JEREMIYA 5:21 - BAIBEL (BSI)

²¹ Tsaqui inijulo, nongu anikhamiqo nongu anhethi puapulaghi ithumlakeqo, akini puapulaghi chimlakeqo.

Sumi Naga CL (Re-edited) Bible (BSI)

²¹ “Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

JEREMIYA 5:21 Referans Kwoze

EZEKEL 12:2

“Thinikuau timio, noye hekibidemi gholo xuache nike. Panonguye anhethi puani ikemu kiumu ithulu chemoe; panonguye akini puani ikemu kiumu chilu chemoe, kughengu panonguye hebideche kemiqoke.

Apostolmi 28:26

Hitoi pike: ‘Wuno timi hipaqo vilo pilo: Nonguno tsaqui ini nani ikemu khilemu ithikuthu moe; Nonguno tsaqui junani, ikemu khilemu ithumlae.

Rommi 11:8

Kuchoyesulo yepuake toi, “Alhou no panoqo mlo eno akukumsu izuvulayivepe, eno ishi kutolo panongu pelo ithumlavepe eno panongu pelo chimlave peke.”

John 12:40

“Alhou no panoqo nhethi kighichevetsu eno panoqo mlo shikughupo vetsu, Ikehu panongu nhethino ithumla, eno panongu kukumsulo vethamla, eno panoqo shipivitsu penike ilau panonguno ideghimoe.” ipi Alhou no pi.

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

Mark 8:18

Nonguye anhethi puani puzu ithumla kesha? eno akini puani puzu chimla kesha? Nonguye kumsumla kesha?

JEREMIYA 8:7

Azughau thotsu kughono ideighi kepu do ghuloki keno ithi cheni; miqhedu, akhalu eno azuhas qoghi kughono puthewo kepu do ghuloki keno ithi cheni. Ikemu iwu timiqo, nonguye ino kiu yeh lono nongu shou ayehpe cheni keno mthake.

JEREMIYA 5:4

Tithiuye ino ishi kumsu, “Timi hipaqoye kumlhomi eno ayekumtha-mike. Panonguye anikha shi xuacheni panonguye Alhou no kiu khuani keno mthake, AMPEU no panoqo pelo shipeni shikeu mthake.

ISAIAH 44:18

Timi tipaqoye panono kiu shiani keno mthae eno vethalu chemoe; kughengu panongu nhethi nhavetsu kehu ithumla eno panongu kukumsu nhavetsu kehu kuchou mthake.

LESHELE 94:8

Iwu timiqo nonguye kishi puzu hikithipushi aghuzu anikha shini kya? Nonguye kughono shikalu nani kya?

ISAIAH 27:11

Asubo lokaqoye thizumuivae eno icheuvae eno totimino sukughupusu shiniye tipaqo ghelu anike. Timiqono kiumu vethamlake ghenguno Alhou panoqo lhoqhikeuye panoqo jupe amlosani chemo momu amlo ighiqhiyini chemoe.

AHOLE 17:16

Kughuzumi ghenguno akighithi ithiniye pisa puwove akeu kiumu akivipu shini chemoe kughengu paye tile amlo tsu chemoke.

ZAKINIU 32:6

Hikithipushi nonguye AMPEU peitha kepu kesha? Nongu aghuzunikha eno putokeu kuhakeqo. Paye nongu papu, nongu Pulhokusuu, pano nongu pesu ashiayeh lakhi shitsue.

ZAKINIU 29:4

Ikemu ishi tsala kutolo AMPEU no nongu pelo kiu puju-shijuve akeno tipau vethamlano aphi peke.

HOSIYA 7:11

Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

Mark 4:12

tishianguno, ‘Panonguno jukeye juanamu kiumu ithumla Panonguno inikeye inianamu kiumu chimla. Tishimoke aye, panonguno Alhou lau xaideghiluni cheke, Alhou no panongu xine pevetsuni cheke.’ ”

Rommi 1:20

Alhou no ayeghiqha lhoke lono itehi kutolo pa alhoayeh ithumlano akeu, lhokta kuka eno pa alhoayeh kinikujo mutsumishei ithulu acheni. Alhou no mlape puakeu thime lono timino tipaqo juchholu acheni. Ike panonguye kiu jeku kivimu kuhavae.

ISAIAH 43:8

Alhou no pike, ‘Iwu timiqo kughakutha-alo kusaghilo, Panonguye anhethi puani ikemu anhechemike; Panonguye akini puani kemu akini kughupomi ke!

JEREMIYA 5:20

AMPEU no pi, “Jakob laghami vilo pilo, Judalo akemiqo vilo pilo!

JEREMIYA 6:10

Ino khochile, “Ino panoqo vilo pinikelo eno panoqo kutughuni kelo khuno itsa initsuni kya? Panonguye kuthoviloke eno atsape initsumo kepike; nono ivilo pilo pikeulo panonguno junuke.

ZEKHARIA 7:11

“Ikemu iwu timiqono initsumoniye tsatsayi auve. Panongu kukumsu xukhomove eno inimoniaye panongu kini kiyikhaluve.

ZAKINIU 29:3

AMPEU no akumzapu kije, akichiqhi kepu kumla eno akumsapu pusa shikeu nonguno ithuluvae.

JEREMIYA 7:13

Nonguno axine hipaqo kumtsu shi acheni eno anguno anguno ino nongu vilo pi anamu nonguye initsumono miliveke. Ino nongu kukelo nonguye khochilemoke.