JEREMIYA 8:6 - BAIBEL (BSI)

⁶ Ino tsaqui inijuke, ikemu nonguno kuchou tsa pimoe. Nongu milakhimu pututa lhoksa ghenguno xaideghikeu kuhae, nongu milakhimu ‘Niye kishi akumou shive akela?’ ipi pimoe. Khurshino aghushilo posuwuke toi pututa shelo pututa lalo wuveke.

Sumi Naga CL (Re-edited) Bible (BSI)

⁶ I no amlokütsü shi ini kemu panongu no achipiu tsa pimoe; khunomu pa lhoksa lono xaide mono pi, ‘Ni ye kiu shive kea?’ Khurshi no shoxashi aghüshiqa lo poilo keshi kümtsü no pütüta la lo wuve.

JEREMIYA 8:6 Referans Kwoze

LESHELE 14:2

AMPEU no kungugha lono jupiqieno timi nuliqoye alokutsu anikeo mokela eno Alhou phuju chenikeo mokela ju acheni.

EZEKEL 18:28

Paye pano kiu shi anikeno kumsu kutoju puzu axine shimoveke, paye mutsuqheino thimo nani ikemu xualu nani.

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.

MALAKI 3:16

Tileno timi khunoqono AMPEU sumsa cheni keno tipaqo lakhino lakhi putsa cheni eno AMPEU no panonguno kiu pi keno tipau inia puzu chiluve cheni. Pa zulo kaku lakhilo yepe qhipuani, khunoqono AMPEU sumsa eno pa gihu cheni keno tipanoqo ghili yepuani.

MICAH 7:2

Aghakhulo timi lakhimu achipiu shikemi aghimoveke, milakhi nomu Alhou qhoqhukeu kuhae. Kumtsuno timi heqhipithi nikeu dokivi khe akhani. Kumtsuno akusami meluniaye hake.

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.

HAGAYI 1:7

Kushiye hikithipu shiani kela nonguye ithulumo kesha?

HAGAYI 1:5

Nongu shou kiu shi ikughi ani keno nonguye ithumla kesha?

EZEKEL 22:30

Timi khualano putukha keu shilu nani kemokela ino phujuke, eno khualano putukha keu khileno ileve keno tipaulo puthugholu puzu ino iloghu kighide lono tipau kutsaveniye shiakelo, ayeghi shokhalu nimalayeke, ikemu niye milakhimu phumlake.

JEREMIYA 5:1

Jerusalem lo akemiqo, alaghilalo iqho iqijulo! Jukutolo eno kishi ani keno ithilo! Alhikishi-a kumtsu phujulo! Timi lakhi likhinomu achipiu shi kemi eno Alhou lau amikucho shi chekemi nonguye phulu anima? Nonguno phuluaye, AMPEU no Jerusalem kipimi qhivetsu nanike.

ISAIAH 59:16

Milakhi nomu qodaqhipe akemi kuphu nike ithumla kehu paye akumzaqhiyive. Ikehu pano panoqo xaphelu nike pa kuka peithano tokulu shi nani.

ISAIAH 30:18

Ikeghi AMPEU ye nongu kimiyenike kheanike. Paye nongu shou amlo ighiqhiyinike kutope ani kughengu paye pulhapujulo kiuno achipi keno tipau shi achenike. Khunono AMPEU shou pukhube cheni keno tipanoye alokivipuke.

JOB 10:2

Alhou vilo ishi pini aphi, “Ipesu kusakugha shitsukevilo, ikipimi kiu ani kela ipithi tsulo.

JEREMIYA 23:25

Tungkupmi hupaqono kiu pikeno, panonguno ije lono akimki tsa pikeu eno panoqo samouno ino itsape pesu panoqo tsuveakepi pichekeqo kumtsu ino ithianike.

JOB 34:31

Alhou vilo hitoi pilukepue, “Ino chepimivae, niye akumou shimake.

JOB 34:32

Ino khikhi ithumla keno nono ishika tsulo, ino kuqu puaghi aye niye tishikithe mae.”

ISAIAH 57:17

Ino panoqo shou imlo idevekeuye panoqo xine eno panoqono aghukha shikeu ghengunoke, ike ino panoqo ghimeqhi eno qhiveke. Ikemu panonguye amlo kiqhimi eno panongu gho apuloulo checheuve.

JEREMIYA 3:5

Noye alhokuthu lo amlo idemo nanike; noye ashekha kutolo aloghu idemo nanike.’ Israil, nonguno tishi pike ikemu nonguno toluke thaqhulo alhoksa kumtsu shicheni.”

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

ZEFANIA 3:7

Ino kumsukeuye iwu timiqoye tileno isumsa nani eno ino shikithe keu ikhilu nani eno panonguye ino shikapiye keu khilemu kumsumamo nani kepi kumsuke. Ikemu paikhavino panonguye puzuu toi alomokeu shiuve anike.”