John 13:1 - BAIBEL (BSI)

¹ Hiye Hechekulu Ghulhu zuloke. Jisu no paye ayeghiqha hipau qhiveno Apuh lau wuvenikeu tuqhudo tovekeu ithive! Ayeghiqhalo khunoqono pawu keno pano pulhapuju tipaqo kimiye che, eno pano ashekha kutolo panoqo kimiyeche.

Sümi Tiqhelimi Bible

¹ Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

Sumi Naga CL (Re-edited) Bible (BSI)

¹ Hechekulu Ghulhu zülo Jisü no hipa yeghi qhive no Apu lau wuveni keu tüqhüdo tove keu ithive kelo, pa no ayeghi lo paw shive keqo kimiye chekehu ashekha kutolo panoqo kimiye.

John 13:1 Referans Kwoze

John 12:23

Jisu no panoqo vilo pi, “Itehiye Timi Nu jekipipu shinikeu tuqhudo ighivae.

1 John 4:19

Ninguno kimiye cheni, kughengu Alhou paghino ningu kimiyeke.

John 13:34

Ahzakutsu akithe lakhi ino nongu tsu ani tiye nongu lakhino lakhi kimiyekilelo; ino nongu kimiyecheke toi nongu ghi lakhino lakhi kimiyelo.

John 16:28

Niye Apu launo ighike eno ayeghilo ighivae; eno itaghi ayeghiqha qhiveno Apuh lau wuveni cheni.”

John 13:3

Apuh no akuka kumtsu Jisu ulo suvetsukeu Jisu no ithi ae eno paye Alhou launo ighi eno Alhou lau wuveni cheni kepi pano ithi ae.

John 18:4

Tilehi Jisu ye pa shou kiu shi nani keno thwokha ithi akehu pano azuu chesu ighi eno panoqo vilo pi, “Nonguye khuu phucheni kya?”

1 Kor. 1:8

Pano ashekha kutolo nongu pelo mutotoi penani, tishianguno ningu Mipeu Jisu Khristo Tsala ighikelo nonguye kuqu mono aghi penani.

John 17:16

Ino ayeghi laumi kumo kehu toi panonguye ayeghi laumi kumoe.

John 17:1

Jisu no hipaqo pitave kethiu pa gi peqhepe kungughalo juno pi, “Apuo, atuqhudo hu ighivae, oNu jepipi tsulo tishianguno Anu pelo ojepipi tsupenike.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

IBRIMI 3:14

Kughengu ninguno abothulo amlolo mutotoi akeuhu ashekha kutolo ithamono tsuqupe a-aye ninguye kumtsu Khristo gholo kuloji- kemike.

John 17:5

Apuo! ayeghiqha lhophe mphilo ino ogholo achekeu jekipi hu pesu itehino ogholono ijepipi tsulo.

MATTHEW 26:45

Tithiu pano akhopemiqo lau ighino ishipi, “Nonguye itehi kuto zu aphi eno akulhoqhi ani kesha? Julo! Timi Nu kughape axinemi kukalo pephetsuve nikeu do hu kupunu ighivae. Ithulo, ningu wuveni shilo; julo, ikughape thechu shikeu hu hi cheae!”

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

IBRIMI 6:11

Nino kumsupulo akeuye nongu lakhi khino ashekha kutolo azukinishi apenishi ani, tishianguno nonguno laju achekeu hu kumtsu mutsuqheyi shilupenike.

IBRIMI 3:6

Khristo ye anu kehu Alhou kilo pukhubekulu shike. Ninguno ithamono mutotoi akeu tsuqupe eno ningu wu lajupulo amlo kuloghishi aye, ninguye Alhou kike.

Rommi 8:37

Moe, hipaqo kumtsulo khuno ningu kimiye chenikeno pa vechewo ninguye tokulupu shishe ani!

John 17:26

Ino panoqo pelo oje ithiveape eno ino ti ithiape nani, tishianguno nono kishi ikimiye keno tipau kikimiye panoqo lolo apeni, eno niye panoqo lolo apenike.”

John 14:28

Ino ishi pikeu nonguye chiluvae: ‘Niye wuveni cheni ikemu niye nongu lau ideighi nani.’ Nonguno ikimiye aghi aye, ino Apu lau wuni cheni pikeulo nonguye alokivi shikepue, kughengu Apu ye inguno akijeuke.

John 11:55

Judami Hechekulu Ghulhu kupunu ighive eno timi kutomono aphu lono Jerusalem lo iqhoe, tiye Aghulhu shimphi lono panoqoye shikimthekeu chini niyeke.

John 7:30

Tileno panonguno pa kughaluveniye pukaputsa, tishimu khunomu pa shou a-u chhopuku moe, kughengu pa doye tomphi kehu.

John 7:6

Jisu no panoqo vilo pi: “Ighenguye ado achipiu tomphie; nongu ghenguye kughokughomu ado achipike.

John 6:4

Judamino Hechekulu Ghulhu shichekeu huye kupunuve.

Luke 22:53

Ino achinekilo ghulo atsu-tsu nongu gholo ache eno nonguye ikughalumoe. Ikemu hipau tuqhudoye nongu wue eno akuzu kuka wue. “

Luke 9:51

Jisu kunguu sakuve kepu do kupunuwo chekelo, pano pa kukumsu ighomono Jerusalem lo wunikeu shi.

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

JEREMIYA 31:3

ino putosuuno panoqo lau ipeghi piyeke. Israil lo akemiqo, niye pulhapuju nongu kimiyeke, ikehu iwu iqemokeu kikimiye pesu ino nongu lau piyechephike.

John 8:20

Jisu no hipaqo kumtsu pesu kutsu, tiye Achinekilo akumllagho pekutsu chekeu-aloke. Tilehi khunomu pa kughalu vemoe kughengu pa kughalukepu tuqhudo ighimokehu.

AHOLE 8:31

Alhou yeghilo timino kughuna kulupu shiakeu eno timi lhoxu jeli jupe niye amlokiqi shiake.

John 2:13

Judamino Hechekulu Ghulhu shichekeu ghuloki kupunuve kehu Jisu no Jerusalem lo iqho.

John 13:29

Judas no pisabo pighiu shiche kehu Jisu ye pa vilo wupuzu aghulhu ghenguno kiu avehupu shi akeno tipaqo qhunikeu momu kiu kiumu pesu kumlhomi tsu nikeu pikughashi akhopemi khamiye kumsuve.

John 14:31

ikemu Apu no ivilo shilo pikeu ino shicheni, tishianguno ayeghilomi pelo niye Apu kimiye cheni kepi ithipenike. Ithulo, ningu hileno wuveni shilo.”

John 19:28

Thwokha shitavekeu Jisu no ithive, eno kuchoyesu shikupuni kehu pano ishipi, “Niye tughuthi ani.”