John 3:6 - BAIBEL (BSI)

⁶ Ashi lono kiu punu keno tiye ashie, eno Aghungu lono kiu punu keno tino Aghungue.

Sümi Tiqhelimi Bible

⁶ Ashi no ashi punú cheni, eno Aghungu no aghungu punú cheni.

Sumi Naga CL (Re-edited) Bible (BSI)

⁶ Ashi lono kiu punu keno ti ye ashi, eno Aghungu lono kiu punu keno tino aghungue.

John 3:6 Referans Kwoze

2 Kor. 5:17

Tighenguno timi khuu khumu Khristo gholo xukimeluve aye paye lhoxu kithe lakhi shivae, aqau woveno akitheu ighivae.

1 John 3:9

Khunono Alhou nu shiluve akeno axine shi chemoe; kughengu Alhou lhoayeh pa lolo achenike, eno paye axine shimlae, kughengu paye Alhou nu shiluveake.

1 Kor. 6:17

Ikemu timi khuuno Ampeu sasu kimepe ani keno paye Ampeu sasu amlo lakhi shi anike.

Rommi 7:18

Ino ithi akeuno ilolo, timi lhoaye loye akivi achemoe. Kughengu kiuno achipi keno ino pulo anamu niye ti shilu chemoe.

BOTHUBO 6:12

Alhou no ayeghiqha jukelo ti shikupsapu shive, kughengu ayeghilo timi kumtsu pututa shelo shikupsapu shiwoveke.

LESHELE 51:10

Kikhikighi mlo ilolo lhophe tsulo, O Alhou, akitheu eno ophe monikeu nguagha ilolo sutsulo.

JOB 25:4

Tishiaye timino Alhou zulo khile amikucho shiluni kya? Momu aza polono ighikemi gholo khuuno muqhamiqhiyi aghilu nani kya?

JOB 14:4

Khunomu mithekumo lono akimthe thime sapeghi mlae.

Rommi 8:13

kughengu nonguno timi lhoaye pape ghi xuaye nonguye thinia, ikemu Aghungu pesu nongu xine kumla kughutha pithive aye nonguye xunia.

Ephesiami 2:3

Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

Kolosiami 2:11

Pa gholo xukime akeu lono aphighu yiko ghavae tiye timino shichekeu gholano kumoe, ikemu Khristo no shikeu ghola lonoke, eno tiye alhoayeh aqauqo shichekeu xapevekeuke.

Galatiami 5:24

Khunoqono Khristo Jisu wu shiveakeno panonguye timi lhoayelo ngosukumla ngo minechekeu jeli kumtsu kros lono pithivae.

John 1:13

Panonguno Alhou nuli shilukeuye timi shiaji pulou momu timi gho launo kumoe, ikemu Alhou launoke.

Rommi 7:5

Ninguno ningu timi lhoayelo xuache kelo Ayezah no axine gho apulou haputhu puzu niphi-mpi pepimheno akithipu mlaphe cheke.

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 5:3

Adam no kughou ampe 130 shi akeno, pa likhi pa kimihi lono anu lakhi lhoe, tiye pa julho paphie, eno paje Set kutsue.

Rommi 7:25

Ni Mpeu Jisu khristo vechewo Alhou shikimthi ani! Tishiaye, ilikhi imloloye Alhou yezah qecheni, ikemu iwu timi lhoaye ye axine yezah qe cheni.

John 3:7

Ino ovilo ‘Nongu kumtsu punu kithe masae’ ipikeu ghenguno akumzaqhiyi kevilo.