JEREMIYA 49:13 - BAIBEL (BSI)

¹³ Ni ampino tushoqhive anike; timino tipau shou junuqhi nani eno musuinikelo tipau je peitha nani. Tipau sukumxalo aphu akeqo kumtsu alhokupujulo ixapinyive nani. Ni, AMPEU no piqhiveake.”

Sumi Naga CL (Re-edited) Bible (BSI)

¹³ Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

JEREMIYA 49:13 Referans Kwoze

ISAIAH 34:6

Pa zuta kihiye aji ngo athano kuzuluve nani, tiye aghashi keulo bheriti ngo ane ji eno atha akeu toike. AMPEU no aghashi keu hipauye Bozra phughi lono shi nani. Pano Edom yeghilo ghikiqhi kije lakhi shi nani.

BOTHUBO 36:33

Bela thive kethiu Botzra no ghami Zerax nu Jobab no pa thelilo ayehpe.

BOTHUBO 22:16

AMPEU no pikeu no, “Ino ilikhi ije lono tushoqhi anie, onu lakhi likhi akeu ghi suchilemo puzu no hitoi shikeu ghenguno

AMUS 6:8

Alhou, Aqokitikhi AMPEU no tsaqui piputo akeu lakhi tsuani: “Niye Israil lo akemiqo qhekuza jumithike; niye panoqono amekusho shi aki kuloghi shipuakeu junishimoe. Panoqo phughi atou eno tilehi aghikeu kumtsu pesu ino aghumi tsuve nani.”

AMUS 1:12

Tighenguno Teman phughi shou ino ami suvetsu nani eno Bozra liwo qogheqo pitilevetsu nani.”

JEREMIYA 49:22

Aghumino aluquno achishibo sukhopesu ihi iqighi keshi Bozra leighi nani. Tipa tsalalo Edom wu ghushimiqoye totimi no punu akeshi kichiqhipe ngove nani.”

JEREMIYA 44:26

Ikemu itehiye ni AMPEU no ije kughushu lono Ijip lo Israilmi nongu akeqo kumtsu lau achinepu shoqhi lakhi ino shiakeu inilo! Hinguno hithiuye niye nongu milakhi pelomu achine shoqhi shikeulo, ‘Xuakeu Lhou pesu ino ashoqhi shiani!’ ipi ije pesu peithapemo nanike.

ISAIAH 63:1

“Edom qhalo Bozra phughi lono chekeu hiye khuu kya? Huchuyilesu qhivutsuni ananu pepu eno akuka kumto lono ithachekeu huye khuu kya?” “Hiye AMPEU ke, akuka lono xalunike, eno pawu tokulu asheshu nike cheni.”

ISAIAH 45:23

Ino tushoqhive keuye kuchouke, ikichi lono piqhivekeu tsake eno tiye kilivemo nanike. Ino niye kiukeno ti kumtsu pesu tsaquino piqhi ani: Timi kumtsu izulo ighino qhoqhunhe nani eno iqhoqhukeu shoqhi shi nani.”

Obadiah 1:18

Jakob ngo Josef wu timiqoye ami toive nani; Amino ateni pitive keshi panonguno Isao wu timiqo kutsaleve nani. Esao polo kughukomi lakhimu puxumo nani. Ni, AMPEU no piqhiveake.”

JOYIL 3:19

“Ijip ye asayeqha shiwuve nani, Edom yeghiye shipusape adou shive nani, kughengu panonguno Juda yeghi leighike eno tipaulo kiu lhoksa mu shimokemi ghiqhike

JEREMIYA 18:16

Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

JEREMIYA 19:8

Ino aphughi hipau shou kutsapiniyi keu akuighupushi sughi nani kehu tipau vechewu chekemi kumtsuno juighu kelauno kutuxoxo akichiqhive nani.

JEREMIYA 51:14

Aqokitikhi MPEU no pa likhi pa kuxu jeku ashoqhi shiveake pano timi kutomo tulhaqu tawucheke toikeu Babilon le nike saighi nani eno tipaqono toluvekeu shi asheshu nani.

JEREMIYA 48:24

Kerioth eno Bozra. Muab lo aphughiqo putou ngo akupunulo akeqo kumtsu shou kughathabe keu ighivae.