JEREMIYA 4:22 - BAIBEL (BSI)

²² AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

Sumi Naga CL (Re-edited) Bible (BSI)

²² “Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

JEREMIYA 4:22 Referans Kwoze

1 Kor. 14:20

Athikuzumiqo, nongu kukumsulo itimi toi shikevilo. Alhoksa shinikeu loye itimi toive masa ikemu akukumsu loye tekhoyi vemasae.

Rommi 16:19

Nonguno atsa kiviu gholukeu kumtsuno ithi ani, tishikehu nongu shou ilovi ani. Niye nongu pelo kiuno tiche-tighe kuhakeu akivi keno tipaulo alotsu penishi, ikemu kiuno alhoksa keno tipau kumomthakeu shipenishi.

JEREMIYA 5:21

Tsaqui inijulo, nongu anikhamiqo nongu anhethi puapulaghi ithumlakeqo, akini puapulaghi chimlakeqo.

Rommi 3:11

Milakhimu ithikeu kuhae, milakhimu Alhou phukemi kuhae.

HOSIYA 4:6

Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

Rommi 1:22

Panonguye alokutsumi kepi pukha pulaghi mbomzumi shive cheni.

HOSIYA 5:4

Timiqono alhoksa shivekeuno panoqo Lhou lau ideighi nikeu lakha auve cheni. Ajulho shikeu mllakeuno akumto shi panoqo tsuqupe auve cheni eno panonguye AMPEU ikhilumove cheni.

John 16:3

Panonguno Apu mu ni mu mtha ke ghenguno panonguye nongu shou hipaqo shi nani.

MICAH 2:1

Khunoqono ihozuno tsukhutsuvai puzu alhoksa kughu cheni keno tipaqo ghenguno ahakusapuke! Inaqhe shivekelo ado ithulu kemtsa panonguno alhoksa kughupuakeu shi cheni.

ZAKINIU 32:28

‘Israil ye akuputokeu shiayeh lakhi kumoe; panonguye alokutsu kiumu kuhae.

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

JEREMIYA 13:23

Ethiopiamiye pa yiko tsubuikeu kililuve nani kesha, momu angushuno pa yikolo aye yetamghuyi keu shipuhalu nani kesha? Tishilu kepushiaye, nongu alhoksa likhi shichekemi ghi achipiu kiu keno shinikeu shikalu nanike.

ISAIAH 27:11

Asubo lokaqoye thizumuivae eno icheuvae eno totimino sukughupusu shiniye tipaqo ghelu anike. Timiqono kiumu vethamlake ghenguno Alhou panoqo lhoqhikeuye panoqo jupe amlosani chemo momu amlo ighiqhiyini chemoe.

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

ISAIAH 1:3

Pichepighi ghi pano pighiu ithi ani eno gadaha ghi panoqo mpeuno khilehino panoqo achuqupu tsu cheni keno ithi ani, ikemu Israilmi iwu timiye ni ithi chemoe.”

JEREMIYA 5:4

Tithiuye ino ishi kumsu, “Timi hipaqoye kumlhomi eno ayekumtha-mike. Panonguye anikha shi xuacheni panonguye Alhou no kiu khuani keno mthake, AMPEU no panoqo pelo shipeni shikeu mthake.

Luke 16:8

Amikucho kumou peithakutsuu hipauno amqukini hitoi shikeu ghenguno pa mpiuno pa sheqheke sha? Kughengu ayeghilo kuxu likhi phukichemiye pano kumlapu saje peithani keulo akuvulo auvekemiqo nguno alau amuqukiniue.”

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

ZAKINIU 32:6

Hikithipushi nonguye AMPEU peitha kepu kesha? Nongu aghuzunikha eno putokeu kuhakeqo. Paye nongu papu, nongu Pulhokusuu, pano nongu pesu ashiayeh lakhi shitsue.

SAMUEL AKINIU 13:3

Ikemu Amnon ye pa shou lakhi ache paje Jonadab, paye ighono aghili lhoksa kughami lakhike.

LESHELE 36:3

Pa kichi lono ipeghikeu tsaye kusa kugha eno pishikiqhike; Paye kiu alokutsu eno akivi keno tipau shichemovae.

LESHELE 53:4

Alhou no pi, “Panonguye mtha kesha? Alhoksa kumlami hipaqoye vethakulu kuha kesha? Panonguno asho chukeshi iwu timiqo tsakhave eno panonguye khilemu ivilo inikhu moke.”

LESHELE 82:5

“Nonguye kiutoi anikha kela! kiutoi mbomzumi kela! nonguye kumtsulo shikupsa likhike, eno achipiu-xakuthaye ayeghiqha lono hauveake.

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

JEREMIYA 4:21

Khitotohi aghushi kulu akeu ivilo julo pi eno afuko ghugha inilo pikya?

JEREMIYA 9:3

Panonguye pulhapuju mikinike panoqo mili asuzu toi kutope acheni; Amikuchokumono kuchou zuqhu shi aghakhulo akumtoshi thuwu ani. AMPEU no pi, “Iwu timiqono alhoksa lakhi lono alhoksa lakhi papewu acheni, eno niye panoqo Lhou kepi ni ikhilu chemoe.”

EZEKEL 16:30

Hiye Akughushu MPEU no pianike: “Noye kusalhami akukujo kuhakeu toi hipaqo kumtsu shianike.

AMUS 3:10

AMPEU no pi, “Timi hipaqoye heqhi buqhikeu eno suxaluvetsu keu nhemgha pesu panoqo ki kuloghi chhitoi ani. Panonguye amikucho shinikeu ghi mthake.

BOTHUBO 39:16

Pa mipeuno akilo ighimoke kuto lino Josef ku-uphi li phivilo kutsupe puae.

LESHELE 36:4

Pano azualo ihozu akelo alhoksa kukughu shi acheni; ala kivi kumolo pano pula cheni eno paye alhoksa kiumu pevekeu kuhae.

AHOLE 28:5

Alhoksamiye kuchou xakutha kiukela mthake, ikemu khunono AMPEU mlla cheni keno kuchou xakutha akivishi ithitoi ani.

JEREMIYA 9:2

Asayeqhalo ngokulupu-a ino aghi keaye, iwu timiqo launo poveno tilau wuveni cheke. Panongu kumtsu pichebekum-lamike, muquqhi chekemi muqoke.

JEREMIYA 9:5

Kumtsuno pa kusami pishiqhi cheni, eno khunomu kuchou tsa pichemoe. Panonguno mikinikeu pano mili shika acheni panonguno axine shi acheni eno xaideghiveni keulo akulhoshi acheni.

MICAH 7:3

Panongu kumtsu alhoksa shinikeulo shitsake. Kijemi ngo kughakuthamino kulugho khu cheni. Kijemiqono panoqo vilo pano mlolo shinishi akeu picheni ikehu panongu kumtsano akukughu shi cheni.