John 1:12 - BAIBEL (BSI)

¹² Ikemu khamiye ikhilu eno pa shou pulubeke, ike tipanoqo pelo Alhou nuli shikulupu kuka pano panoqo tsue.

Sümi Tiqhelimi Bible

¹² Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

Sumi Naga CL (Re-edited) Bible (BSI)

¹² Ikemu khunono Pa ikhilu, Pa je lono pülülu keno, panoqo pelo Alhou nuli shilupe kepu chipiu Pa no tsüe,

John 1:12 Referans Kwoze

Galatiami 3:26

Kughengu akupulu vechewo Jisu Khristo gholo kimepe akeu lono nongu kumtsu Alhou nuliqoke.

Rommi 8:14

Alhou Ghungu no khunoqo sapheni keno tipaqoye Alhou nuliqoke.

1 John 3:1

Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.

Galatiami 4:6

Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.”

John 3:18

Khunono Anu pulu nikeno kughakutha bemovae; khunono pulumo nikeno tipano shou kughakutha bevae, kughengu panonguye Alhou Nu lakhi likhi akeu shou pulubemoe.

Kolosiami 2:6

Nonguno Khristo Jisu ye Ampeu kepi ikhiluve ketoi pa gholono xuchelo.

MATTHEW 10:40

“Timi khuno nongu ikhilu nikeno ni ikhilu ani, khuno ni ikhiluni keno ipuwu akeu ikhilu ani.

ISAIAH 56:5

nono atianuli lhopesu aghikepu shi akeu nguno ado kushuwa kuto ichinekilo ngo iwu timiqo gholo oje kumsu acheuve nani. Khilemu okumsumavemo nanike.”

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

2 Peter 1:4

Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

MATTHEW 12:21

Eno Ashiayeh jeliqono pa lau lakujupu anani.”

1 John 3:23

Pano ahza tsukeuye hike ninguye paNu Jisu Khristo jelo pulube kepue eno lakhino lakhi kimiyekile kepue.

JEREMIYA 3:19

AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

Apostolmi 3:16

Pa je kuka huno apukhukinitavekemi hipau akumto tsue. Nonguno ithulu eno ithiveake hi shiluakeu huye pa jelo pulubekeu lonoke, eno Jisu vechewo akupulu akeuno nongu kumtsu zulo timi hipau thai shipivivae.”

John 11:52

panoqo ghengu likhi kumo ikemu Alhou nuliqo apanagha akeqo kumqo sawo lakhi shinikehue.

John 1:7

Pano timiqo vilo akuvu ghili pesu pinike ghenguno atsapeu lakhi shi ighi tishianguno kumtsuno pa vechewo pulu lupeniyeke.

MATTHEW 18:5

Timi khunono ije lono itimi hitoi kemi ikhiluni keno ni ikhilu anike.”

John 2:23

Hechekulu Ghulhu lo Jisu no Jerusalem lo akelo, timi kutomono pano amchipu kumla shikeu ithulu puzu panonguye pa shou pulubeluve.

John 1:11

Pano pa yeghi lau ighi ikemu pawu timiqono pa ikhilumoe.

Rommi 8:16

Alhou Ghungu mpino ningu nguagha sasu kuqhalukeu lono ninguye Alhou nuliqo kepi ashepe tsu cheni.

Rommi 8:19

Kughengu Alhou no lhope puakeu jeli kumtsuno Alhou nuliqo pephe piyenikeu shishe huqhe khe ani.

1 John 3:2

Ino kimiye chekemiqo, itehi ninguye Alhou nuliqoke ikemu ninguye kiu shiuve nani keno pephepiye mphike, ikemu kughou Khristo no ipeghini keno ninguye pa toive nani kepi nino ithi ani, kughengu paye kuchouno kiukeno ninguno ithulu nani.

1 John 3:10

Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.

SAMUEL AKINIU 7:24

Nono Israil pesu alhokupuju owu timi shiluve eno no AMPEU no panongu Lhou shiluve.