JEREMIYA 51:44 - BAIBEL (BSI)

⁴⁴ Ino Babilon lhou Bel ghimeqhi nani eno tipau pelo pano pukalu puakeu nhemghaqo phevepe nani; ashiayehqoye tipau mlla kithemove nani. “Babilon putupuakeu ikiqivae.

Sumi Naga CL (Re-edited) Bible (BSI)

⁴⁴ I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

JEREMIYA 51:44 Referans Kwoze

JEREMIYA 51:58

Babilon akughushuu putupuakeuye ayeghilo xaleqhive nani, eno tipau khagho qhemghai akeqoye pitileqhive nani. Ashiayehqono mlachekeu huye kumtsu adou shive nani; panoqono pukaputsa mlapuakeu huye amikite ilhouve nani. Ni, Aqokitikhi MPEU no piveake.”

JEREMIYA 51:34

Babilon kukauno Jerusalem ghitha chuveke. Pano aphughi pesu azuhu toi kumsashivetsu; tughakusa ghahwu lakhi toi tipau munove. Pano kiu lunishi keno tipau pewuve eno kutauqoye peveke.

JEREMIYA 50:2

“Ashiayehqo gholo asutsa kithe pilo! Tipau pesu asheshulo! Kutughu-keu michi shilo eno sutsa kithe vekuphalo! Tipau pesu kusupe qhive kevilo! Li lhou Marduk ye kubokighi-niyivae! Babilonw asu-atu julho- ye kujokepu shivae, liwu ajulho niqhunilayi keqo ye mukhu-muno shivae!

ISAIAH 2:2

Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

DANIEL 5:31

Mediami Darus khuu apunumpe lhotsugho kini shiakeno pano pa kuka suxaluve.

DANIEL 5:26

Akiqiye hike: Akikihi, Alhou no okukaphu atsala kihithape qhive tsuae eno ashekha shivetsu ae.

DANIEL 5:19

Pa kuka ighono kije kushowo akiqheu kehu ayeghiqhalo timi kumtsu, shiyeh kumtsu eno atsajeli kumtsu msa khokhoshi pa qholo xu acheke. Tsala pano timi khami heqhive nishi aye pa gho shi heqhive che, timi khami puxuve nishimu tishi luche, pano peqhe nishi pina, piqive nishimu tishilu che.

DANIEL 4:22

“Akiqheu, asubo chuqu mughai eno ighono akumtoshi ithulu akeuye no ampeuke. Nono kije shi thuu iku atsutsu toke eno okukano ayeghiqha kumtsu chhitoike.

DANIEL 4:1

Akukau Nebukadnezar no asutsa hipaqo kiyepe ayeghiqha lo shiyeh kumtsu, alimi kumtsu eno atsa jeli kumtsu lau kutughu tsu. “Petha lulo!

DANIEL 3:29

“Ike itehi ino ahza tsu ani. Kiu kiu shiayeh shi aghi namu atsa ajeli kututa picheghi kemi pimu, Shadrak, Meshak eno Abednego pano kuthu Lhou thakeu tsa pikeqo phiau hechhepini pevetsuni eno paki hexapini puhave tsuni. Alhou kutauye hitoi xalukepu kuhae.”

DANIEL 1:2

AMPEU no pa pelo Akukau Jehoiakim kughaluvepe eno achinekilo akeu kuakini hami suxaluvepe. Pano idewo ke ghulokilo pa gholo akughumi ghi sasu Babilon lo pano lhou chinekilo wu eno suxakulu nhemugha kumqope pano chineki kokutha bolo ghakutsu pe qhive.

JEREMIYA 51:53

Babilon no atsutsu kutolo ikaiku puzu tilau aliwo qoghe shipe puaghi pinamu ino timi puwu puzu tipau kutsaleveni aphike. Ni, AMPEU no piveake.”

JEREMIYA 51:47

Ike ino Babilon su-atu julho kutotsu kepu ghuloki wocheni. Ayeghi kumtsu kujo kepu shivepe nani eno tipaulo timi akeqo kumtsu pithikhave nani.

JEREMIYA 51:18

Panonguye ame kuhake eno mithive kepuke; AMPEU no panoqo ghimeni keu do ghulokilo panonguye kutsaleve nani.

JEREMIYA 50:15

Aphughi sukumxa qha kumtsulo aghule kulo! Itehiye Babilon ye qhoi phesuvae. Tipau putukha puakeuye vesu ilovae eno ipole iqivae. Niye Babilonmi shou imukhu luanike. Tighenguno panoqo shou nongu mukhu lulo eno panonguno kutami peitha puakeu toi panoqo peithalo.

ISAIAH 60:5

Nonguno tipau ithuluno alokivino chhitoilu nani; nonguye ngosumla kelauno thuthushi nani. Ashiayeh kutamiqo wu kinikulu nongu lau sughi nani; Azughi tuxa kudauno panoqo kini ighi nani.

YEKIKITHI AKINIU 36:7

Nebukadnezar no Achineki lo pekutsu puakeu kuakini ghi hamiye xapuwuve eno Babilon lo pa kukaki lo tipaqo qhiluve.

ISAIAH 21:9

Zuleno panongu cheghive! Timino khurshi shou iku puzu ajo kinini shi. Aghukheuno asutsa pipuwu “Babilon ikiqivae! Panonguno ajulho mllachekeu kumtsu ayeghi shou kubo kighiniyi ikiqivae.”

JOB 20:15

Paye kinikulu munoqhi puzu itaghi mughulephe chenie. Pa polo nomu Alhou no ikhiphe kithe chenie.