipaqoye khuno kya?” Jakob no khochile pi, “Alhou no kupukimiye keu lono ni oqeu tsukeu tianuliqo ke.”

BOTHUBO 33:1

Jakob no pishipuwo jukelauye Esao ye pa gholo timi 400 sasu cheghi. Ikehu pano Lea ngo Rachel eno aqeliu kini gholo atianuli amqo amqo shi kijeve.

Piyeküsü 1:13

eno tipaqo mutalo timi toike lakhi aghi, eno apukhu kutolo chijebobo-phikuzu u-ae, eno shunayino shikeu pokha pesu pa chita khapu ae.

BOTHUBO 18:1

Mamre lo achine subo phivi lono AMPEU no Abraham lau ipeghipiye. Atsala shukuthuyi akelo Abraham no pa phiki khalalo iqa ae,

BOTHUBO 28:16

Jakob no zuida thughi no pi, “Kuchouno AMPEU ye hipa-alo ani mu niye ti mthano ae!”

YEKIKITHI ATUGHIU 12:22

Tsalakipe tsulo timi akithe theno David ghushimi gholo iloghi chewuve, tighenguno pawu ghushimi alau alau ikowove.