John 1:1 - BAIBEL (BSI)

¹ Inahu abothu lono Atsa ae, Atsa huye Alhou gholo ae; eno Atsa huye Alhou ke.

Sümi Tiqhelimi Bible

¹ Abothu lono Atsa hu ye ae, eno Atsa hu ye Alhou gholo ae, eno Atsa hu ye Alhou ke.

Sumi Naga CL (Re-edited) Bible (BSI)

¹ Abothu lono Atsa ae, Atsa huye Alhou gholo ae; eno Atsa huye Alhou ke.

John 1:1 Referans Kwoze

BOTHUBO 1:1

Abothu lono Alhou no atsutsu ngo ayeghi lhoe.

John 17:5

Apuo! ayeghiqha lhophe mphilo ino ogholo achekeu jekipi hu pesu itehino ogholono ijepipi tsulo.

Piyeküsü 19:13

Pano chijebobo phi tipau uchekeuye ahjino dapusu ae. Pa jeye “Alhou Tsa” ipi kuche.

Kolosiami 1:17

Paye kumtsu zuuno acheghi eno pa gholo akeu lono thwokha tsuqu kumqope ani.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

Piyeküsü 22:13

Niye Alfa eno Omega ke, atughiu eno ashekhau, abothu eno kishekhakeuke.”

John 1:2

Atsa huye inahuuno Alhou gholo ae.

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

FILIPIAMI 2:6

Paye Alhou lho-aye qhemilo anamu tsuyikhomo Alhou qhemi shi amasakepi kumsumoe.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

IBRIMI 13:8

Jisu Khristo ye ighi, ishi eno alhokupujulo aphiphike.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

John 16:28

Niye Apu launo ighike eno ayeghilo ighivae; eno itaghi ayeghiqha qhiveno Apuh lau wuveni cheni.”

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

John 20:28

Thoma no pa vilo pi, “IMpeu eno iLhou!”

Titus 2:13

tiye nilokivipu Tsala, niLhou akijeu eno Xakuluu Jisu Khristo no akimthejukuvu lono ipeghi nike kutolo laju ghi kheakeuke.

IBRIMI 7:3

Melkhizedek ye apuaza kuha, alagha kughuko kuha, pa kuxu shekha momu pa kuxu bothu eno pa kuxu shekha kuhae. Ikemu Paye Alhou Nu kimihike, paye alhokupuju ghenguno achineu lakhike.

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

Ephesiami 3:9

Alhou wu tuqhou kukughu kishi shiwoni cheni keno timi kumtsu pelo ithulupe niyeke. Thwokha lhotsukeu Lhou no wovekeu tiqhelimi kumtsu launo pawu tuqhou huye kusupe puacheke,

Piyeküsü 1:2

Johan no pano ithulukeu kumtsu pesu Alhou tsa eno Jisu Khristo no kuchou piyekeulo ashepe shiani.

1 John 5:7

Ashepe kishi kuthu acheni:

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

John 1:18

Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

LESHELE 45:6

Alhou no otsukeu yehkipeqhaye pulhapujulo ache nani. Nono achipiu xakutha pesu owu timiqo shou ayehpeke;

Piyeküsü 2:8

“Smurna akukuhoulo kungumi akeu lau yelu ani: “Atsape hipauye atughiu eno ashekhau tsapeke, khuu thiveno akuxu shiluve keno tipau tsapeke.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Luke 24:53

eno ado kumtsu tamo puzu achineki lono Alhou shikimthi ae.

John 8:58

Jisu no pi, “Kuchouno ino nongu vilo pini, Abraham zuuno niye aighivae.”

Kolosiami 1:15

Khristo ye ithukumlau Lhou jukimihi ke. Paye lhophe puakeu kumtsu gholo anoghiuke.