JEREMIYA 9:8 - BAIBEL (BSI)

⁸ Panoqo miliye tughu akeu piji toike; panonguye pulhapuju miki cheni. Kumtsuno pututa kusami vilo shompami toi putsakile cheni, ikemu kuchou loye pa ghenguno alichhe shipe qhianike.

Sumi Naga CL (Re-edited) Bible (BSI)

⁸ Panongu mili ye akithipu piji toike, tino pishikiqhi tsa picheni; pano kichi loye pano kisüghümi lau külakishi tsa picheni, ikemu pano mlo loye ghüthe shipe khe cheni.

JEREMIYA 9:8 Referans Kwoze

LESHELE 28:3

Timi lhoksami gholo ipeve kevilo, alhoksa kumlami gholo timi tipa qono akusami vilo shompami toi putsa cheni, ikemu pano mlolo axekusu pucheni.

JEREMIYA 9:3

Panonguye pulhapuju mikinike panoqo mili asuzu toi kutope acheni; Amikuchokumono kuchou zuqhu shi aghakhulo akumtoshi thuwu ani. AMPEU no pi, “Iwu timiqono alhoksa lakhi lono alhoksa lakhi papewu acheni, eno niye panoqo Lhou kepi ni ikhilu chemoe.”

LESHELE 120:3

Nongu kimkimiqo, Alhou ye nongu lau kiu shini kya? paye kishi nongu ghimeni kya?

LESHELE 57:4

Abongushu lojilo niye ngolu ani, mihemza timi tsuchuve chekeqo gholo; Panongu huboye apiji ngo angu toike eno panongu miliye azuta kihi kutsugha toike.

LESHELE 55:21

Pa tsapiye akikhe chuqu nguno akumtshauke, ikemu pa mlolo mithi keu ani; pa tsaye teli nguno akumtshauke, ikemu azutakihi toi tsughaminheyike.

LESHELE 12:2

Panoqo kumtsu lakhino lakhi vilo akimki tsa pie; muqushe eno amlo kikinino lakhino lakhi pishiqhi cheni.

SAMUEL AKINIU 3:27

Kughou Abner no Hebron lo ighilu keno Joab no khagho lono pa vilo kiwana tuqhou tsa pinike toi pa kupunu susu ighino tipa alono apo lono pa jiqhi pithive. Hitoi shi no Abner heqhi pithive kughengu pano Joab thikuzuu Asahel heqhi pithi puakehu.

JEREMIYA 9:5

Kumtsuno pa kusami pishiqhi cheni, eno khunomu kuchou tsa pichemoe. Panonguno mikinikeu pano mili shika acheni panonguno axine shi acheni eno xaideghiveni keulo akulhoshi acheni.

JEREMIYA 5:26

“Timi lhoksami iwu timiqo gholo xuanike; akhame pesu aghau meluveniye sukhope akemiqo toi panonguno timi miqe acheni; panonguno alichhe shipe qhipuzu timi meluve cheni.

LESHELE 64:8

Atsa hukithipu ghenguno Alhou no panoqo kutsave nani; eno panoqo ithulukemi kumtsuno akutsu kungu nani.

LESHELE 35:20

Panonguye shompami gholouno putsakile chemoe, ikemu iqu ghayikemi shou panonguno akimki jeli kumtsu iqiphe acheni.

AHOLE 25:18

Akimki lono okisughumi nguku keuye azuta, asuthalu momu apiji toi akithipuke.

JEREMIYA 9:4

Pututa shelo pa kusami jukutokugho masaveke eno khunomu athikuzumi ghi pukhubemlake; Kughengu athikuzumi kumtsu Jakob toi pishikiqhike, eno kumtsuno pututa kusami piputhake.

MICAH 6:12

Nogholo kinimiqono kumlhomi saje chu khavae, eno nongu kumtsu kimkimike.

LESHELE 12:3

Muqushemi mutsu hupaqo kumtsu ghovetsulo, Shishe qheza-laki chekeu mili ishi pichekeu lakhavelo;

LESHELE 62:5

Ingulho no inaqhoi Alhou likhi khe acheni; kughengu pa launo lakuju ighi cheni.

JEREMIYA 5:9

Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?