JEREMIYA 3:9 - BAIBEL (BSI)

⁹ eno kitilamu kujomo mitheve. Lino ayeghi shipixive eno lino atu ngo asubo mllakeu lono kutuqhalimi shiveke.

Sumi Naga CL (Re-edited) Bible (BSI)

⁹ Kughengu kütüqha keu ye mthüthei ikhilue, li no ayeghi shipixive, asüatu sasü salhauve.

JEREMIYA 3:9 Referans Kwoze

JEREMIYA 2:27

Nongu khunoqono asuboye nongu papu eno atuquye nongu paza kepi picheni keno, tipanoqo kumtsu shikukujoqhi nani. Hiye shini putsa kughengu nonguno ilau tsughu ighi nike zuqhu ilauno tsughusu wuveke. Ikemu nonguno kughou shiluksa shini keno ivilo nongu lau ighieno nongu xalutsu lopi iniju chenike.”

JEREMIYA 3:2

Atoghi kutsuqalo jupukulo. Nonguno kusalhami toi zumokeu-a khile ani kya? Arabmino asayeqhalo timi heqhi nike miqe khe akeshi nonguno ala phivilo alojipumi khe acheni. Nongu salhano ayeghi shipixi khave ake.

ISAIAH 57:6

Nonguno tipau lono atumlo muduniyikeu ikhipewo alhouqo kepi mlla chenike. Tipaqo kumtsu shikeulo niye aloqi cheni kughashi nonguye kumsu ani kesha?

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

JEREMIYA 2:7

Aghuma yeghilo ino panoqo sasu ighi, tipaulo ipeghikeu xa eno thime kivi kutau jupesu alopeniyeke. Ikemu panonguno tipaulo iloghikelo iyeghi shipixive tsu; ino pano- qo tsukeu yeghi panonguno kitiqevetsu.

HABAKUK 2:19

Nonguye puhaveni putsa! Nonguno asu tachu vilo, “Idathuvelo! momu atumqo vilo ithughivelo” ipi nani. Ajulho shisukeuye nongu vilo kiuala piyesulu nani kesha? Tiye shunayi ngo tsandiyino kuzupe aghiluvi ikemu tipaulo akuxu kuhake.

HOSIYA 4:12

Panonguno asu tachu lakhi launo piyesukeu khuju cheni! Asuta lakhino panonguno kiu ithi nishi keno panoqo vilo pitsu cheni!Panonguye iqhiveake. Totimi lakhino kutuqhalimi shiwuveke toi iwu timiqoye kutau lhouqo lau pano pesu tsuvae.

EZEKEL 23:10

Panonguno li phimini xaleve tsupuzu aphi kumsa qhive, li nuli ngo angaqo kughaluve eno azutakihi pesu li ghiqhive. Aqha kumtsulo li kuxu kishive keno totimiqono kugha akhanike.

EZEKEL 16:17

Ino shunayi ngo tsandiyino shikeu chiku chila otsukeu nono pewo ajulho kiptimi ghola toikeu shisu eno tipaqo sasu zuke.

MATTHEW 5:32

Ikemu ino nongu vilo pinikeuye khuuno pa nipu sasu ixave nikeno tsala lino kutami sasu kuquveaghi keu ghengu likhino kumo aye paye li pesu salhavepe anie, eno khuuno totimi tipau luni keno pa ghi salha anie.”

JEREMIYA 16:18

Panoqo xine ngo lhoksakugha ghenguno kighishe kini ino panoqo pelo lochilepe nani kughengu panonguno asu-atu julho khikhi akuxu kuhano akithi kumo toi keu pesu iyeghi kitiqevetsuke eno panoqow kichileu lhouqo pesu tipa yeghi chhitoi anipeke.”

EZEKEL 23:3

Pamano ilimi shi Ijip lo akelo pama lhotheye salha shupu keulo ilove; eno pamano atathe shi xuachekeu puhave.

EZEKEL 23:21

(Oholiba, noye nono Ijip lo ilimi shichekelo mithemokeu kukuqu shikithe nishike tilau timino okichhi pemgha eno noye ilitathe shi xu achekeu puhaveke.)

HOSIYA 2:2

Itianuliqo, ozaye inipu kumovea eno niye likimi kumovea kemu li putsatsulo. Lino kutuqha eno salha shupu chekeu qhivelopi li putsatsulo.

ISAIAH 57:3

Ikemu nongu axinemiqo hikidiu kughathabe kepu shi ighilo! Nonguye tughami chine, shupu salha eno kutuqha chekemi tianuliqoke.

JOYIL 1:19

O AMPEU, ino ovilo ighamukuke, kughengu achukumzapu eno asuboqoye amino tipaqo pitive keshi thi zummuyi khavae.