JEREMIYA 51:11 - BAIBEL (BSI)

¹¹ AMPEU no Babilon kutsanike kumsupu pesu anike ghenguno pano Media lo kukamiqo xukuthovetsuke. Titoi shikeu lono pa chineki kutsalevekeu mukhu pano lu nani. Leighi akemi kijemiqono ishi ahza tsuke, “Nongu piji xukumtsuvelo! Nongu zuto kutope peluvelo!

Sumi Naga CL (Re-edited) Bible (BSI)

¹¹ “Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

JEREMIYA 51:11 Referans Kwoze

JEREMIYA 46:4

Khurshiqo aghunanu pepupelo eno ilhekulo! Ajoshiluve eno ayikutsukuqho pululo! Nongu angu chighiluvelo! Mughochilekepu nanu pepulo!’ ”

JEREMIYA 50:45

Tighenguno Babilon phughi shou ino shinike kughu puakeu eno kiu qhemi lono tipaulo akemiqo shou shiniye kuto ani keno inijulo. Panoqo tianuli kutolo sunhe kiti sawuve nani eno kumtsu ghano kichimamave nani.

JEREMIYA 50:9

Ahuu ashiayeh akumtomi akeqo muqo ino xukuthoni cheni eno panoqo pelo Babilon leighi peni cheni. Panonguno tipa yeghi sasu ajo-shi puzu aghushino tipau leluve nani. Panonguye ashihami shitsamiqoke, apiji kapuwu keu lo mijikeu khilemu vezuve chemoke.

JEREMIYA 46:9

Khurshiqo wupenike eno khurkulu kohapenike ahza tsulo! Ghushimiqo puwulo: Sudanmi ngo Libyamino azuto xapusu eno Lidyami asuzu pekithimiqo! ’ ”

ZEKHARIA 14:12

Jerusalem sasu aghushikemi shiayeh qo shou AMPEU no akusu lhoksa lakhi sughi nani. Panonguno xuaphi lono pano phiashiye tsuwuve nani; panongu nhethi eno panongu miliye tsuwuve nani.

ZEKHARIA 14:2

AMPEU no ashiayehqo kumtsu kumtsa saghieno Jerusalem sasu aghushipe nani. Aphughi huye leluve nani, akilo aghikeu xulepuwuve eno totimiqo sazuvetsu nani. Timi tuxaye akughu shisu wuve nani ikemu kutamiye aphughi tipau lono sawuvemo nani.

JEREMIYA 51:35

Zion lo akemiqo pelo pipelo, “Ningu heqhi buqhikeu ghenguno amakhoye Babilon pelo pu pelo!” Jerusalem lo akemiqo pelo pipelo, “Ninguno aghime shivekeu ghenguno amakhoye Babilon pelo pupelo!”

JEREMIYA 51:24

AMPEU no pi, “Babilon ngo tipaulo akemiqono Jerusalem lau alhoksa khijehi shikeno tipaqo ghenguno ino lochiletsu nanike nonguye ithulu nani.

JEREMIYA 51:12

Babilon putupuakeu lepenike amichi kihipiyelo. Aghukhemi iqhi kithelo! Alakhemi qhiwolo! Timiqo pesu kughutshupe qhilo!” AMPEU no pano Babilon lo akemi lau kiu shinikeu shi pipua keno shitsu anike.

JEREMIYA 50:25

Niye ighunanu khile pekutsu cheni keno tipa-a qhaqhivae eno iloghu lono tipau khalau pe-ipeghivae, kughengu ni, Alhou Aqokitikhi MPEU ye Babilon yeghilo akumla shikepu shivae.

ISAIAH 46:11

Kipelauno ighilopi ino timi lakhi kuani; Pano aluqu lakhi toi ihhi iqighi nani eno ino kughu puakeu shi kupu nani. Ino pivae eno tiye shive nanike.

ISAIAH 45:5

‘Niye AMPEU ke; alhou kutau kuhake. Noye ni ithimono aghi pinamu nono akumto avehupu shiakeu ino otsu nani.

ISAIAH 45:1

Cyrus pelo akukau shipenike AMPEU no pa kisheluvae! Ashiayehqo lelupenike AMPEU no pa susu puanike; kukamiqo kuka liluve penike pa puwuke; pa pelo ilolupenike AMPEU no aphughiqo khagho khaqhitsu nani. AMPEU no Cyrus vilo pi,

ISAIAH 41:25

“Kipelau achekemi milakhi ino kishelu puani; Ahuu kudauno leighi penike ino pa saighi nani. Alikishiuno aghani qoda akeshi pano ayehkipemi aniba kumlhoshi qodae.

ISAIAH 21:5

Kungunhetsu lono aghulhu kije lakhi kutope a; inami iqa kepu aphi kishino qhapua. Panonguye chu shoa. Zuleno ahzakutsu kuigha: “Kijemiqo! Nongu zuto kutolo!”

ISAIAH 21:2

Ayikusapu shiwoni keu kungunhetsu lakhi ino ithuluke, tiye jechukileni keu eno hexapiniyini keu kungunhetsu lakhi ke. Elam ghushimiqo halewulo! Mediyami ghushimiqo, aphughi bothano khathasululo! Babilon no aghime tsuche keu Alhou no kishekhave tsuni cheni.

ISAIAH 10:26

Ni, Aqokitikhi MPEU no Oreb Tuqu qhalo Midiyami ghaqhi keshi ino akichhe kighi pesu panoqo ghaqhi nani.

EZRA 1:1

Persia Yeghi shou akukau Cyrus no kake mpe atughiulo Alhou tsa Jeremiya kichi lono pikeu shikupu penike AMPEU no akukau Cyrus kipekulhu puzu pa yeghiqha kumtsu lau asheshu eno akiyelo ghi qhivepe.

YEKIKITHI AKINIU 36:22

Persia lo Cyrus no akukatou shikeu ampe atughiulo AMPEU no tungkupu Jeremiya vechewo kiu pi puakeno pano kuchou shi ighilu peke. Pano Cyrus hakite puzu ahza hipau tsu eno akiye lono tsupuwuno pa kukaqha kumtsulo tipau asheshu ghi phisupe:

YEKIKITHI ATUGHIU 5:26

Tighenguno Alhou no Asiriyami kukau Pul (Tiglat Pilaser ghi picheni)pelo pano yeghi suxaluve pe. Pano Ruben, Gad eno kipelau Manasse shiyeh kughusasu wo Hala, Habor, Hara eno Gozan ghoki qhalo alhokuthu kughuna cheuvepe.

KUKAMI ATUGHIU 11:23

Alhou no Eliada nu Rezon ghi xukuthono Solomon mithi thuvepe. Rezon ye pa mpiu Zoba lo akeu akukau Hadadezer launo povekemike,

KUKAMI ATUGHIU 11:14

Ike AMPEU no Edom kije lagha lono ighikeu Hadad xukuthono pa pelono Solomon mithi thuvepe.

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

JEREMIYA 46:3

“Ijipmi akijeuno asheshu, ‘Nongu zuto kutolulo eno aghushiakeulo ilolo!

JEREMIYA 50:3

“Ahuu kudauno ashiayeh lakhino Babilon lenike ighi eno tipau pesu asayeqha kughulhovetsu nani. Timi ngo lhoxu kumtsu pove nani eno milakhimu tilehi kughuna move nani.”

JEREMIYA 51:36

Ikehu AMPEU no Jerusalem lo akemi vilo pike, “Ino nongu ghenguno kughakepu peluvetsuni eno noghumino nongu shou kiu shikeno tipau ghenguno lochilepe nani. Ino Babilon no azu luchekeu qhaivepe eno tipau ghokiqo qhaivepe nani.

DANIEL 5:30

Tipaji no Babilon lo akukau Belshazar heqhive.

JOYIL 3:9

“Ashiayeh kutamiqo gholo hipau asheshulo: ‘Aghushinike kutolo; no-ghutomiqo ku-kumqolo; no-ghushimiqo kumtsu hekutsuno chelo!

JOYIL 3:10

Nowu hokile kuphu hepha pesu azutakihi mlalo, eno no zutachi pesu angu mlalo. Miqemilei keu ghi aghu shimasake.