JONAH 3:9 - BAIBEL (BSI)

⁹ Ishiake, Alhou no pano kumsupu akeu kilive luvi; paye aloghu ide akeu tave luvi eno ninguye thimove luvike!”

Sumi Naga CL (Re-edited) Bible (BSI)

⁹ Khuu no ithi ani kea? Alhou ye xaide luvi eno Pa yiküsa mlokighide süchile luvi, tishi keu lono ningu ye pühamo luvike.”

JONAH 3:9 Referans Kwoze

SAMUEL AKINIU 12:22

David no khochile “Iyei, tishike, pano xuakelo niye kumvu qa ae. Ino kumsukeuye AMPEU no ilau kupukini a-tsuno anu thipemo nani ghashi ake.

JONAH 1:6

Tileno keptein no pa ithuluno pa kuda ghi pi, “Noye kiu shiepi zuani kya? Ithulo eno olhou pelo kuphu penike khulo. Ishiake paye nighenguno amlo sa puzu nikuxu puhatsumo luvike.”

LESHELE 106:45

Panoqo ghenguno pawu puloshoqhi kumsuchilelu, eno pawu kikimiye kije akeu lono pa mlo ighiveche.

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

LESHELE 85:3

Panongu lau axuide chekeu tishimove eno aloghu kighide panongu launo suchileveke.

LESHELE 90:13

Ologhu kighide khitotohi acheuve nani kya? O AMPEU, oqemiqo lau kupukeu alo!

JEREMIYA 26:13

Nonguye nonguno xu chekeu laghi eno mla itha chekeqo kililuve masake eno AMPEU nongu Lhou ghokulu shimasake. Nonguno tishi aye pano nongu shou kutsale nikeu pipuakeu pa kukumsu kilive nani.

DANIEL 4:27

Tishiaye, akiqheu, ino okutsu keu tsa inilo eno axine shikithe akevino kiuno achipi keno tipau shilo eno kumlhomi kimiyelo, tishi keuno okuxu akivipu shilu nani.”

SAMUEL ATUGHIU 6:5

Nonguye amisheqo eno ajih khipaqono nongu luza shipusave tsukeno tikuma julho shisuno akishe agigihu pesu Israil Lhou tsulo. Tishiaye pano nongu ghime akeu lono nongu lhouqo eno nongu yeghi ghime akeu lono lakha luvetsu nani.

JONAH 1:15

Tithiu panonguno Jona khapeqhe puzu azughilo pa vesuve eno paikhavino azughiye iquneive.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

ZEFANIA 2:3

Nongu akumtshami ayeghilo akemi khunoqo AMPEU zahkutsu peluche kemi keno kumtsu pa lau ideighivelo. Kiuno achipi keno tipau shilo eno AMPEU zulo nolikhi nongu kughape aqhokigheu shilo. Ishiake AMPEU no pa loghu pepheke tsalalo nonguye aghime lono poluve luvike.