JEREMIYA 7:14 - BAIBEL (BSI)

¹⁴ Tighenguno Shilo shou kiu shikeno nonguno pukhu achekeu ichineki hipau shou ghi ino shitsu nanike. Ino nongu puasu ngo nongu tsukeu-a hipau lono ino Shilo shou shike paphi lono ino tipau shinanike.

Sumi Naga CL (Re-edited) Bible (BSI)

¹⁴ tighenguno I no Shiloh lo mlake toi, nongu no pükhübe chekeu, I je lono kukeu kibo shou eno no puasüqo tsükeu yeghi shou ghi titoi shinani.

JEREMIYA 7:14 Referans Kwoze

JEREMIYA 7:4

Pishiqhikeu tsa hipaqo pulu kevilo, ‘Ninguye kiumu shimo nanike! Hiye AMPEU chinekike, hiye AMPEU chinekike, hiye AMPEU chinekike!’

JEREMIYA 7:10

Nonguye ino jumithikeu thime hipaqo shicheni eno tishi puzu igizulo, ichinekilo puthugho puzu, ‘Ninguye kiumu shimoe!’ ipi cheni.

LESHELE 78:60

Pano Shilo lo achekeu akumlla phiki phevetsu, tile ngo puzu ningu sasu achekeu alo.

KUKAMI AKINIU 25:9

Pano Jerusalem lo Achineki, akukaki eno timi atomiqono ngochekeu ki kumtsu pitikhavetsu,

ZAKINIU 28:52

Panonguno AMPEU Alhou no nongu tsuakeu yeghilo taun akeqo kumtsu leighi nani eno nonguno pukhupe akeu aliwo qhemghai putu puakeqo kumtsu ikiqive nani.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

AKUMLO 4:1

Niwu shunayi phuphuikeu huye nhaquivae; Achineki tuquqoye alaghilalo tuleqhi pesu ngo akhani.

AKUMLO 2:7

AMPEU no pawu akiptia peve eno pa kimthe chineki kughukughalei vetsu; Pano aghumi pelo tipau putukha keu hepholeqhive penike pulosuvetsu. Ghuthu lakhi lo nino alokivishi mlla che keualo aghumino huttiauve.

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

JEREMIYA 7:12

Shilo lo wulo, mlla penikeu-a ino kishelu tughiu-a lakhike, eno iwu timi Israilmi xine ghenguno ino tipau pesu kiu shive keno julo.

ISAIAH 64:11

ni Achine ki, akimthe eno jukighilepu-a lakhi khile nipuasuno osheqheche keno amino ghuleveke. Nino kimiyechekeu-a kumtsu ixapinyi ani.

YEKIKITHI AKINIU 7:21

“Achineki khikhi itehi ighono gihu anikeno tipa ghulokilo ye tipau vechewu chekemi lakhikhino akumzaqhiyive no ishi iniju nani, ‘AMPEU ye kushiye ayeghi hipau shou eno Achineki hipau shou hitoi shive kya?’

ZAKINIU 12:5

Noshiayeh ghakhu lo AMPEU no a-a lakhi kishelu nani, tipa-alo timiqoye pa mllalo.

JEREMIYA 23:39

ino panoqo sunheqhe puzu ilauno putosuu vepuwuve nani, panoqo ghi ino panoqo ngo pano puasuqo tsupuakeu phughi kinikujo kutholeve nani.

EZEKEL 23:31

Noye ofo nepa papeke ikehu ino aghime jukhu atho opiyeni cheni.”

JEREMIYA 12:7

AMPEU no pi, “Niye Israil phevae; Niye ino kishelukeu shiayeh qhivae. Ino kimiye chekemi timiqo pesu pano ghumi ulo phesuve tsuake.

JEREMIYA 26:4

AMPEU no ivilo timiqo vilo pilo pike, “Ni, AMPEU no piveake nonguye ikukutsu tsa no tsukeu papeno aghokulu shimasake,