JEREMIYA 51:16 - BAIBEL (BSI)

¹⁶ Pano ahza tsukeulo atsutsu shou azu akeuno ighae; ayeghi shekha kudauno pano khungkusu sughike. Pano tsutsughu lono tsutsupha mlaphe cheni eno pawu hekutsu puakeu bolono amlhu puwu cheni.

Sumi Naga CL (Re-edited) Bible (BSI)

¹⁶ Pa no atsa pi aye, atsütsü lo azü no mqhu ipeghi cheni, Pa no ayeghi shekha no atsüzü ipeghipe cheni. Pa no tsütsüghu ghenguno tsütsüpha mla cheni; Pa no hekütsü püakeu ki lono amülhü süghi cheni.

JEREMIYA 51:16 Referans Kwoze

LESHELE 135:7

Pano ayeghi shekha kudauno pasapagha khungkusu saghi cheni; tsutsughu ghenguno tsutsupha mla cheni, eno pano amlhubo lhaphe cheni.

JONAH 1:4

Ikemu AMPEU no amlhu kuloghi lakhi azughilo mulhu puwu, ike azughilo pasapagha ihulokeu shive eno zukilu ipopinyive keputoi akumsapu shive.

LESHELE 18:13

Tile AMPEU no kungugha lono tsutsu-sue eno shishe Akiqheu sutsa chilue.

JONAH 4:8

Tsukinhe ipeghikelo, Alhou no shukuthuyi keu mulhu kipelauno puwu eno tsukinhe kushuno pa kutsulo pughaqhi kelauno Jona ye izuvulayi iluqiveni cheghi, ike paye thive nishiuve. Tileno pano pi, “Niye xuani kepuye thivekeu pavike.”

AMUS 9:7

AMPEU no pi, “O Israil lo akemiqo, ino kishi nongu kumsulu keno titoi niye Sudan lo akemiqo kumsulu cheni. Ino Ijip lono nongu saghike toi Filistiyami Kreta lono saghi eno Kir lono Siriyami saghike.

EZEKEL 10:5

Lhoxuqo chishibono asutsa shikeu huye akikhala khalaulo ghi chilu ake, tiye Alhou Akiqheu sutsa toi ighake.

LESHELE 147:18

Tileno pano ahza tsu kelo murasuno azu ilhove; pano amlhu puwu eno azuno qowuke.

LESHELE 104:7

Nono azu sakiyikelo tiye pove cheni, nono ahza tsukeu ghugha chiluaye panonguye kohawuve cheni.

LESHELE 78:26

Pano kipelau mulhu pelo mulhupe, pa kukano apeu mulhu ghi hakilhe puthuke;

LESHELE 68:33

Khaghi atsutsu shou iku puzu che chekeu huno ighamuku akeu tsa inilo. Pa ghugha kuloghi inilo.

LESHELE 46:6

Ashiayeh kutamiye thughuive, ayehkipe qhaqoye sukinileqhi; Alhou no pa sutsa ighakelo ayeghiye mukhumuno shivae.

JOB 40:9

Noye Alhou-u kumto toi ani kesha? Momu noye pa toi keu sutsa kumgha ighalu nani kesha?

JOB 38:22

Noye murasu pekutsu keu khukilo iloju akesha? Momu apughu pekutsu keu khuki ithulu akesha?

JOB 37:13

Ghasunikeu ghengu na, momu payeghi ghengu na, momu kimiyeni keu ghengu namu pano tipau pelo phemove chenipeke.

IPEKULU 14:21

Muse no pau azughi shou chhopuwo eno AMPEU no kipelau mulhu kuloghi pesu azughi ghakide puwuvetsu. Tipauno puthotsu mulhu eno azughi pesu qhaikeu yeghi shitsu. Azuye kijetha vetsu,

IPEKULU 10:19

Ike AMPEU no kipelau mulhu kilipesu kulolau mulhu akumto lakhi shivetsu eno tipauno tulhaquqo fuqhive eno fupesu Akuhu Zughilo suvetsu. Ijip qhalo tulhaqu lakhimu qhitsumove.

IPEKULU 10:13

Ike Muse no pa kusu peqhe eno AMPEU no tipa tsala putho pucho kupuju kipelauno amlhu tipau yeghi shou mulhu puku. Inaqhe ye tipau mulhuno tulhaqu saghive.

BOTHUBO 8:1

Alhou no ashukakilo Noha ngo tughashi tikishi eno lhoxu kumtsu kumsu chilelue. Pano ayeghi shou amlhu mulhuwu pe eno azuno isuilo kithe thuve.