JEREMIYA 32:21 - BAIBEL (BSI)

²¹ Akumzapu eno amichipu kumla peitha puzu nighumi shikumsake, nono okuka ngo okumto peitha puzu Ijip lono owu timi Israil saipeghike.

Sumi Naga CL (Re-edited) Bible (BSI)

²¹ O u kumto eno O u xachhope amchipu eno akichiqhipu kümla shino Nono Ow timi Israelmi Egypt yeghi lono saipeghi.

JEREMIYA 32:21 Referans Kwoze

ZAKINIU 26:8

Pa kuka kumgha kije pesu pano Ijipmi launo ningu xapheluke. Pano puchopungo kepu eno akumzapu kumla shike eno akichiqhi kepu shitsue.

IPEKULU 6:6

Tighenguno Israilmi vilo ino pia keu pilo, ‘Niye AMPEU ke; ino nongu xaphelu nani eno nonguno Ijipmi qechekeu lono ino kuqhopheve nanike. Ino iu kumto kuka peqhe puzu panoqo shou aghime sughi nani eno ino nongu xalunike.

LESHELE 105:43

Pano kishelukemi sasu ipeve, eno panonguno alokivi launo ighamuku alepheke.

LESHELE 105:37

Tishi puzu pano Israilmi sasu ipeve; panonguno tsandiyi eno shunayi xapuwuke, eno panongu kumtsu ashiaji kivi eno chochiyi keqoke.

YEKIKITHI ATUGHIU 17:21

Israil shiyeh toi keu kutau hipa yeghilo kuhae, khuu nono aqemi shi akelono xapheluno panongu pesu owu timiqo shiluve keno. Nono ighono akumzapu kutomo panongu ghenguno mlakeu ghenguno ojekipi ayeghiqha kumtsulo pikulhae. Nono owu timiqo Ijipmi ulono kuqhophe eno Shiyeh kutami panongu zuuno nono haphevetsu.

KUKAMI ATUGHIU 8:42

kughengu timiqono oje kije chilu nani eno owu kumgha eno owu xacho pesu akeu ghili chiluno akumllaki hipaulo ighino inikhu aye,

ZAKINIU 4:34

Nongu Lhou AMPEU no Ijip lo nongu lau shike toi alhou khualano msamo puzu ashiayeh lakhi launo timi aqo lakhi salu no pawu timiqo shilu pekeu anima? Nongu nhekithe lono pano pa kuka akumto peithake; pano pusa ngo aghukishi saghike, akichiqhi akumzapu kumla shike eno akumsa akuighupu shipeke.

IPEKULU 13:14

Ighinikeu ghulokilo nongu nuliqono hipau chinye kiqi ye kiu kelapi iniju aye, nonguno ishi pa khochilelo,’ AMPEU no akuka kije peitha no Ijip lono ningu saipeghike, ninguye tilau aqemi shi acheke.

IPEKULU 13:9

Hipau tsala ikhilu keuno kiuala noulo momu nongu kishelo khapu chekeu toi nongu pelo kumsuchilelu penanike; hipauno nongu pelo AMPEU yezah phuju eno lhekideju apenikeu shi nongu loputsu tsu nani, kughengu AMPEU no pa kuka kije pesu Ijip lono nongu saipeghike.

IPEKULU 6:1

Tileno AMPEU no Muse vilo pi, “Itehiye ino akukau lau kiu shini cheni keno nonguno ithulu nanike. Iwu timiqo puwuve penike ino pashou aka agha vesu nanike. Mutsuqheino ino papelo payeghi lono panoqo hapheve penike ino pashou aka agha shinanike.”

ZAKINIU 7:19

Pusa lhoksa jeli no likhi no nhethino ithuluve keu, akumzapu akichiqhipu eno akuka kumto kije AMPEU nongu Lhou no peitha puzu nongu kuqhopuwu keu kumsululo. Pano Ijipmi kutsaleve kepaphi lono timi hipaqo itehi nonguno musa akemi kumtsu kutsave nanike.

SAMUEL AKINIU 7:23

Ayeghiqhalo khuno shiayehmu Israilmi toike kuha. Owu timi shiniye nono aquaxe lono panongu khaqhipheluve. Nono panongu ghenguno kije eno akumzapu mlatsu keu huno ayeghiqha kumtsulo ojekipi kughakuchho wove. Nono shiyeh kutami eno panongu lhouqo owu timiqono ighikithishi halevetsu, Ijipmi kughu lono owu shiniye panongu khaqhiphevetsu.

IPEKULU 3:20

Ikemu ino ikuka peitha nani eno akuighupu jeli tilau shikeu lono ino Ijip ghimeqhi nanike. Tishike thiuno pano nongu pelo wulupe nani.

ZAKINIU 11:3

Pano Ijip lo akukau ngo pa yeghiqha kuchopu shou kiu shikeno nonguno ithuluvae.

ISAIAH 63:12

Muse vechewo pa kukano thime kije shikehu, AMPEU ye khile ani kya? Azughilo azu kijethavetsu eno ashekha kuhake kutolo pa jekipi shilunike ghenguno azukutho kachesu pawu timiqo sasu wukeu AMPEU hu khile ani kya?” AMPEU no sachekeu lono panonguye khurshi toi apukhu mutotoi nesulu eno khilemu kupuxavemoe.