JEREMIYA 9:2 - BAIBEL (BSI)

² Asayeqhalo ngokulupu-a ino aghi keaye, iwu timiqo launo poveno tilau wuveni cheke. Panongu kumtsu pichebekum-lamike, muquqhi chekemi muqoke.

Sumi Naga CL (Re-edited) Bible (BSI)

² Asayeqha lo kicheghüzümi kungoki I no aghike aye, ni ye Iw timiqo qhive no tilau wuveni cheke! Kughengu panongu kümtsü küsalhami, pishikiqhi lojimi.

JEREMIYA 9:2 Referans Kwoze

JEREMIYA 23:10

Aghakhuye AMPEU lau amikuchoshi xuchemo kemino chhitoivae; Panonguno akuxu lhoksa shi xuacheni eno pano kuka pepusa acheni. AMPEU no musuinikeu ghenguno ayeghiye mloqa ani, eno asutsaniye ighuiveake.

HOSIYA 4:2

Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

HOSIYA 7:4

Timiqoye kumtsu ghano kimthikile eno akushu akumqhoke. Panonguno kimthikile keuye amiphokilo ami kuchughei puzu ashokishiuno asho kunulumoke kutolo chixe kuthomono akeu toike.

JEREMIYA 12:6

Othikuzumi, nobolomi kuchou thotsu ojechuveke ohakuqo qhikeulo panongu ghi chhosuke. Panonguno ashou toi oputsa pinamu noye panoqo pukhu kevilo.”

JEREMIYA 12:1

AMPEU, ino osasu itsa kugha- kepu pesu kutsala aye, Noye achipiu shiaghive nani putsake. Ikeghi niye osasu kuchou xakutha vehu kigheve masavae. Kushiye kusakughamiye shishe kinikulu shipe kya? Kushiye amikucho kumomino ikukithelupe kya?

James 4:4

Pukhukilemla keu lhoxuqo! ayeghi sasu ashou shichekemiye Alhou ghumikepi nonguye mtha kesha? Tighenguno khunono ayeghi sasu ashou shinishi keno paye pa pesu Alhou ghumi shianie.

MALAKI 2:11

Juda lo akemino Alhou lau ashoqhi shikeu kuboleve eno Jerusalem lo ngo aghakhuqha kumtsulo akuighupu lakhi shiveke. Panonguno AMPEU no kimiyechekeu chineki kitiqeveke, kiptimiqono totimi inaghami lhou mlla chekemi sasu kulakupu shiveke.

ZEFANIA 3:4

Tungkupumino lahilazake eno akupulupu kuhake; achinemino akimthe kitiqevetsu cheni eno pano kivipu shianiaye Alhou yezah suchighive cheni.

HOSIYA 6:7

“Ikemu panonguno Adam toi ayeghi lo ighi kemtsa ino panoqo sasu puloshoqhi shikeu kubolevetsu.

HOSIYA 5:7

Panonguno AMPEU lau amikucho shimoke; panoqo tianuliye pawu kumoe. Tighenguno itehiye panongu ghi eno pano yeghi ghi itheno kutsaleveni cheni.

JEREMIYA 5:11

Israil ngo Juda lo akemiqono ikughapesu qhoi atheshiveke. Ni, AMPEU no pike.”

JEREMIYA 13:22

Kushiye hikithipu kumtsu nongu lau shi ani - kushiye nophimini suxuvetsu eno nongu sazuvetsu kelapi nonguno iniju aye tiye nongu xineye shishe kije kushuwa ghenguno ke.

MICAH 6:12

Nogholo kinimiqono kumlhomi saje chu khavae, eno nongu kumtsu kimkimike.

MALAKI 2:14

Kushiye paye tipaqo ikhilutsu chemove akela pi nonguno iniju cheni. Tiye kutau ghenguno kumono nonguno lhothemi shiake lono sasu kulaukeu nipu lau nongu shoqhi kubolevekeu pano ithi ani kehue. Liye otunake eno nonguye Alhou zulono li lau amikucho shi xucheni keu tushoqhive kethiu ghi nonguno li lau ashoqhi shikeu kuboleveke.

XAKUTHAMI 2:10

Tipau tiqheli kumtsu thi khaveno tipashelo ipeghikeu tiqhelimiye AMPEU kumsumave eno AMPEU no Israil ghenguno kiu mlatsu keno kumsuma khave.

ISAIAH 59:3

Nonguye akimki, muqhumuza eno heqhi buqhi keu lono kuqu chenike.

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

JEREMIYA 5:1

Jerusalem lo akemiqo, alaghilalo iqho iqijulo! Jukutolo eno kishi ani keno ithilo! Alhikishi-a kumtsu phujulo! Timi lakhi likhinomu achipiu shi kemi eno Alhou lau amikucho shi chekemi nonguye phulu anima? Nonguno phuluaye, AMPEU no Jerusalem kipimi qhivetsu nanike.

JEREMIYA 5:2

Nonguno AMPEU mlla cheni kepi piaghi namu, nonguno akimki lono tushoqhi cheni.