JEREMIYA 6:16 - BAIBEL (BSI)

¹⁶ AMPEU no pawu timiqo vilo pi, “Alaghi shokuba lo puthughono julo. Khaghi laghiqo inijulo eno ala akiviu khile anikeno inijulo. Tipaulo chechelo eno nongu ye alokiqipushi xulu nanike.” Ikemu panonguno pi, “Moe, ninguye tishimoe!”

Sumi Naga CL (Re-edited) Bible (BSI)

¹⁶ Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

JEREMIYA 6:16 Referans Kwoze

ISAIAH 30:21

Nonguno alaghi lono ajeu momu piyiu tsughu wuveaye nongu thikhau pa sutsa ishi pikeu chilu nani, “Ala hilake, hila che chelo!”

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

ZAKINIU 32:7

“Wovekeu, khaghi ghuloki kumsujulo; kiu shive keno nongu vilo pitsu lopi apunoqo vilo inijulo, kitemi vilo kha-ghi ghili pitsu penike inijulo.

JEREMIYA 7:23

Ikemu ino ahza tsukeuye igholulo pike, tishianguno niye panoqo Lhou shi eno panonguye iwu timi shipeniyeke. Ino panongu vilo pikeuno ino ahza tsukeu pesu xulo pike tishianguno panoqo ghenguno thwokha akivishi achepe niyeke.

Kolosiami 2:6

Nonguno Khristo Jisu ye Ampeu kepi ikhiluve ketoi pa gholono xuchelo.

ISAIAH 2:5

O Jakob laghamiqo, AMPEU no akuvu ningu tsupuakeulo checheni nolo!

John 12:35

Tileno Jisu no panoqo vilo pi, “Akuvu huye ado kitila likhi nongu sasu aniae. Nonguye akuvu aphi lono nongu kuxu xululo, tishimoaye akuzuno nongu haluvenosake; kughengu khunono akuzulo xuani keno paye khilau wucheni keno mthae.

JEREMIYA 18:12

Panonguye ishi khochile nani, ‘Ninguye kilini chemoe, kushiye kili ani kya? Ninguye nino shinike thaqhu kuthovi eno alhoksa shi ache nanike! ’ ”

JEREMIYA 22:21

Nono kinikulu shi acheke lono AMPEU no oputsake, ikemu nonguno initsumoveke. Tiye nongu kuxu kupujulo tipau mla acheni; nonguye khilemu AMPEU gholu chemoke.

JEREMIYA 44:16

“Nono AMPEU jelono nivilo kiu pikeno tipau ninguye initsuamoe.

IBRIMI 11:2

Khaghilomi kichimiqoye pano kupulu ghenguno Alhou ye pano shou amlo kiqipu shiluche.

John 13:17

Nonguno hi ithi aye eno nonguno hipaqo pepimhelu aye, nongu lokivipuke.

MALAKI 4:4

“Iqeu Muse no kutsupiyekeu kumsululo, Sinai Toghi lono ino Ayezah ngo Ahza jeli pesu Israil lo timi kumtsu pelo agholupe nike ino pa tsuke.”

IBRIMI 6:12

Nonguye khilemu kughuchove kepu kumoe ikemu khunoqono akupulu eno kheakulu shikeu vechewo Alhou no piqhipuakeu mheghi iyighilu keno tipaqo kimihi shipenishi ani.

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

Luke 16:29

Ikemu Abraham no pi, ‘Othikuzumi ye Muse kaku eno Tungkupmi kaku ani, panongu pelo tipaqo tsa ini pelo.’

ISAIAH 28:12

Pano alokughuno eno akulho kiqhipu pesu nongu kumtsu lau tsuke ikemu nonguno pa gholuni keu milive ani.

John 5:39

Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

Apostolmi 17:11

Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.

Rommi 4:12

Titoi Abraham ye aphighu yiko ghavekeqo papuh ghi ke, panonguno aphighu yiko ghaveke ghenguno kumo puzu panonguno nisu Abraham no aphighu yiko ghamphilo kishi akupulu kuxu xukeno panonguno titoi xukeu ghengunoke.

JEREMIYA 2:25

Israil, kutau lhou hachekeu lono opukhu pelo qeivepe kevilo momu okughoki qhaivepe kevilo. Ikemu nono pike, ‘Moe! Niye athiu tsughu ighimoake. Niye inami lhouqo kimiye auvae eno tipaqo papewunike.’ ”

KUKAMI ATUGHIU 8:36

kungugha lono inijutsulo. Israilmi eno akukau xineqo qhivetsulo kiu achipikeno mlapenike shikatsulo. Tishieno, O AMPEU, oyeghi hipaulo tsutsughu puwu tsulo, khikhi nono owu timiqo pelono alhokuthu mheghi shipeniye tsuve akeno.

LESHELE 116:7

Imlo, mutotoilo ithakevilo, kughengu AMPEU ye ilau alo achenike.

JEREMIYA 12:16

Tipathiu panonguno amlo kuchopu pesu iwu timiqo chineyeh ikhilu eno panoqono, ‘AMPEU no xuanike’ ipi tushoqhi aye, puzuu panonguno Baal jeku ghi tushoqhi keu iwu timi shika che kemu tithiuno panongu ghi iwu timi muqo shilu anguno kinikulu shi nanike.

JEREMIYA 31:21

Amchi shikeu peqhelo eno alaghi amchi shilo; nono khipala lono cheve keno tipau laghi phukithelo. Ideighilo, O Israilmiqo, nonguno qhivekeu taunlo ideghilo.

JEREMIYA 42:3

AMPEU niLhou pelo ninguye khi kudau wukepu keno alaghi nipiye penike eno ninguye kiu shikepu keno nipiyepe nike inikhutsulo.”

JEREMIYA 50:5

Panonguno Zion kudau wukeu la iyighiju puzu tikudau wu nani. Panonguno isasu lhokta puloshoqhi shi nani eno khilemu tipau kubovemo nani.”

XAKUTHAMI 2:17

Ikemu tishimu Israilmiye panongu xakuthami tsa initsumoe. Israilmiye AMPEU lau amlo tsumoveno alhou kutau mllau khave. Panongu puasu ye AMPEU zahkutsu aghokulu shiche, ikemu tiqheli akitheu ye tipaqo shitsumove.

YEKIKITHI AKINIU 19:11

Achinetou Amaria no achine yeh lo kughakepu kumtsu shou agha kipeu atou shinani eno Ishmael nu Zebadia, Juda lo peitha kicheu no aqoaho yehkipelo kugha kepu kumtsulo agha kipeu atou shi nani. Levimino kughakilo kiu xatha tsukeno tipau shikupu ani kemo keno juni keu makho puni. Amlo kuloghi shilo eno akukutsu tsa hipau shi wolo eno AMPEU pelo achipiu shikeu kudau apeniu!”

ISAIAH 46:9

Kha-ghilo kiu shive keno kumsululo; ilikhino Alhou eno itoikeu kutau kuha kepi ithi luvelo.

ISAIAH 57:2

Khunono akuxu kivi xuni keno akithi lono alokughuno ngo akulhokiqhi ithulu cheni.

JEREMIYA 7:3

“Nonguno xuchekeu laghi eno mlaithache keu laghi kilivelo eno ino nongu pelo hilehi xu acheuve penike.

JEREMIYA 7:24

Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.