JOSHUA 19:51 - BAIBEL (BSI)

⁵¹ Eleazer achineu, Nun nu Joshua eno Israil shiyeh chighikini sakiphemi qono ayeghi hipaqo AMPEU zulo Shilo lo Aphiki hoho lono asaqhieno kijetsu. Titoi panonguno ayeghi kijekhave.

Sumi Naga CL (Re-edited) Bible (BSI)

⁵¹ Achineu Eleazar, Nun nu Joshua eno Israel shiaye chighikini lo sakiphemi no ayeghi hipaqo Ampeu zülo Shiloh lo kuposhukulu phiki lono asaqhi eno kijetsüe. Titoi panongu no ayeghi kikije ashekha shive.

JOSHUA 19:51 Referans Kwoze

JOSHUA 18:10

Joshua no panongu ghenguno asaqhi pheno AMPEU vehu inijuno Israil shiyeh achili aghikeqo lakhi khi lau ayeghi kijevetsu.

JOSHUA 14:1

Tithiu Israilmi dolo Jordan kulolau Kanan yeghi kiu toi kije keno pithi puani. Achineu Eleazer, Nun nu Joshua eno Israil shiyeh lo sakiphemi kiboqo dolono kijeve.

JOSHUA 18:1

Panonguno ayeghi leluveke thiu, Israil shiyeh kumtsu Shilo lo kuho eno AMPEU no ngoche keu phiki shive.

John 17:2

Kughengu nono khunoqo pesu pa tsukeno tipanoqo lau lhokta kuxu tsupeni kehu lhoxu kumtsu shou nono akuka pa tsuvae.

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

MATTHEW 20:23

Pano pama vilo ishipi, “Nokujoye mutsuqheyino ijukhu sholu nani, ikemu i-u ajeu eno i-u piyiu iqanikeuye ighoshive mlae, tiye iPuh no khunoqo ghenguno kutope puani keno tipaqo ghengunoke.”

LESHELE 78:60

Pano Shilo lo achekeu akumlla phiki phevetsu, tile ngo puzu ningu sasu achekeu alo.

SAMUEL ATUGHIU 1:3

Mpe atsu tsu Elkana ye Rama lono Shilo lo wuno aghakishi kumllagho pesu AMPEU akiqheu tsuche, tilehi Eli nu Hofni ngo Fineha pamano AMPEU chineu shi acheke.

XAKUTHAMI 21:21

eno chheju alo. Kughou Shilo limiqono apinye ghulokilo ilhenike khalacheu ipeghini keno, nongu ghi atsaili lono khalacheu ipeghilo. Nongu lakhi khino ilimi lakhi khi anguka lono nongu nipu shikepushi tsuqu luvelo eno li sasu nongu gholono Benjamin ghakhulo sawuvelo.

XAKUTHAMI 21:19

Tileno panonguno kumsuve, “Ampelo shichekeu AMPEU pinye Shilo lo kuhochekeu kuhoni cheae.” (Shilo ye Bethel ahuu ake eno Lebona apeuke, Bethel ngo Shekem kuma dolo alaghi ajeu acheke)

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

Apostolmi 13:19

Kanan yeghiqhalo ashiayeh tsuni pano puhavetsu eno pawu timiqo pelo tipaqo yeghi ampe 450 ghenguno panongu mheghi shilupeke. “Tishi kethiu Samuel tungkupu ghuloki kutolo Alhou no kughakuthami pawu timiqo gholo qhitsue.

JOSHUA 20:1

Tithiu AMPEU no Joshua vilo pi, “Israilmi lau pilo,