JEREMIYA 6:11 - BAIBEL (BSI)

¹¹ AMPEU, panoqo shou ologhu akeu huye ilolo ghi pitipuzaqhi ani eno niye tipau suchile pesu ngo nikeu ngosumlavae.” Tileno AMPEU no ivilo pi, “Iloghu pesu alaghilalo ititunu akeqo shou eno lhothemi kumqo akeqo shou lepukulo. Akimiqo eno anipunoqoye kughasawuve nani eno kutamiqo ghi phemo nani.

Sumi Naga CL (Re-edited) Bible (BSI)

¹¹ Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 6:11 Referans Kwoze

JEREMIYA 20:9

Ikemu kughono ino, “Niye AMPEU kumsumaveni eno paje lono khilemu pimoake,” ipini keno, otsa huno ami toi ilolo pitiqhi auve cheni. Ino pukaputsa otsa tipau tsuqupe auveniye shicheni, ikemu tipau suchilepe auvemlake.

JEREMIYA 9:21

Akithiye nilashe vechesu alou iloghivae eno nikukakilo iloghivae; tipauno alaghilalo ititunuqo ghiqhipewuvae eno alhikishialo lhothemiqo michepewuvae.

MICAH 3:8

Ikemu ighenguye, AMPEU no pa ghungu eno akuka pesu ishepichhike eno kucho xakutha ithinikeu eno Israil lo akemi vilo panongu xineye kiu keno pikulupu kumto pesu itsu ke.

Piyeküsü 16:1

Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”

Apostolmi 18:5

Kughou Sila ngo Timothi pamano Makedonia kudauno ighive keno, Paul ye ado kumtsu atsa hu pe asheshu ae, Judamiqo vilo Jisu ye Khristo kepi ashepe shie.

Apostolmi 17:16

Kughou Paul no Athen lono Sila ngo Timothi pama ngokhe akelo, aphughi tipaulo asu-atu julhono chhitoi akeu ithulu puzu shishe pa mlo putaqhive.

Apostolmi 4:20

Kughengu ninguye nino kiu ithulu eno chiluveakeno pimono amlavae.”

Luke 17:34

Ino nongu vilo pini, tipa jilo azua lakhilo timi kini zu akelo, lakhi sawuveno lakhiye qhive nani.

EZEKEL 9:6

Kitemi na lhothemi na apumi ilimi na azaqo eno itimiqo namu ghiqhivelo’ ikemu timi khunoqo kishelo amichipu pu aghini keno tipaqoye lakhimu bukevilo. Ichineki hileno huthulo.” Ikehu panonguno Achinekilo tilehi sakiphemi puthugho akeqo shouno huthuve.

EZEKEL 3:14

AMPEU kuka kumto kuloghi ishou ikughi, eno pa ghunguno ixapuwuve kelo niye khumtsayi imlo ide ae.

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 7:20

Tighenguno ni, AMPEU Alhou no iloghu kighide Achineki hipau shou lepuku nani. Timi shou ngo lhoxuqo shou aphiphi shi ino tipau lepuku nani, eno asubo ngo axabo shou ghi lepuku nani. Iloghuye, timi khunomu pinhemla keu mi toi nani.

ISAIAH 40:30

Khunoqono alhothe keno pano ghi miqemileyive cheni; apumi ghi lhoveno ikiqive cheni.

JEREMIYA 15:6

Nowu timiqono ipeive nonguno ilau nongu zupo kughopuwo tsuke. Ike ino i-u chhopuwo nongu munuqhike kughengu niye iloghu ghasukeu lono ingaveke.

JEREMIYA 15:17

Niye kutami gholo ido kilhe kunu eno zuphu zugha shi auve chemoke. Ou ishou bepukukeu ghenguno niye ilikhi ngo cheni eno aloghu ide acheni.

AKUMLO 1:15

“AMPEU no iwu akumtomi ghushimi kumtsu junuqhi; Pano iwu lhothemiqo kutsa nike aghushimi kumzapu ishou kukumqo saghi, Atsayiji tsughuphe akeshi AMPEU no iwu timiqo qoda qhi.

AKUMLO 2:21

Ahelomi ngo kitemi aphiphishi alaghilalo thi ani, Apumi ngo ilimi aghumi zutano pithive. Omlo kighide tsalalo kimiyemo puzu nono panoqo ghiqhive.

EZEKEL 3:3

Pano pi, “Thinikuau timio, ino likuzu kaku hipau otsukeu chuvelo; eno tipau pesu opo sunhei shilulo.” Ino tipau chuve eno tiye akhi ngozu toi micheluke.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

JEREMIYA 5:9

Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?

JEREMIYA 9:20

Ino pike, “Nongu totimiqo, AMPEU tsa inilo, pa tsa amlo tsuqhiyi kumsujulo. Kishi mloqa kepu keno nongaqo shikalo, kishi kithikuhalo le phekepu keno nopumiqo shikalo.