JONAH 2:6 - BAIBEL (BSI)

⁶ Niye naghuto kuhuqo qhou iqiveke, akhadu pulhapuju khaluve chekeu yeghilo iloke. Ikemu O AMPEU iLhou, nono akuthoku lono isachile saghino xulupeke.

Sumi Naga CL (Re-edited) Bible (BSI)

⁶ naghuto kuhu lono ni ye ayeghi qhou iqive, tilau akhaduqo no alholo ghenguno I khathave; ikeghi O Ampeu I Lhou, Nono akuthoku lono I saipeghie.

JONAH 2:6 Referans Kwoze

LESHELE 30:3

AMPEU akumo lono nono ixaputhulue, eno kithighalo iqichekemi gholono nono ikuxu xuchilelupe.

LESHELE 16:10

kughengu nono kithi-ghau iphepuwuve moe. Momu nono kimiyecheku pelo kithimi ghakhulo ngovepemo nani.

ISAIAH 38:17

Ikukhu kimji ye alokiqipu shive nani. Akuighupu kumtsu launo nono ikuxu xaluke; Nono ixine kumtsu pevetsuke.

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

HABAKUK 3:6

Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

ISAIAH 40:12

Khuuno auno shokeu lono azughi mighilu momu pa-u pesu atsutsu mighilu nani kya? Khuuno ayeghi ajukhulo sukhaluve momu akimighipulo naghuto ngo atoqo pesu mighilu nani kya?

LESHELE 143:7

Mtazu ikhochile tsulo, O AMPEU! Ino lajuchekeu kumtsu puhavae. Ilauno ogi kusuluve kevilo, tishiveaye niye kithimi yeghilo iqivekemi toive niake.

LESHELE 104:8

Panonguno naghuto shou qowu eno akhilalo qowu cheni, panongu ghenguno nono kutotsu keu alo wuve cheni.

LESHELE 104:6

Nono azughi pesu aphi hutoi tipau nhapuani, azuno naghutoqo kuzupe ani.

LESHELE 65:6

Okumto pesu naghutoqo pututa-alo qhike, tiye okuka piye anike.

LESHELE 55:23

Ikemu O Alhou, nono panoqo pesu aqohkutholo suve nani, ghikiqhimi ngo kimkimiye pano kuxu amtamu xumo nani. Ikemu niuye opukhuni chenike.

LESHELE 30:9

“Ino thivekeu lono noye kiu kighi shelu nani kya? Ino akumolo ilovekeuno kiu ala shiluni kya? Kithimiye osheqhelu nani kesha? Tino amikucho ghili lhelukepu kesha?

JOB 33:28

Kithila lo wuveniye cheke lono pa no ixachile phelue, eno ikuxu ye akuvu ithulupe anie.”

JOB 33:24

Eno pano kimiye kehu: “Kithimi yeghilo iqiniye akeu lono pa kuqhophevelo pa ghenguno thave lovekepu ino pechenike,” ishi pi aye;

ZAKINIU 32:22

Iloghu kighideye ami toi iqu ipeghino ayeghi shou thwokha jeli kumtsu piti nani. Tipauno ayeghi qhou kutolo to nani eno naghutoqo pukhu kuxa pitile nani.

MATTHEW 16:18

Ike ino ovilo pini, noye Pitor ke eno atuqu eno atuqu hipau shou ino ikukuhou shipukuni, eno akithi ghime kuka pimu tipau shou tokulu shimla nani.

LESHELE 18:5

Akithi-gha kumsapuno isuholuve, Akithi lichheno isasu kushoe.

LESHELE 116:3

Akithi kuighupuno isumxaluve; akumoki mughuno ipunukhoive, niye akumsa eno kutakihi keu no chhitoive.

ISAIAH 38:10

Ino kumsukeuno akuxu ahelo aphi lono niye kithimi yeghilo cheveni, ikuxu khilemu xulumoake.

EZEKEL 26:20

Ino kithimi yeghilo opiqive nani, khaghi ghulokilo xuachekemi gholo acheuve peni. Ino opelo oqhou achekeu yeghiqhalo ixapiniyive keqo gholo ngope nani, kithimi sasu kumtsa amuqo shipe nani. Tishive keulo noye khilemu kughuna kithemo nani eno kuxumi yeghilo o-a kuha nani.

EZEKEL 31:14

Ikehu hinguno hilauye, kiu papushi azu suanamu asubo lakhimu tipau tohi thu-ikumo nani, momu tipau ketsughono khungkusu cholukeu shipuzu qhemghai keu shimla nani. Panongu kumtsu thinikuau timiqo toi thinikeu hakusapu ani, kithimi yeghilo akemi gholo kumtsa acheuve nike iqinikeu hakusapu shivae.”

LESHELE 69:2

Niye anibalo iqe ilochea eno apukhu nekulupu yeghi shicho kuhae; Niye azu kutho kudau ilochae eno azu fukukuchono iputsu qhiveni chea.