JEREMIYA 30:10 - BAIBEL (BSI)

¹⁰ “Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

Sumi Naga CL (Re-edited) Bible (BSI)

¹⁰ “Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

JEREMIYA 30:10 Referans Kwoze

HOSIYA 2:18

Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

ISAIAH 43:5

Msakevilo, niye ogholo anike! ‘Putou kipela kudauno eno putou kulola kudauno, Ino nowu timiqo akilo saghi nani.

ISAIAH 44:2

Niye AMPEU oLhophekeuke; apolo azughoke lono ino okuphu acheke. Msakevilo; noye iqeuke, ino kimiye chekemi, ino kisheluve kemiqoke.

ISAIAH 35:9

Tilehi abongushu kuha nani; ayikusa lhoxu lakhimu tipala kathamo nani. AMPEU no khunoqo xapheluvea keno tipala pulasusu akilo izuwu nani.

John 12:15

“O Zion phughi, msakevilo! Julo, okukau olau chenie, gadaha lakhi shou iqano chenie.”

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

JEREMIYA 23:8

Tishinike zuqhulo panonguno ikugha pesu ashoqhi shikeulo ishi pinani, ‘Ahuu akeu yeghi eno ayeghi kutau khilehi ino panoqo halepuwuve keno tipaqo kudauno Israil lo akemi sasu ighikeuye xuakeu Lhou ke’ ipi nani. Tileno panoqoye pano yeghilo kughunalu nani.”

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

ZEKHARIA 3:10

Kughou tipa tsala ighini keno, notsayili ngo khughuthibono nongu suhope puzu nongu milakhi khino pa kusami vilo alokughuno eno sushokulu lokivi shilopi ku-kusu shi nani.”

EZEKEL 38:11

Noye akukuphu kuhamithe keu ghakhu lenikeu shi xatha nani. Tipau ghakhulo timiqoye iquighai eno kupunakeu kuhano eno mujochileni keu kuhakeu eno putukhamokeu taunqolo kughuna achenike.

EZEKEL 16:52

Itehino noye olikhi okukujo xapulu kepu shiveake. Oxineqoye otsunipu qono shikeu nguno kumzapushi anikehu ophivilo panonguye pimimokeu paphike. Itehi agi isaphai alo eno okukujo xapululo kughengu ojupesu otsunipu qoye mithemithei ithulu kepu shipeke.”

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

ISAIAH 54:4

Msakevilo, nonguye kujomza kithemo ake; nongu pesu aqhokigheu shipemo ake. Noye anipu lhothemi amikucho kumo toivekeu hu kumsumave nani, eno topuchimemi lakhi kughukughaleive keu toive keu hu kumsumave nanike.

ISAIAH 46:13

Tokulupu tsala ino punukhoi sughi ani, hiye khilemu putosuu anike kumoe. Ino xalunikepuye munuvemo nani. Ino Jerusalem xaphelu nani, eno tilehino agigihupu Israil lau sughi nani.”

ISAIAH 46:11

Kipelauno ighilopi ino timi lakhi kuani; Pano aluqu lakhi toi ihhi iqighi nani eno ino kughu puakeu shi kupu nani. Ino pivae eno tiye shive nanike.

BOTHUBO 15:1

Hipa tikhau AMPEU tsa kungunhetsu lono Abram lau ighino pi, “Abram, musa kevilo, ino oshokha kulupu zuto ke ino ojume ighono kije shitsuni.”

ISAIAH 49:25

AMPEU no kuchouno piani, “Tipaphi shini chenike, ghushimi akughumiqo ikhi suwuve tsu nani, eno pa ghokumoaye mo keu ayehkipemino lepuwo pua ghikeu muxaluve nani. Khuuno nongu sasu aghushini keno ino tipau sasu kumjo nani, eno ino otianuliqo lekholuve nani.

ISAIAH 14:3

AMPEU no Israilmi aghime ngo akusu launo akulhoqhi lupe nani eno anguka lono panongu pelo akuaghashi mla chekeu lono akulhoqhi lupe nani.

ISAIAH 44:1

AMPEU no pi ani, Itehiye inilo, Israil iqeu ino kisheluvekemi, Jakob laghamiqo.

JEREMIYA 23:4

Panoqo tuchomujo penike ino ayehkipemi susupe qhi nani. Iwu timiqoye musa momu ighu kithepemo nani eno niye panoqo ghime kithemo nani. Ni, AMPEU no piqhiveake.”

JEREMIYA 29:11

Nongu ghenguno kughu puakeu nongu lau kutsakungo keu kumo puzu kinikulu sughinikeu, nonguno ighini keulo laju achekeu sughi tsunikeu kughu puakeqo ilikhino ithi ani.

JEREMIYA 30:7

Aha! Atsala tipauye akumsapuke; tipa tsalaye kiunomu kimighimla keu tsalake; tiye iwu timiqo ghenguno shilukusa aghime ghulokike, ikemu panongu puxutsu nani.”

JOYIL 2:21

‘Aluzaqo, musa ichi kevilo, ikemu alokivishi amloqilo kughengu AMPEU no nongu ghenguno hikumtsu shivetsuake.

ISAIAH 49:12

Iwu timiqoye putouno ighi nani, ahuu kudauno, kulola kudauno eno apeu Aswan kudauno ighi nani.”

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

HOSIYA 2:20

Niye ishoqhi qhini eno opesu iwu shini, eno nono ipesu AMPEU kepi kighithi kileni.

HOSIYA 6:11

“Nongu Juda lo akemiqo ghengu ghi nonguno kiu shi ani keno tipaqo ghenguno ino nongu ghimeqhi kepu do lakhi kutopuani.”

MICAH 4:9

Noye kushiye tishi vekipighi igha ani kya? Noye kushiye totimi apunukusu su akemi toi shilukusa shiani kya? Tiye nokukau kuhake ghenguno keo akukumsu tsuchekemiqo thive kehu kesha?