John 7:4 - BAIBEL (BSI)

⁴ Kughengu timi kumtsu pelo ithipenishi aye timi khumu pano kiu mla ani keno kusuve chemoe. Nono hipaqo shilu ani keaye ayeghiqha pelo no ithi pelo.”

Sümi Tiqhelimi Bible

⁴ Mìshí sakiphemi shinishi chekemi lakhi ye khumu tuqhou no müla-itha chemoe. Nono thime hipaqo shi ani kehu, no ye ayeghiqha lau O likhi O pìyelo.”

Sumi Naga CL (Re-edited) Bible (BSI)

⁴ Kughengu kütami no ithi penishi aye khunomu küsüu no mla chemoe. Nono hipaqo shiani aye, ayeghiqha lau no ampi piyelo.”

John 7:4 Referans Kwoze

John 18:20

Jisu no pa khochile, “Niye timi kumtsu zulono piche; niye pulhapuju Sinagog lo ngo Achinekilo khile Judami kumtsuno kuhokumqo aghikeno tileno ino kutsuche; niye kusuuno kiumu pipuamoe.

Luke 6:45

Akivimiye pa mlolo akivi pekutsu puakeu lono akivi ikhiphe cheni; eno timi lhoksami ye pa mlolo alhoksa pekutsu puakeu lono alhoksa ikhiphe cheni. Kughengu timino amlolo nibonilei akeu akichi lono piphe acheni.

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 4:6

eno pa vilo ishipi, “Noye Alhou Nu kena piaye, ilhe iqivelo; kughengu kuchoyesulo ishi pipuani: ‘Alhou no pawu kungumi pelo otucho luvepe nani, Panonguno panongu-u lono okhapeluve nani, Tishianguno opukhu pelo atu shou pusupukulu pemo nani.’ ”

KUKAMI ATUGHIU 22:13

Tishi akelono timi khuuno Mikaiya kuniye wuvekeno tipauno ishi pa vilo pi, “Tungkupu kutami kumtsu no akukau ye tolu nani ipi akhani, ikehu noghi tishi athoshi pitsulo.”

John 7:3

ikelo Jisu thikuzumino pa vilo pi, “A-a hipau qhiveno Judia lo wulo, tishianguno nono kiu kumla shi ani keno okukutsu ikhilukemi qono ithulupenike.

John 7:5

(Pa thikuzumi ghi pa shou pulubemoe.)