JONAH 1:3 - BAIBEL (BSI)

³ Ikemu Jona ye AMPEU launo pove nike ghenguno tipau ghungu lo wuveniye shive. Pano Jopa lo iqighi kelo zukilu lakhi Tarshis lo wucheghi, Ike pa kupume tsuveno Tarshis kudau wuveniye tile sachekemi gholono zukilulo ikuno AMPEU zulono poveniye shike.

Sumi Naga CL (Re-edited) Bible (BSI)

³ Ikemu Jonah no Ampeu zülono Tarshish küdau poveni ke wuve. Pa no Joppa lo iqi no Tarshish lo wu cheghi keu zükilu ithulu. Ikehu pa no ame tsüve no Ampeu zülono pove ghi tilau panoqo gholono Tarshish lo wuveni keu shie.

JONAH 1:3 Referans Kwoze

BOTHUBO 4:16

Eno Kain no AMPEU zulono wuve eno Eden kipelau Nod ipikeu chhighalo acheuve.

Apostolmi 9:36

Jopa lo akukutsu papeluvekemi totimi lakhi ae, lije ye Tabitha. (Grik tsalo li jeye Dorka, tipau kiqiye “Ashe”). Lino akivi kumla eno kumlhomi kimiye-kinilo no ado peveche.

Apostolmi 9:43

Pitor ye Jopa lo ado kushuwa ngoa, eno tile akelo ashiyiko kumlami Simon ipikeu gholo ngoae.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

ISAIAH 23:6

Amlo kughujushi ighamukulo, nongu Fonikamiqo! Spein lo poniaye pukaputsa julo!

ISAIAH 23:1

Hiye Tur ghenguno atsape lakhike. Amlo kughujushi ighamukulo, nongu azughilo zukilu kusamiqo! Nonguno ngochekeu Tur kutsalevae; tipaulo akiqo ngo zukilu kungoa kumtsu ixapinyi ani! Nonguno Cypras yeghilo akelono hipau sutsa nongu toke.

KUKAMI ATUGHIU 19:3

Ike Elija ye msaveno pa kuxu pukhalu nike ghenguno pove; pa qeu sasu Juda yeghilo Beershiba lo wuve. Pa qeuye tilehi qhive.

2 Thes. 1:9

Timi tipaqoye alhokupujulo kutsakungokeu ghime ithulu nani eno Ampeu kimthejukuvu lono hapupove nani.

1 Kor. 9:16

Kughengu ino lokivipu tsa asheshuke ghenguno ikijivilopu kiumu akuzupu kuhae, kughengu tishi penike ahza itsu puanike. Ino lokivipu tsa pesu asheshumo aye ighenguno tiye kiutoi akuighupukela!

Apostolmi 26:19

Ikehu, O Akukau Agripa! niye atsutsulo kungunhetsu hu hebideve moe.

EZEKEL 27:12

“Nono Spein lo kuqhukili shike eno onhemgha kupukunoshi akeu me tsukeu nono tsandiyi, tinyi, ayi eno akusayi lutsuke.

ISAIAH 23:10

Wulo eno noyeghilo alu chiulo, nongu Spein lo aphu shipe akeulo akemiqo! kiumu hakhakeu kuhavae.

JOB 1:12

AMPEU no Satan vilo pi, “Tishiaye! pano kiu pighi anikeno ti kumtsu oghoshilo, ikemu pa ampi shou o-u be kevilo.” Ike Satan ye Alhou zulono cheve.

YEKIKITHI AKINIU 2:16

Nino Libanon naghutolo kedarsu nono avehupu shike toi buqhini eno tsugha kumqono Jopa kutolo azu lono yipe piqini eno tileno nono Jerusalem lo puwulu nani.”

Apostolmi 15:38

Ikemu Paul no kumsukeuno Johan Mark ye puzuu Pamfilia lo panongu sasu chepuzu idewoveno panongu gholo akumla shiwo tomovekeke pa sasu wumokeu paviepi kumsulu.

Luke 9:62

Jisu no pa vilo pi, “Khuu no akuphu tsuqupe apulaghi athiu juni keno Alhou yehkipelo iloni keu akuzupu kumoe.”

EZEKEL 3:14

AMPEU kuka kumto kuloghi ishou ikughi, eno pa ghunguno ixapuwuve kelo niye khumtsayi imlo ide ae.

ISAIAH 60:9

Hipaqoye putou akeu yeghi lono ighi akeu zukiluqoke, Alhou wu timiqo xapughi anike. Panoqo gholo panonguno tsandiyi ngo shunayi sughi, tiye AMPEU je gihuniyeke, Israil Lhou akimtheu, pano ashiayeh kutamiqo pelo pawu timiqo gihu chenipeke.

ISAIAH 2:16

Pano zukilu kuloghi ghi eno jukighilepu zukilu kumtsu putsuqhive nani.

JOB 2:7

Satan no AMPEU zulono wuve puzu apiyi pesu Job kishe lono apukhu mutsu kuto piyi ipeghipe.

KUKAMI ATUGHIU 19:9

Pano atuki lakhilo wuno tipaji tile zuve. Paikhavi lono AMPEU no pa putsa, “Elija, noye hile kiu shi anikya?”

BOTHUBO 3:8

Tipani avelau, AMPEU Alhou no aghutulo chechekeu sutsa pamano chilu, eno Adam ngo pa nipu pamano aghutulo asubo qholo AMPEU Alhou zu itshuwuve.

Apostolmi 9:38

Jopa ye Lida lono kushuwalo kumo kehu kutsukeulo papeluveke miqono chilukeuno Pitor ye Lida lo aniepi chiluno timi kini pa lau puwu puzu hipatsa pesu wupe, “Munukevino kei ningu lau ighitsulo.”

Apostolmi 9:42

Hipau Jopa qha kumtsulo vekuphawove, eno kutomono Ampeu pululuve.

EZRA 3:7

Panonguno atu eno asu kumlamiqo pisa tsu eno akuchu kushopu ngo oliv teli pesu Tur ngo Sidonmi tsupuwu no kedarsu Libanon lono puighitsu penike kilhishove eno azughi vechesu Jopa lo pu ighi tsu penikeu shi, hipaqo kumtsu akukau launo ahza lupuzu shike.

LESHELE 107:23

Khamiye zukilu lono azughi shou chewu azughilo kumlano pano poqelu che.

JEREMIYA 10:9

Panoqowu asu-atu julhoye Spein lowu tsandiyino kuzuke eno Ufaz lowu shunayino kuzuke, ti kumtsu atshamgha kishimi kumlake. Tipaqoye hughaikeu eno phalaikeu phimini aghi ghokithimino ghokeu pepuke.

JONAH 1:10

Jona no panoqo vilo paye AMPEU launo posu wuve chekeu ghili pi. Zukilu sakichemiye kichimamyive eno pa vilo pi, “Noye hiye kiu shivetsu ani kya?”

YEKIKITHI AKINIU 2:15

Tishi aye nono pivekeu toi ashothi, barli, aji eno oliv teliqo itsu puwulo.

YEKIKITHI AKINIU 9:21

Paye Akukau Hiram wu ashukaki loji gholono azughi kijelo sawu kepushi ashukaki loji acheke. Ampe kuthu thulo pa shukaki ye shuna, tsandiyi, akuhahu eno shuki tunguqo xapusu ideighi cheke.

EZEKEL 2:8

“Thinikuau timio, ino kiu ovilo pini keno inilo, panoqo toi hebidekeu shikevilo. Okichi xukholo eno ino kiu otsuni keno tipau chuvelo.”