JOSHUA 4:6 - BAIBEL (BSI)

⁶ AMPEU no kiu shikeno hi atuqono timiqo lau amichipu ke. Hithiuno noti anuliqono hi atuqoye kiu kiqi kya? pi novilo iniju aye,

Sumi Naga CL (Re-edited) Bible (BSI)

⁶ eno hi no nongu gholo amchipu shipenie. Hithiu nongu tianuliqo no ‘Hi atuqo ye kiu kiqi kea?’ ipi nongu vilo ighiju aye,

JOSHUA 4:6 Referans Kwoze

IPEKULU 13:14

Ighinikeu ghulokilo nongu nuliqono hipau chinye kiqi ye kiu kelapi iniju aye, nonguno ishi pa khochilelo,’ AMPEU no akuka kije peitha no Ijip lono ningu saipeghike, ninguye tilau aqemi shi acheke.

JOSHUA 4:21

pano Israilmi vilo ishi pi,” Hithiu noti nulino hi atuqoye kiu mchipu kea pi aye,

LESHELE 44:1

Nilikhi nikinino chiluvae, O Alhou, eno nipu asuqono nivilo pivae, Panongu ghulokilo nono akumzapu kumla shikeu hu:

JOSHUA 22:27

ikemu tishikepu zuqhulo, no timi eno ni timi ghenguno eno nithiu tiqhelimi ghenguno amchipu shiniye ninguye kuchouno pa kimthe Phikilo pa mllacheke eno akipitigho eno kuposhukulu ghoqo eno aghakishiqo pe mllache keu ithi apeniyeke. Hino notinonuli pelo ningu tianuliqoye AMPEU lau niwu kumu kuhae ipipemo nike ghengunoke.

ZAKINIU 11:19

Tipaqo pesu nongu tianuliqo shikalo. Nonguno akilo ngo akelo eno khalau chekelo, akulho qhi akelo eno akumla shi akelo tipaqo ghili kuptsa alo,

ISAIAH 55:13

Itehi khile ashuyesahu ani keno Kuprasubo thu ipeghi nani; asahubo akeu-alo martil subo ipeghi nani. Hipau michipuno alhokupujulo ache nani, ni, AMPEU no kiu shikeno tipau kumsuchilelu apeniyeke.”

ISAIAH 38:19

Kuxumino osheqhelu cheni, itehi ino osheqhe akeu toi. Apuhno anuliqo vilo noye kiutoi amikucho keno picheni.

LESHELE 71:18

Tihutoi kitemi eno asa mpave namu pianiaphi, O Alhou, ipheve kevilo! Tiqhelimi kumtsu vilo okuka kumto ghili piakelo igholo chelo.

Apostolmi 2:39

Kughengu Alhou shoqhiye nongu ngo nongu tianuli eno khunoqomi putou anikeno khukhumu Ampeu ningu Lhou no kulukemi ghenguno ke.”

EZEKEL 20:20

Sabat pinye akimthe tsala lakhi shilo tishianguno tipauno puloshoqhi ninguno shipuakeu michipu lakhi shipe nike eno tipauno niye nongu Lhou AMPEU kepi nongu piputolu nani.

EZEKEL 20:12

Ningu dolo xatha lukeu michi Sabat pinye ikhilu penikeu shi ino shitsuke, tiye ni AMPEU no panoqo pesu akimthe shikeu panoqo pelo kumsu chilelu apeniyeke.

AKIKIHI 16:38

Tipaqoye AMPEU wu akiptia lo qhivetsu keu lono akimthe shive ake. Tighenguno khunoqo axine ghenguno pithive akeno timi tipaqo mikhu ikhilu puzu tipaqo apashi ipumihei hephano akiptia kuzu kepu shilo. Tino Israilmi shikimchi tsukeu lakhi shi nani.”

IPEKULU 31:13

Israilmi vilo ishi pilo pike, “Ino akulhokiqhi tsala, Sabat pelulo, kughengu hiye nongu ngo idolo alho kuthu ghenguno amchipu lakhike tiye ni AMPEU no nongu pesu iwu timi shilu pekeu piyeniyeke.

IPEKULU 13:9

Hipau tsala ikhilu keuno kiuala noulo momu nongu kishelo khapu chekeu toi nongu pelo kumsuchilelu penanike; hipauno nongu pelo AMPEU yezah phuju eno lhekideju apenikeu shi nongu loputsu tsu nani, kughengu AMPEU no pa kuka kije pesu Ijip lono nongu saipeghike.

IPEKULU 12:14

Nonguye hipa tsalaye achineyeh lo tiqhetini lakhi shi ikhiluche masake, ni AMPEU no kiu mla keno nonguno kumsuchilelu masake. Ighinikeulo hipau ikhiluchelo.”

JOSHUA 4:5

panongu vilo pi, “AMPEU nongu Lhou wu Puloshoqhi Bohu zuuno Jordan lo wulo. Nongu lakhikhino nongu bighi lo atu bepulo, tiye atu lakhino Israilmi shiyeh lakhi khi mchipuke.