JONAH 2:2 - BAIBEL (BSI)

² “O AMPEU, ivekusa launo ino okuke, nono ikhochileke. Kithimi yeghi kutho lono kuphupenike ino ighake eno nono isutsa chilutsuke.

Sumi Naga CL (Re-edited) Bible (BSI)

² eno pi, “I no I ghime lono Ampeu lau ighae, eno Pa no I khochile tsü; Kithigha po lono I no ighamku, eno Nono I sütsa chilu tsüe.

JONAH 2:2 Referans Kwoze

LESHELE 120:1

Ino shiluksa shiakelo niye AMPEU kue, eno pano ikhochile tsu.

LESHELE 34:6

Akukuphu kuhakemino paku ighi eno pano khochiletsu; shiluksa kumtsu launo pano panoqo xalue.

LESHELE 86:13

Owu iqemokeu kikimiye ishou shishe kije anike! nono akumoki launo ixapheluveke.

IBRIMI 5:7

Jisu no ayeghilo xuachekelo aghugha kuloghi eno anhezu piji puzu pa kighini pesu akithi lono pa xakulupu shiakeu, Alhou vilo inikhu cheke eno pano Alhou sukumsa akeu ghenguno pa kighini ikhilutsue.

SAMUEL ATUGHIU 30:6

David ye ighono avekusa dolo ngove, kughengu pawu timi kumtsuno pututa nipunuli puhavekeu lono amlo shimo atuno David veqhi pithive nikeu shiuve; ikemu AMPEU pa Lhou no pa mlo shikumtotsu.

MATTHEW 12:40

Jona no pucho tsala kuthu putho tsala kuthu akha kije polo ngoke hutoi Timi Nu ghi pucho tsala kuthu putho tsala kuthu ayeghi qhou ngo nani.

LESHELE 116:3

Akithi kuighupuno isumxaluve; akumoki mughuno ipunukhoive, niye akumsa eno kutakihi keu no chhitoive.

LESHELE 22:24

Kughengu paye kumlhomi mithive chemoe, momu panoqo ghime jupe aphimuqhu chemoe; Pagi panoqo launo kusuluve chemoe, ikemu panonguno kuphu lepi igha kukelo initsu cheni.

LESHELE 4:1

Kughono ino inikhuni keno ikho chiletsulo O Alhou, isushokuluu! Ino shiluksa shiakelo nono ikuphuke. Ikimiye tsulo eno ikighini initsulo.

Luke 22:44

Amlo kughuju kije launo pano alau thummuyi inikhu eno tishikehu pa tsunhizuno ahji muqo kighiji hutoi ayeghilo ijiqie.

ISAIAH 14:9

“Kithimi yeghiqhaye Babilon kukau salunike kuto kughoipe ani. Ayeghilo akuka kumtoshi achekeqo ghahwuqoye xukutho puthulu ayeake. Kukami ghahwuqo ye pano kuka lakhu kudauno ithughi ayeake.

LESHELE 65:2

Kughengu nono akighini khochile tsuke. Panoqo xine ghenguno aqha kumtsu lo timino olau ighi nani.

LESHELE 61:2

Imlo ipo-ixuvekelo, ayeghi shekha kudauno ino oku ani! Isasu wupuzu inguno akumtou sushokulu lawu wulo.

LESHELE 16:10

kughengu nono kithi-ghau iphepuwuve moe. Momu nono kimiyecheku pelo kithimi ghakhulo ngovepemo nani.

Apostolmi 2:27

Kughengu noye ighungu pe kithighalo kughucho qhivemo nani; Momu oqeu Akimtheu pelo tsu-mavekeu ghime sholupemo nani.

SAMUEL ATUGHIU 1:16

Tighenguno niye ame kuha keu topumi kepi kumsu kepu kumoe, niye ighono amlo ghimemi lakhi kehu hitoi inikhu ake.”

AKUMLO 3:55

‘Aqoh alouno ino olau ighamuku okuke, O AMPEU,

EZEKEL 26:20

Ino kithimi yeghilo opiqive nani, khaghi ghulokilo xuachekemi gholo acheuve peni. Ino opelo oqhou achekeu yeghiqhalo ixapiniyive keqo gholo ngope nani, kithimi sasu kumtsa amuqo shipe nani. Tishive keulo noye khilemu kughuna kithemo nani eno kuxumi yeghilo o-a kuha nani.

EZEKEL 31:14

Ikehu hinguno hilauye, kiu papushi azu suanamu asubo lakhimu tipau tohi thu-ikumo nani, momu tipau ketsughono khungkusu cholukeu shipuzu qhemghai keu shimla nani. Panongu kumtsu thinikuau timiqo toi thinikeu hakusapu ani, kithimi yeghilo akemi gholo kumtsa acheuve nike iqinikeu hakusapu shivae.”

YEKIKITHI AKINIU 33:12

Pa ghimeqhi akelo paye akumtsha shi chuni iqighive eno AMPEU pa Lhou vilo kuphu penike ghenguno qhuinijuke.

Luke 11:10

kughengu khukemi kumtsu tsu cheni, phukemino ithulu cheni, eno kukhukeu khaqhisu cheni.