JEREMIYA 48:40 - BAIBEL (BSI)

⁴⁰ AMPEU no tushoqhive ake aluqu lakhino pa chishibo sukhopesu tsu-iqi keshi ashiayeh lakhino Muab shou iqighi nani

Sumi Naga CL (Re-edited) Bible (BSI)

⁴⁰ Kughengu Ampeu no ishi piani: “Julo, alhuqu no pa chishibo sükhope yeiqiche keshi, shiye lakhi no Moab küzüluve niye ani;

JEREMIYA 48:40 Referans Kwoze

ISAIAH 8:8

Panonguno Juda yimu ighi nani, panonguno atshunazu toi yeliqole, aku-o kutolo yimve nani, eno pachishibo sukhopesu noyeghi khipahi keno kumtsu nhakhaluve nani.” O Alhou ye nigholo ani!

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.

JEREMIYA 49:22

Aghumino aluquno achishibo sukhopesu ihi iqighi keshi Bozra leighi nani. Tipa tsalalo Edom wu ghushimiqoye totimi no punu akeshi kichiqhipe ngove nani.”

HOSIYA 8:1

AMPEU no pi, “Kutughukeu sutsa shilo! Aghumino aluqu toi iyeghilo tsuiqighi ani! Iwu timiqoye ino panoqo sasu puloshoqhi shikeu kuboleve eno ino kutsupiye keu shou kumjo anie.

EZEKEL 17:3

Aluqu akuloghi kije lakhi acheke, amhiye jukighilepu eno achishiboye kije kushuwa sukhope ake. Pano Libanon Naghuto kudau yewu puzu Kedar subo lakhi aketsugho suchhevetsu,

HABAKUK 1:8

“Pano wu khurshiqoye angushu nguno akumthuu, muzuthi akeu tine nguno ayikusauke. Pano wu khurshi shou ikuno ala kushuwa lono ighi ani; pano khurshiqono ayeghi pighe. Aluquno achuyi yiluni kelo toi panonguno fufushi iqighi cheni.”

DANIEL 7:4

Atughiuye abongushu toi ithulu, ikemu aluqu chishibo pu. Ino tipau jupulano, achishibo ita ikiqive. Tughashi khape puthu puzu timi toi puthughovepe. Timi kukumsu pa lolo suvetsu.

AKUMLO 4:19

Aluquno kunguuno kutsukhoi ihi qighikeu nguno akumthuushi panonguno ningu hakuqoqhi. Panonguno naghutolo nipapesu ighive, asayeqhalo paikhavino panonguno nihaluve.

JEREMIYA 4:13

Julo, aghumino khungkusu toi cheni. Pawu aghushi khurkulu ye miyitsu lakhi toike, eno pawu khurshiqoye aluqu nguno akumthuuke. Nighenguno ahakusapuke, ninguye thini putsake!

AHOLE 30:19

atsutsulo aluquno yechekeu, atuqu shou apighino itichekeu, azughi shou zukiluno ala phupe wukeu eno kiptimi ngo totimi lakhi pama kimiye kile akeu.

ISAIAH 11:14

Kuma kumqoluve puzu kulolau Filistiyami lewu nani eno kipelau akemiqo tuleqhi leluve nani. Kumano Edommi ngo Muabmi shou aghutoluve nani eno Amunmino panoqo ghokulu shi nani.