JEREMIYA 39:16 - BAIBEL (BSI)

¹⁶ Aqokitikhi MPEU, Israil Lhou no ishi piani pilo pike: “Ino puzuuno shiniepi piveke toi, niye aphughi hipau shou kutsakungokeu sughini kethono kinikulu sughini chemoe. Hipau shiakelo noye tipau pinike tilehi anani.

Sumi Naga CL (Re-edited) Bible (BSI)

¹⁶ “Ebed-Melekh Ethiopiami lau wuno pilo, ‘Israel Lhou, aqokitikhi MPEU no ishi piani: I no mishighüna hipau shou akivipu kumono aküsapu pipuku keu tsa shikupu nani, eno ti ye tipa tsala lo o zülono shikupu nani.

JEREMIYA 39:16 Referans Kwoze

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

MATTHEW 24:35

Atsutsu ngo ayeghiye hauve nani, ikemu itsaye khilemu hauvemo nani.

JEREMIYA 36:31

Nongu no axine kumtsu shivekeu ghenguno ino opolo kughukomi ngo ow kijemiqo ghimeqhi nani. Noghi eno Jerusalem ngo Juda lo akemiqo ghi ino kutughukeu tsalo amlo sumoke: ike ino kutsakungo keu pesu nongu shikichi akeu kumtsu nongu shou ino sughi nani.”

JEREMIYA 35:17

Ike, ni Aqokitikhi MPEU, Israil Lhou no itehiye nongu Juda ngo Jerusalem lo akemiqo shou kutsaleveni keu ino tushoqhi puakeu kumtsu sughini cheni. Ino hipau shinikeu shiani kughengu ino nongu putsa keulo nonguno itsa initsumoke, ino nongu kukelo nonguye ikhochilemoke.”

JEREMIYA 34:22

Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

JEREMIYA 26:20

(Itaghi kutami lakhi Kiriat-Jarim ghami Shemaiya nu Uriya no AMPEU jelono Jeremiya no pikeu toi hipau phughi eno hipa shiayeh shou pipukuke.

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

JEREMIYA 26:15

Ikemu hipau mutsuqhei shilulo: Nonguno iheqhi pithive aye, nongu ghi eno aphughi hipaulo timiqo ghi pimi puamokemi heqhi pithivekeu kuyiqu shive nani, kughengu hipatsa pesu nongu kutughu peniye ipuwukeu huye AMPEU noke.”

JEREMIYA 5:14

eno panonguye AMPEU launo atsape pechemoke. AMPEU Aqokitikhi Lhou no ivilo pike, “Jeremiya, timi hipaqono hikithipu pichenike ghenguno ino okichilo itsa pelo ami lakhi toi kughulho tsu nani. Timiqoye asu paphi shi nani eno amino panoqo piti puhave nani.”

LESHELE 92:11

Ighumi shou toluvekeu ino ithulu puani, eno kixikilamino ighakeu sutsa chilu puanike.

YEKIKITHI AKINIU 36:21

Tighenguno AMPEU no tungkupu Jeremiya vechewo kiu pipuakeno tipau ye shikupuve: “Ayeghi ye ampe lhotsuni kughukughaleive nani, tiye Sabat kulhokiqhi ikhilu mono achekeu shilu peniyeke.”

JEREMIYA 44:27

Julo, nongu pelo kinikulu shipemo nike ino jua nani eno kutsalevepe nani. Nongu kumtsu aghukishi momu kusukini lono thikhave nani tiye nongu kumtsu kuhave moke kutolo tishi nani.

AMUS 9:4

Pano ghumino panoqo sasu akughulo sawuve aye panoqo pithive penike ino ahza tsu nani. Niye panoqo kutsaleve nike kutovae eno panoqo kuphuni chemoe.”

JEREMIYA 40:3

eno itehiye pano shiniepi kiu pikeno tipau shivae. Hipaqo kumtsu shivekeuye kutau ghenguno kumono nowu timino AMPEU shou axine shive eno pa gholumoke.