JEREMIYA 5:24 - BAIBEL (BSI)

²⁴ Ino mutsu tsughu ngo ghixu tsutsughu nongu lau puwu keghi eno ampe atsu-tsu nongu pelo ghile hulupe kepu shikeghi nonguye igihu nikeu kumsumoke.

Sumi Naga CL (Re-edited) Bible (BSI)

²⁴ Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’

JEREMIYA 5:24 Referans Kwoze

LESHELE 147:8

Pano atsutsulo khungkusu qhawo cheni; ayeghi ghenguno tsutsughu piqi eno atoghilo asutsuni thwulupe cheni.

JOYIL 2:23

“O Zion lo akemiqo, amlo kiqishilo, AMPEU nongu Lhou no nongu ghenguno kiu shivetsu akeno tipaulo alovilo. Pano ghile tsala tsutsughu achipiu pe nongu tsuke; Pano nongu lau susu tsutsughu ghuqhi tsuke eno puzuu toi ghixu tsutsughu tsuke.

BOTHUBO 8:22

Ayeghi ake kutolo, ghixu tsala ngo ghile tsala eno akumko ngo akushu, mutsutsala ngo susutsala eno tsukuzu tsukuvu tsala ashekha shivemo nani.”

Apostolmi 14:17

tishimu paye aniepikeu shepe timiqo lau qhitsumoke kumoe. Pano kimiyekeu hitoi shi pephepiye: atsutsu lono tsutsughu piqi tsu eno atusho kiqi lono axa jeli nongu tsu; pano achuqupu nongu tsuke eno pano alokivi pesu nongu mlo piqi tsue.”

MATTHEW 5:45

tishianguno nonguye nongu paPuh kungughalo akeu nuliqo shilu nani. Kughengu pano pawu tsukinhe pelo alhoksami ngo akivimi shou aphiphi shi tsunipe cheni.

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

Piyeküsü 11:6

Pamaye atsutsu khave kepu kuka ani, tighianguno pamano Alhou tsa pesu asheshu ake tsala thaqhulo tsutsughu kitilamu ghuqhi pemo niyeke; eno pamaye azu pesu ahji kughulhove kulupu kuka ghi ani eno pamano shinishike thaqhu ayeghi shou pusa jeli vepuku kulupu kuka ghi ani.

James 5:7

Athikuzumiqo, tishiaye Ampeu ighinike kutolo kheakulu shilo. Julo,alukichimi lakhiye pa lulo akughupushi axa ipeghi nikeu khe acheni, paye tsutsughu atughiu ngo ashekhau tsutsughu ithumlake kutolo kheakulushi khe acheni.

ZEKHARIA 10:1

Ghixu tusho lono AMPEU vilo tsutsughu khulo. AMPEU no tsutsughu eno khungkusu puwutsu cheni eno kumtsu ghenguno aghasalo atsuni mini ipeghipe cheni.

AMUS 4:7

Nongu xaboqono tsutsughu avehupu shikutu akelo ino tsutsughu suchileluveke. Ino aphughi lakhilo tsughutsu ikemu lakhiu loye lakhaveke. Alu lakhiloye tsughusupe ikemu alu lakhiu loye qhai vepeke.

HOSIYA 6:1

Timiqono pi, “Ningu AMPEU lau xaidewoni nolo! Pano ningu ghuzake ikemu kuchouno pano ningu shipivi nani; pano nighuzake ikemu pano nighuzaku khavetsu nani; paye tishimo nani kesha?

JEREMIYA 50:5

Panonguno Zion kudau wukeu la iyighiju puzu tikudau wu nani. Panonguno isasu lhokta puloshoqhi shi nani eno khilemu tipau kubovemo nani.”

JEREMIYA 5:22

Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

ISAIAH 64:7

Milakhimu akighini lono olau ideghimoe, milakhimu opelo kuphu penike wumoke. Noye nilauno itshuluve eno nixine ghenguno niqhiveke.

JOB 38:37

Chepo yeghino tsatsaive eno ayeghi muqono mutotoive kelo, khuno alokutsu lono khungkusu hakutsu saghilu nani kya?

KUKAMI ATUGHIU 17:1

Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

ZAKINIU 28:12

Pano pawu kinikulushi kike puakeuki atsutsu lono atusho achipi lono tsutsughu piqitsu nani eno nongu kumla kumtsu kumghatsu nani, tishikeu lono nonguye ashiayeh kutomo punalu nani ikemu nonguye khuno launomu nalu kepu shimo nani.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

JOB 5:10

Pano ayeghi shou tsutsughu ghuqhitsu eno aluzalo azu puwutsu cheni.

LESHELE 65:9

Nono ayeghi ima keu lono azu piqitsu; Nono ayeghi pelo kinikulu shi aghuma shilupe. Oghokiqoye azuno chhitoi ani, nono timiqo lau athi jeli kutotsuke. Nono hikithipushi shipuani:

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 3:3

Tighenguno tsutsughu suchileluvae eno ghixu tsutsughu ighimovae. Ikeghi nonguye kusalhami lakhi ju kimihike; nonguye akukujo kuhamitheke.”

JOB 29:23

Tsutsughu kheakeshi panonguno ikhekulho shie, eno ghixu tsutsughu kheakeshi panonguno itsa muno qhiluve cheke.

JEREMIYA 10:13

Pano ahza tsukeulo atsutsu kunguu azu akeuno igha; pano ayeghi shekha lono khungkusu saghi. Tsughu akelo pano tsutsupha kulo cheni eno pano pekutsupua kebo lono amlhu puwu.