JOSHUA 23:10 - BAIBEL (BSI)

¹⁰ Nongu dolo lakhinomu timi 1000 havelu nani kughengu piqhipua ketoi AMPEU Alhou no nongu ghenguno aghushitsu ani.

Sumi Naga CL (Re-edited) Bible (BSI)

¹⁰ Nongu dolo milakhi no timi qhethonhe haleve, kughengu piqhi püake toi Ampeu Alhou no nongu ghenguno aghüshi tsüke.

JOSHUA 23:10 Referans Kwoze

ZAKINIU 32:30

Kishi puzu qhethonhe lakhiye milakhino leluve, qhethonhe chighiye mikinino leluve kya? AMPEU, pano Lhou ye pano qhive; pano wu akumto Lhou ye panoqo tsupuwuve.

ACHINE 26:8

nongu mipunguno timi 100 haleluve nani eno nongu 100 no timi 10,000 haleluve nani.

ZAKINIU 3:22

Tighenguno panongu msa kevilo kughengu AMPEU nongu Lhou no nongu ghenguno aghu shinanike.’

IPEKULU 14:14

AMPEU no nongu ghenguno aghu shive tsu nani eno nonguye kiumu shiakepu kuha.”

LESHELE 35:1

Imujochile kemiqo mujochilelo, O AMPEU; eno isasu kichighi kemi sasu kichighilo!

ZAKINIU 20:4

AMPEU Alhou no nongu gholo wucheni eno pano tokulupu nongu tsu nanike.’

Rommi 8:31

Tishi aye, ninguye hipaulo kiu pikulupu ani kya? Alhou no ni kudau ani aye khuno ningu shou kiu shikulupu kya?

LESHELE 46:7

AMPEU Akughushu ye nisasu ani; Jakob Lhou ye nino ijehluchenike.

JOSHUA 23:3

Nongu Lhou AMPEU no nongu ghenguno shiyeh kumtsu lau kiu shikeno nonguno itehiye ti ithivae.

SAMUEL ATUGHIU 14:6

Jonathan no apuu vilo pi, “Nikujo ye ayiko ghamokemi Filistiyami ghazu heche ilonie. AMPEU no nikujo kuphu tsu aye, kiu lonomu nikujoye tomlavekeu shimo nani, AMPEU zuloye kutomo kitila kumu kiyequ keu shimo nani.”

JOSHUA 10:42

Joshua no aghu lau khavi lono ayeghi tipaqo kuchopu luve kughengu AMPEU Israil Lhou no Israilmi ghenguno aghu shitsua.

XAKUTHAMI 15:15

Tishino pano tipa alo gadaha anileshi thive aghikeu mukhughi lakhi phulu. Pano pawu chhopiqi ti ikhiluno gadaha mukhughi pesuno timi 1,000 heqhi pithivetsu.

SAMUEL AKINIU 23:8

Hipaqoye David ghushimi ajekipimiqoke: atughiuye Takhemon lono ighikeu, Josheb Bashebet, paye sakiphemi “Kuthu” gholo lakhike; paye pa ngupa pesu timi 800 sasu aghushi eno panoqo kumtsu aghushi qa lakhi lono pithikhavetsu.

XAKUTHAMI 3:31

Tipashelo sakipheu xakuthau ye Anat nu Shamgar ke. Pano amshitsu hechekeu yisahukusu pesu Filistiyami 600 heqhi pithive tsuno Israilmi xalutsuke.

ZAKINIU 20:3

‘Israil lo timiqo, inilo! Ishi tsalalo nonguye aghu shini chenike noghumiqo jumsa kevilo momu amlo loti kevilo momu izuichoive kevilo.

ZAKINIU 28:7

“Aghumino nongu haleighi keu AMPEU no leluvetsu nani. Panonguno aqha lakhi kudauno nongu haleighi nani ikemu panonguye nongu launo apanagha pokepu shinani.

ZAKINIU 32:20

Pano pike, “Niye hinguno hilau pano kuphumoae;” pano shou kiu shiveni keno tileno ino juni, kuthovi eno amikucho kumomi hipaqo.

JOSHUA 23:11

Tishiaye AMPEU Alhou qhuivu nike kutokupuilo.

YEKIKITHI ATUGHIU 5:22

Panonguno aghumi kutomo ghiqhivetsu, kughengu aghukishi tipauye Alhou pulou lono shiluke. Panonguye tipau-a lono haphevemoke kutolo tile acheuve.

ISAIAH 30:17

Kughou nonguno aghumi ghushimi lakhi ithuluni keno nongu qhethonhe kutolono pove nani eno nongu kumtsu pelo koha povepe nike aghumi ghushimi pungu likhi lumkhake. Atoghilo amchiphi shopuakeu likhi thono nowu ghushimi lakhimu ghumove nani!

ZEKHARIA 12:8

Tipa tsalalo AMPEU no Jerusalem lo akemi shokhalu nani eno panoqo gholo miqemilei keu ghi David toi mutotoilu pe nani. David polo kughukomino Alhou toi shi puzu, AMPEU wu kungumi toi shieno panoqo tughiushi wu nani.

ACHINE 26:7

Nonguye noghumiqo shou tokulu shiluve nani;

YEKIKITHI ATUGHIU 5:20

Panonguye Alhou lau pukhube eno panongu kuphu tsulopi inikhu eno Alhou no panongu kighini chilutsu puzu panonguno Hagritmi eno pano kuphu akeqo shou tokulu shilupe.