JEREMIYA 7:15 - BAIBEL (BSI)

¹⁵ Ino no sholokumi Israil lo akemiqo haphevekeu toi igizu lono ino nongu hapheve nani. Ni, AMPEU no piqhiveake.”

Sumi Naga CL (Re-edited) Bible (BSI)

¹⁵ I nhethe lono I no Ephraim kughuko kümtsü haphe keshi, no laghami kümtsü haphe nani.

JEREMIYA 7:15 Referans Kwoze

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

HOSIYA 13:16

Samaria no ishou hebideke ghenguno aghime tsumasae. Tilehi timi akeqoye aghukishi lono thi nani; anga kughunuqoye ayeghilo vedaqhi pithi nani eno mishipu aghikemi po ghilevetsu nani.”

JEREMIYA 52:3

AMPEU ye Jerusalem ngo Juda lo akemiqo shou ighono aloghu ideve kehu panoqoye pa gizu lono hapupokhaveke. Zedekiya no Babilon kukau Nebukadnezar shou hebideke,

KUKAMI AKINIU 17:23

ikehu ashekhaloye AMPEU no pa nhekithe lono panongu hapheve, pano paqemi tungkupumi vechewo panongu ghutu keu lono pano shinipi ketoi shive. Tighenguno Israilmiye Asiriya yeghilo kughasasu akughu shiukhave, panonguye ishikutolo tile xu achephike.

HOSIYA 12:1

Israil lo akemiqo inaqheno putho kutolo shikeu adou likhi eno kutsakungove kepu likhike. Kichileu ngo heqhi buqhikeu kumla panoqo gholo ikowo ani. Panonguno Asiriya sasu kulashikile eno Ijip sasu lhidi lhighi shike.’

HOSIYA 9:9

Panonguye kutho kuzushi kusakugha shiukhavae, tiye panonguno Gibea lo shicheke toike. Alhou no panoqo xine kumsupuluveno tipau ghenguno panoqo ghimeqhi nani.

HOSIYA 9:3

Israil lo akemiqoye AMPEU yeghilo ngopemove nani ikemu Ijip lo idewove kepu shi nani eno mithemo keu chuqu Asiriya lono chu nani.

HOSIYA 1:4

Tileno AMPEU no Hosiya vilo pi, “Pa je Jezrel kutsulo, kughengu ado kushuwa womono ino Israil kukau ghimeqhini cheni, tiye pa puasu Jehu no Jezrel lo aji pelepua keu ghenguno ke.

JEREMIYA 23:39

ino panoqo sunheqhe puzu ilauno putosuu vepuwuve nani, panoqo ghi ino panoqo ngo pano puasuqo tsupuakeu phughi kinikujo kutholeve nani.

JEREMIYA 3:8

Ino Israil kughuxave keu eno li puwuve keu Juda ghi ithuluvae, kughengu lino ilauno tsughusu wuve puzu kusalhami shiuveke. Ikemu Israil tsunipu amikucho kumou Juda ye musamoe, li ghi kusalhami lakhi shive

YEKIKITHI AKINIU 15:9

Timi kutomo Efraim ngo Manasse eno Simon ghakhu lono Asa kudau ighive eno pa kukaqhalo xu acheuve kughengu AMPEU no pa gholo akeu panonguno ithuluve ke. Asa no timi tipaqo ngo Juda eno Benjamin lo akemiqo kumtsu kukumqo.

KUKAMI AKINIU 24:20

AMPEU ye Jerusalem lo eno Juda yeghilo kuami shou ighono pa mlo qimlaveno aloghu avekeu lono pano panongu kumtsu pa nhekithe lono hapupokhaveke.

LESHELE 51:11

Olauno ihapupo kevilo; oGhungu Kimthe ilauno suwuvetsu kevilo.

ISAIAH 7:16

Tipa ghuloki ighi mphi lono kukami oshithughuyi akeu pama yeghiye hale pighive nani.”

JEREMIYA 9:19

Zion lo ighakeu sutsa inilo, “Ninguye hephokicheivae! Ninguye qhoi shikukujo khavae! Ninguye nighakhu qhive masavae; nikiqoye hexapinyi tulaqhivae.”

EZEKEL 23:31

Noye ofo nepa papeke ikehu ino aghime jukhu atho opiyeni cheni.”

HOSIYA 7:13

“Panoqoye ahasapuke! Panonguno iqhive puzu isasu kumjo ani. Panonguye kutsave nani. Niye panoqo xalunishi akemu panonguno imllakeuye kichileke.

HOSIYA 9:13

AMPEU, panoqo tianuli haqhi puzu pithivekeu ino ithulu ani.

JONAH 2:4

Niye ozulono haphevae eno khilemu okimthe Achine ki itaghi ithulu kithemoake pi ino kumsuveke.

JEREMIYA 23:33

AMPEU no ivilo pi, “Jeremiya, kughono iwu timi lakhino momu tungkupmi lakhino momu achinemi lakhi no ovilo, ‘AMPEU tsape ye kiu kya?’ ipi inijuaye noye ishi pilo, ‘Noye AMPEU makhoke eno pano noikhipe peve nanike!’

EZEKEL 33:25

“Ni, Akughushu MPEU no kiu piani keno tipau panoqo vilo pilo: Nonguye ashilo ahji pususu aphi lono tipau chuke. Nonguno asu-atu julho mllake. Nonguno ghiqhi chenike. Kiu lono ayeghiye nongu wu kepi kumsu kepushi ani kya?