JEREMIYA 4:24 - BAIBEL (BSI)

²⁴ Ino naghutoqo jukelo tipaqono ithauve eno naghutoqo kumtsu no azuu athiu itha ake.

Sumi Naga CL (Re-edited) Bible (BSI)

²⁴ I no naghutoqo jukelo tipaqo ye itha ae, eno atoghiqo no sükujokiji ae.

JEREMIYA 4:24 Referans Kwoze

EZEKEL 38:20

Ayeghilo ashi, aghau, akha jeli kije na kitila namu eno timi lhoxu kumtsu imusa kelauno khokhoshive nani. Naghutoqono ikiqive nani, atuxuqono ipopinyive nani eno putukeu tupikiye kumtsu ilaiqive nani.

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

ISAIAH 5:25

AMPEU ye pawu timiqo lau aloghu ide ani eno panoqo ghime qhinike pau chhope ani. Naghutoqo sukinileqhi nani eno thivenikemi kumoqoye alaghilalo alusama toi qhive nani. Ike tishive kethiu ghi AMPEU loghu kighide kishekhavemo nani, ikemu ghimeqhi nike pau chhope auve nani.

MICAH 1:4

Tileno amilo aghugha akeu toi naghutoqoye mulave nani; naghuto lono azu leqhi akeshi naghutoqoye abokhulo qoiqighive nani.

LESHELE 97:4

Pawu tsutsu kukulono ayeghiqha yepuvu; ayeghino ti ithulu kelo khokhoshive.

LESHELE 18:7

Tile ayeghino khokhoshi ithae; Naghuto boqha ghi sukughutha eno ilue, kughengu Alhou no axu-ideveke.

KUKAMI ATUGHIU 19:11

AMPEU no pa vilo pi, “Ipe puzuno naghuto tsuqolono izulo puthugholo,” ipi. Tishino AMPEU no vechewuno ighono kumsa kimshipu mulhu pesu atoghi tipau fuphovetsu eno atuquqo ghi kughutha kubo piniyive, ikemu AMPEU ye amlhu lomu kuhae. Amlhuno mulhu tave, tipashelo ayeghi itha ighi ikemu AMPEU ye ayeghi kughutha lomu kuhae.

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

HABAKUK 3:6

Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

LESHELE 77:18

Owu tsutsukusu vepho iqighikeu hu kulusawuve, eno tsutsupha kukulono ayeghiqha yepuvuke; ayeghino khokhoshi ithake.

Piyeküsü 6:14

eno likuzu kaku kuzuluve keshi atsutsuye hauve; naghuto lakhikhi eno zudoyeghi lakhikhino pututa-a lono iqeuve.

IPEKULU 19:18

Sinai Toghi kuchopu amichhino kuzu pholuve kughengu AMPEU no ami lono tipa shou ighike. Amichhiye amiphoki kuloghi lono amichhi ipeghi ke toi kunguu iku ae eno naghuto kuchopu shishe ithake.

JEREMIYA 9:10

Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

ISAIAH 13:13

Ni AMPEU Akughushuno iloghu piyenike tsalanilo ino kungugha sukughutha nani eno ayeghiye pa-a lono sukini kiqeve nani.”

ISAIAH 24:20

Ayeghi ampino shokumzumi lakhi toi kulokuloyi nani eno pasapagha ighikelo apusho lakhi hutoi nanayi nani. Ayeghiqhaye tipau xine qono tshu nanaiveke; tiye ilaiqive nani eno khilemu ideithughimo nani.