JEREMIYA 7:19 - BAIBEL (BSI)

¹⁹ Ikemu kuchouno panonguye ighuza ani kesha? Moe, panonguye pano likhi panoqo ghuza ani eno panoqo shou akukujopu sughi anike.

Sumi Naga CL (Re-edited) Bible (BSI)

¹⁹ Panongu ye I xukutho ani keo? ipi Ampeu no asheshu. Hi ye panongu ampi kukujopu shi anike kumo?

JEREMIYA 7:19 Referans Kwoze

1 Kor. 10:22

Momu ninguye Ampeu nhekushupu xukuthoni kesha? Ninguye panguno akumtou kepi nonguye kumsu ani kesha?

JEREMIYA 20:11

Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

JEREMIYA 9:19

Zion lo ighakeu sutsa inilo, “Ninguye hephokicheivae! Ninguye qhoi shikukujo khavae! Ninguye nighakhu qhive masavae; nikiqoye hexapinyi tulaqhivae.”

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

ISAIAH 45:16

Khunoqono ajulho shisu cheni keno tipaqo kumtsu kujove nani; panoqo kumtsu kujo mzavepe nani.

ISAIAH 1:24

Ike itehiye Akughushu AMPEU, Israil Lhou akuka kumtouno kiu piani keno tsaqui inilo: “Ino nongu ighumiqo shou amkhu luni eno hinguno hilauye nonguye ipunaqhimo nani.

ISAIAH 1:20

Ikemu ihebide napiaye nonguye ghuyi lono thiniputsa. Ni AMPEU kichi lono piqhi ani.”

JOB 35:6

Tsala nono axine shipuaghimu, nono Alhou shou kiu shiluni kya? Tsala okipimi no alau shi isheve aghi namu, noye pa lau kiu shikulupu kya?

EZRA 9:7

Nipu asu tsala lono ishi kutolo owu timiqono ighono pimi ighivae, ni xine ghenguno ni kukami eno ni chinemi pe Alhou kumthami kukami ulono pithiveke eno ishi ninguno sholu ake kutolo titoi tishi khathaluve, suxaluve eno shikighime veke.

ZAKINIU 32:16

Panoqono ajulho mllakeu huno AMPEU ye anheshuve; Panonguno alhoksa shikeuno pa pelo axuidevepe.

JEREMIYA 2:17

Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.

JEREMIYA 8:19

Inijulo! Aghakhuqha kuchopulo iwu timiqono ishi igha akeu chilu ani, “AMPEU ye Zion lo ngo chemovea kesha? Zion kukauye tilehi kuhavea kesha?” AMPEU, panoqo kukauno khochile, “Kushiye nonguye asu-atu mllakeu lono eno nowu inaghami lhouqo lau itsaiqi mllakeu lono iloghu shikighideve kya?”

JEREMIYA 15:9

Aza khuno pa nuli mitsuni puhave keno iluqive, atuthu shekukunoke. Li ghenguno pucho tsalaye zumoi keu shive; liye ajekusapu shive eno amlosa auve. Nongu itaghi puxupe aghikemiqoye ino aghumiqo pelo nonguqo pithive penani. Ni, AMPEU no piveake.”

JEREMIYA 22:22

Nowu sakiphemiqoye amlhuno fupewuve nani, no gholo kuqha achekemiqoye aghushi lono kughalu khavekemi shi sawuve nani, nophughiye jukusapu shiveno kujovepe nani kughengu nonguno alhoksa kumtsu shike.

JEREMIYA 25:7

Ikemu AMPEU ampino pianike nonguno pa tsa initsumoe pike. Tishinike zuqhulo, nongu su-atu julhono pa mlo shikighideve tsuke eno nolikhi noshou aghimepu sughiveke.”

JEREMIYA 44:3

Kughengu tipaqolo achekemino alhoksa shiveke eno ipelo amlo idevepeke. Panonguno kutau lhouqo lau lhoxu heqhipe mllake eno panongu ghi nongu ghi momu nongu puasuqono khilemu mllachemo keu lhouqo qeu khaveke.

EZEKEL 16:26

Nono okisughuu aghichikupou Ijipmi pelo osasu azu-a lakhi shipeke eno nono osalha pesu iloghu kighideve tsuke.

JEREMIYA 3:25

Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”