JEREMIYA 4:5 - BAIBEL (BSI)

⁵ Aghakhuqhalo afuko kuighalo! mutsumishei shi vekipighi asheshulo! Juda ngo Jerusalem lo akemi vilo aliwo kuptu phughilo polupenike pilo.

Sumi Naga CL (Re-edited) Bible (BSI)

⁵ Judah lo asheshu lo, eno Jerusalem lo pikülha lo, “Ayeghi kümtsü lo afuko ighalo, ighamku pilo, ‘Kumqolo, ningu aliwo kumto mishighüna lo iloni!’

JEREMIYA 4:5 Referans Kwoze

JEREMIYA 8:14

Alhou wu timiqono ishi iniju, “Ninguye kushiye inaqhoi iqa ani kya? ighilo, ningu aliwo putupuakeu phughiqolo posu wuni eno tilano thinike. AMPEU niLhou no thipe nikeu shi nishou kughathavae; ninguno pa shou axine shike ghenguno pano nipelo yepenike tughuzu tsuke.

JEREMIYA 6:1

Benjamin lo akemiqo, xulukepu shi polulo! Jerusalem launo polulo! Tekoa lo afuko kuyighalo eno Bet Hakherem lo amichipushi ami shilo. Kutsakungokeu eno hepho pinyikeuye ahuuno ighiniye kuto ani.

JOSHUA 10:20

Joshua ngo Israilmino panongu ghiqhive, ikemu khamiye aphughi liwo alou ilove no xuluve.

HOSIYA 8:1

AMPEU no pi, “Kutughukeu sutsa shilo! Aghumino aluqu toi iyeghilo tsuiqighi ani! Iwu timiqoye ino panoqo sasu puloshoqhi shikeu kuboleve eno ino kutsupiye keu shou kumjo anie.

AMUS 3:8

Kughou abongushuno ighani keno khuno musamove kulupu kya? Kughou AMPEU Alhou no pikeno khuno pa tsape asheshumove kulupu kya?

AMUS 3:6

Aphughi lakhilo afuko kuyighakeulo timiqoye musa ichimoveni kesha? AMPEU no puwumo keloye aphughilo shikupsa ighini kesha?

JEREMIYA 35:11

Ikemu kughou Akukau Nebukadnezar no aghakhuqha haleghi keno ninguye Babilon ghushimi ngo Siriya ghushimi launo wuveniaye Jerusalem lo ighinikeu shi kuptsaveke. Highenguno ninguye Jerusalem lo achenike.”

JEREMIYA 11:2

“Puloshoqhi akeu tsa inijulo eno Juda ngo Jerusalem lo akemi qo vilo pilo.

JEREMIYA 9:12

Ino iniju, “O AMPEU, kushiye aghakhuye kutsapinyive eno asayeqha toi qhiveno timi khunomu tipau kathasu izuwumovea kya? Khuno hipau vethakulupu shi alokutsu lukumkha ani kya? Noye khuvilo hipau chixechilei pivea puzu pano kutami vilo pilukepu ani kya?”

JEREMIYA 5:20

AMPEU no pi, “Jakob laghami vilo pilo, Judalo akemiqo vilo pilo!

AKIKIHI 10:3

Kughono afuko kuma pesu kuigha chho ghi ighani keno aqoaho kuchopuno ino ngoche keu Phikilo ilocheke lalo homxa pesu ngopelo.

EZEKEL 7:14

Afuko kuighake eno thwokha kumtsu kutokupui luve; ikemu khunomu aghukishilo wumoe kughengu Alhou loghuno kumtsu shou aphiphi shi ikughive nanike.

JOYIL 2:1

Alhou kimthe toghi Zion lo afuko kuyighalo, kutughukeu sutsa shilo. Juda lo akemiqo, msa khokhoshilo! AMPEU tsalaye itheno chenike.

AKIKIHI 10:2

“Timiqono aghazu xakiqesu wuve nikelo kukumqo kepushi tsandiyi no iqikeu fuko kini mlalo.

ISAIAH 28:19

Tipauno anguno anguno, ina-atsutsu nongu ghaqhi nani eno nonguye putho pucho tipau puqhe amasa nani. Alhou launo asutsa kithe ighikeulo akuighupu akithe sughi nani!