JEREMIYA 38:7 - BAIBEL (BSI)

⁷ Tishiepimu, Sudanmi Ebedmelek, shoko shivetsu kemi akukau kilo mula achekeuno kijemiqono ikugha pesu aqohlo suvekeu chiluve. Tipa ghulokilo akukauye Benjamin khagholo atsakugha nike kuhoake.

Sumi Naga CL (Re-edited) Bible (BSI)

⁷ Kughou Ethiopiami shoko Ebed-melekh, akükau kilo achekeu no Jeremiah ye atughuko lo vesüvae pi chilu keno, akükau no Benjamin Khagho lo iqa ake lono

JEREMIYA 38:7 Referans Kwoze

JEREMIYA 37:13

Ikemu ino Banjamin khagho tokelo ghushimi tilehi aghukhe shi akemiqo shou akijeu no ilakhaluve, pa jeye Iriya ke, paye Selemiya nu eno pasuye Hananiya ke. Pano ivilo pi, “Noye hipa-a qhive puzu Babilonmi lau wuchenike!”

JEREMIYA 29:2

Ino tipau yekeuye Akukau Jehoiachin, paza, kukakilo kijemi, Juda ngo Jerusalem lo sakiphemi, atshamgha kishimi eno akumla shitsami akughushi sawuve kethiunoke.

AMUS 5:10

No-timiqono amikucho xakutha shimokeu eno kughakutha alo kuchou tsa pimoke ghenguno timi khuuno nongu sakiyini keno tipau jumithi cheni.

ZAKINIU 21:19

Tishiaye pa puazano taun khilehi pano xuacheni keno tipaulo sakiphemi gizulo sawu puzu pa shou xathakeu tsupelo.

MATTHEW 20:16

Jisu no ishi kishekha ghi pive, “Ikehu atikhamino atughu shive nani eno atughumino atikha shive nani.” Kughengu kutomo kulue ikemu aghuloshi kishelue.

JEREMIYA 34:19

Ikemu panonguno puloshoqhi kubove eno tipaulo shi nikeu shi akeu pemoveke. Tighenguno panonguno amshitsu pesu kishi shikeno ino timi hipaqo shou shi nani.

JEREMIYA 13:23

Ethiopiamiye pa yiko tsubuikeu kililuve nani kesha, momu angushuno pa yikolo aye yetamghuyi keu shipuhalu nani kesha? Tishilu kepushiaye, nongu alhoksa likhi shichekemi ghi achipiu kiu keno shinikeu shikalu nanike.

LESHELE 68:31

Ijip kudauno lashikami ighi nani; Sudanmino au peqhepesu Alhou vilo khuini nani.

KUKAMI AKINIU 24:15

Nebukadnezar no Jehoiachin akughumi kiqi lono sawuve eno pa gholo Jehoiachin paza, pa nipuqo, pa qholo kijemi eno Juda yeghilo sakiphetomi kumtsu kughasasu wuvetsu.

JOSHUA 20:4

Pano tipaqo phughi lakhilo powulu nani eno aphughi lo ikulo lalo atsakukugha-alo puthughono pa ghili pe tipa phughilo sakiphemi zulo kishekulu pilupe nani, pa pelo panongu gholo ilo ngoluve pe nani.

ISAIAH 56:3

Inaghami khuuno AMPEU timiqo gholo xukimeluveni keno paye ishi pikepu kumoe, “AMPEU no ipelo pawu timiqo gholo mllapemo nanike.” Pichih vekemi timi lakhiye atianuli shilumoake ghenguno Alhou timi gholo kihisulu moakepi khilemu kumsupu kepu kumoe.

JEREMIYA 20:2

pano iheqhipe nike eno Achinekilo Benjamin Khagho lashouto phivilo ayikichheno phepe qhipe nike pano ahza tsuke.

JEREMIYA 26:16

Tileno sakiphemi ngo timiqono achinemi ngo tungkupmi vilo pike. “Timi hipauno niLhou AMPEU jelono niputsavae; pa heqhipithive kepu kumoe.”

JEREMIYA 38:8

Ikehu Ebedmelek no tilau wuno akukau vilo pi,

ZEKHARIA 14:10

Ahuu kudau Geba lono apeu Rimon tokujo qhaye kulaqa khave nani. Ikemu Jerusalem ye tipa sukumxalo ayeghi akeqo shou chuqumughai shi anani; eno aphughiye Benjamin Khagho lono Acheku Khagho puzuu ghi tilehi khagho achekeu kuto to nani, eno aphughi tiye Hananel Liwo lono akukau tsayithi qochekeu-a kuto to nani.

AHOLE 29:10

Ajih pele chekemiye kucho shi xuchekemi jumithi cheni ikemu amikuchomiye titoikeu kuxu susho cheni.