JEREMIYA 49:3 - BAIBEL (BSI)

³ Heshbon lo akemiqo, ighamukulo! Ai phughiye kutsalevae! Raba lo totimiqo, qanimulo wulo! Yeqhiye phi pepuno mloqalo. Avekughuzu shi poiqho iqilo. Nongu lhou Milkom ye pa chineki ngo pawu sakiphemi gholono hakughutsu sasu wuve nanike.

Sumi Naga CL (Re-edited) Bible (BSI)

³ “O Heshbon, mloqa lo, kughengu Ai ye pighivae! O Rabbah limiqo, ighamkulo! Yeqhiyephi pepuno aveghüzü shi poiqho poiqi mloqa lo! Kughengu Milcom ye pa chinemi ngo hiyampemi gholono haphe sawuve nani.

JEREMIYA 49:3 Referans Kwoze

JEREMIYA 48:7

“Muab noye okuka kumto ngo okinikulu shou pukhupe acheni; Ikemu itehiye noghi leluvepe nani; Nongu lhou Khemosh ye hapupovekeu shiuveni cheni, pa gholo sakiphemi ngo achinemiqo wuve nani.

JEREMIYA 48:37

Panoqo kumtsu panoqo kutsusa miyevae eno panoqo kichimhi tsalevae. Panongu kumtsu panoqo ulo kihethale pesu ani eno kumtsu ghano yeqhiye phi uani.

ISAIAH 15:2

Dibon lo kuamino chiniche keu alo qa-mloni aye naghutolo iqhoke. Muabmino Nebo ngo Medeba phughi shou amlo kusashi qahke; panonguno amlokusa launo akutsusa ngo akichimhi miyeveke.

JEREMIYA 46:25

Aqokitikhi MPEU, Israil Lhou no pianike, “Ino Thebemi lhou Amun ghimeqhini cheni eno tipa gholo Ijipmi kukami ngo tipau lhouqo ghi. Ijip lo akukau ngo pa pukhuchekemi kumtsu ino sawo

JEREMIYA 4:8

Tighenguno yeqhiye phi pepulo; eno amlo ghimeshi qanimlolo kughengu AMPEU loghu kushuye Juda kudauno hachileve mphike.

KUKAMI AKINIU 23:13

Josia no akukau Solomon no Jerusalem kipela kudau Oliv to chhiliu akumlla-a shikeu khipa-a lono aghuthikusu lhou Astarte, Sidonmi lhouliu, Khemos Muabmino mllachekeu lhou eno Amunmi lhou kumlla-a hipaqo kumtsu kughukughalei qhivetsu.

KUKAMI ATUGHIU 11:33

Ino hishi akeuye Solomon no imiliveno inami lhou hipaqo mllaveke ghenguno: Sidonmi lhouliu Astarti, Muab lhou Khemos, Ammunmi lhou Milkom. Solomon ye igholumovae; pano mla pimi auve, papu David toi mono paye iyezahqo eno ahza kutsu pemovea.

KUKAMI ATUGHIU 11:5

Paye Sidonmi lhou liu Astarti eno aphi kumqhupu Ammunmi lhou Milkom ishi mllauve.

James 5:1

Itehiye nongu kinimiqono inilo! Nongu shou amlo kighishipu wochekeu ghenguno nonguye igha-muku qalo!

ZEFANIA 1:5

Khuno aki kutsuqalo ikupuzu aqhi, tsukinhe eno ayepu mlla nikeno ino kutsaleve nani. Khunoqono imlla cheni eno igholu akeu shoqhi shicheni ikemu tishi puzu Milkom lhou jelono ashoqhi shicheni keno ino tipaqo kutsaleve nani.

AMUS 1:15

Panoqo kukau ngo kijemiqoye piyighive nani.”

JEREMIYA 51:8

Babilon ye zuleno iluqivae eno kutsalevae! Tipau shou mlo qalo! Tipau ghuzakuqo ghenguno kusughu luwulo ishiake tiye viveluvi ke.

JEREMIYA 49:1

Amunmi ghenguno AMPEU no pikeu tsa hike: “Israil lo kiptimiqo khile ani kya? Pano yeghi sushoni kemi lakhimu kuha kesha? Kishi kelauno khunoqono Milkom mllachekemi keno timi tipaqo pelo Gad shiayeh yeghi bocho luvepe puzu tilehi kughuna anipe kya?

JEREMIYA 48:20

Panonguno khochile nanike, ‘Muab ye ikiqivae,’ ‘tipau ghenguno qalo; tipau shikukujovae. Arnon ghoki qhalo Muab kutsale vekeu pesu asheshulo!’

JEREMIYA 48:2

Muab jekipiye kuhave. Aghumino Heshbon khasuluvae eno Muab shiayeh kutsalenike kuchughu ani. Madmen taunye inaqhoivepe nani; aghushimino tipau shou leighi nani.

JEREMIYA 6:26

AMPEU no pawu timi vilo pi, “Yeqhiye phi ulo eno ayevulo ihilo. Nonguno anu lakhi likhi akeu shou qa keshi anhezu piji qalo, kughengu nongu kutsaniye che keuye zuleno nongu leighi nani.

ISAIAH 23:6

Amlo kughujushi ighamukulo, nongu Fonikamiqo! Spein lo poniaye pukaputsa julo!

ISAIAH 23:1

Hiye Tur ghenguno atsape lakhike. Amlo kughujushi ighamukulo, nongu azughilo zukilu kusamiqo! Nonguno ngochekeu Tur kutsalevae; tipaulo akiqo ngo zukilu kungoa kumtsu ixapinyi ani! Nonguno Cypras yeghilo akelono hipau sutsa nongu toke.

ISAIAH 16:7

Muab lo akemiqoye shilukusa shi imekeu ghenguno qamlo nani. Panonguno Kir Heres phughilo achuqupu akivi chuchekeu kughono kumsuluni keno panongu kumtsuno mlo qa nani. Panonguye amlo hauve nani.

ISAIAH 14:31

Ighamuku muloqalo, nongu Filistiyami phughiqo! Nongu kumtsu musa khokhoshivelo! Ahuu kudauno ayeghi mukhu phoboleyi ipeghi ani, tiye ghushimi muqoke eno tipanoqo gholo musa ichikemi lakhimu kuhae.

ISAIAH 13:6

Aghime launo ighalo! AMPEU tsalaye kupunupe ani, Akughushuuno kutsakungo keu sughikeu tsalanike.

JOSHUA 8:28

Joshua no Ai phughi pitivetsuno ayeghi kumsa shivetsu. Ishikutolo a-a titoi aphi.

JOSHUA 7:2

Joshua no Jerikho lono timi khami Bethaven kupunulo Bethel kipelau aphughi lakhi Ai phu pujuu penike puwu. Panonguno juveke thiu,

JOSHUA 8:1

AMPEU no Joshua vilo pi,” Ghushimi kumtsu ogholo sasu Ai kutolo wulo. Msakevilo momu amlo loti kevilo. Ino opelo Ai lo akukau shou tokulu shipeni, pawu timi, pa phughi eno pa yeghiye owu shive nani.

SAMUEL AKINIU 11:1

Tipau mpe ghixu ghulokilo, kukami kumtsu aghu lauvekelo David no Joab ngo pa qholo kijemi eno Israilmi ishi ashou ipepe; panonguno Amunmi theqhiluveno Rabba phughi leae. Ikemu David ye khilaumu wumono Jerusalem lo ngoae.