JOSHUA 24:10 - BAIBEL (BSI)

¹⁰ Ikemu ino Balam tsa initsumoe, tighenguno pano no shou kumghavetsue eno titoi ino Balak launo xaphetsue.

Sumi Naga CL (Re-edited) Bible (BSI)

¹⁰ Ikemu I no Balaam tsa initsü moe. Eno kuchou loye pa no nongu kümgha tsüke. Tipa ghola lono I no Balak launo nongu xaphe.

JOSHUA 24:10 Referans Kwoze

ISAIAH 54:17

Ikemu kiu ghunanu pinamu nongu ghuzamla nani; nongu ngukukemi kumtsu vilo nonguno ghechile kulupu shi nani. Ino iqemiqo susholuve nani eno tokulupu panoqo tsu nani.” AMPEU no pivae.

ZAKINIU 23:5

ikemu AMPEU nongu Lhou no Balam tsa initsumoke; tishinike zuqhulo pano musuini keu pesu kukumghapu kughulhovetsu ke, kughengu pano nongu kimiyeke.

AKIKIHI 22:35

Ikemu kungumi huno ishi pi, “Timi hipaqo sasu wulo, ikemu ino ovilo pilo pikeu likhi pimasa ke.” Tighenguno Balam no panoqo gholono wuve.

JOSHUA 24:11

Nonguno Jordan kathawo Jerikho toluve, Jerikhomino nongu sasu aghu shie, Amarimi no shikeu toi, Hatimi, Girgashimi, Havimi, Jebusimi no nongu sasu aghu shike. Ikemu ino panongu kumtsu shou nongu pelo tolupeke.

MICAH 6:5

Iwu timiqo, Muab lo akukau Balak no nongu shou kiu shiniye kughu keno eno Beor nu Balam no kishi pa khochile keno tipau kumsuchile julo. Akasia pusho ngo Gilgal kuma dolo wuchekelo alalo kiu shivekeno tipau kumsuchile julo. Hipaqo ghili kumsuchile julo eno niye nongu xaluniye kiu shikeno tipau nonguno vethalu nani.”