JEREMIYA 3:21 - BAIBEL (BSI)

²¹ Naghuto toghiqolo asutsa lakhi chilu. Hiye Israil lo akemino qa ani eno qhuiniju anike, kughengu panonguno axine shikeu kuxu xuke eno pano Lhou AMPEU kumsumaveke.

Sumi Naga CL (Re-edited) Bible (BSI)

²¹ Asa itsümo keu toghi lono asütsa lakhi chilue, Israel tianuli no mloqa qhüiniju ani kughengu panongu ye pano laghi pheve, pano Lhou Ampeu kümsümave ke.

JEREMIYA 3:21 Referans Kwoze

2 Kor. 7:10

Kughengu Alhou launo amlo ghime peithaluvekeu huye akuxu xakidelukeu sughitsu cheni, tino xakulupu lau sawu cheni eno tipau loye amlo ghimepu kuhake. Ikemu ayeghilo gholauno amlo ghime shikeu huye akithi sughi cheni.

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

JEREMIYA 3:2

Atoghi kutsuqalo jupukulo. Nonguno kusalhami toi zumokeu-a khile ani kya? Arabmino asayeqhalo timi heqhi nike miqe khe akeshi nonguno ala phivilo alojipumi khe acheni. Nongu salhano ayeghi shipixi khave ake.

JEREMIYA 2:32

Ilimi lakhiye liwu akughupuchi kumsumaveni kesha? Momu kulaliuye kulakupu phimini kumsumaveni kesha? Ikemu iwu timiqoye atsala phikha kumlapushi ikumsumavae.

ISAIAH 17:10

Israil, noye oxaphelukeu Lhou kumsumavae eno khuno akughutshu tuqu toi osusholukeu phevae. Tipau zuqhulo, inaghami lhou mllaniaye akimthe ghutu shipe qhike.

ISAIAH 15:2

Dibon lo kuamino chiniche keu alo qa-mloni aye naghutolo iqhoke. Muabmino Nebo ngo Medeba phughi shou amlo kusashi qahke; panonguno amlokusa launo akutsusa ngo akichimhi miyeveke.

MICAH 3:9

O Israil lo ayehkipemiqo, itsa inijulo, nongu kucho xakutha mithichekeqo eno achipiu pesu akumou kughulhovetsu chekeqo!

HOSIYA 13:6

Ikemu nonguno ayeghi kivilo iloghilu kelauye nonguye nibomilei eno aghaqiluke eno tishi puzu qhezawuveno ikumsumaveke.

HOSIYA 8:14

“Israil lo akemiqoye akighiki shipuakhani ikemu panonguye panoqo Lhokeu kumsumavea. Juda lo akemiqono aliwo kuptu phughi shipe qhiani. Ikemu ino ami puwu puzu panoqo kighiki ngo panoqo phughiqo pitilekhave nani.”

EZEKEL 23:35

Akughushu MPEU no kiu pi ani keno tiye hike: “Nono ikumsu mlave eno ozupo ilau kughopuwove ke ghenguno osalha shupu eno okiyighe ghenguno ime nanike.”

EZEKEL 7:16

Panongu khamiye akhilalo achekeu miqhedu hakumsavekeu toi naghutoqolo pokawuve nani. Panoqo kumtsu pututa xine kumsu pesu isughughuyi anani.

AHOLE 19:3

Timi khamiye panono mbomzushi mlaithakeu lono alikhi ashipusave cheni tishino AMPEU ngukuve cheni.

AHOLE 10:9

Amikucho shi xuchekemiye sushokulu acheni ikemu vimokemiye pano kumlano kughaluve cheni.

JOB 33:27

Pano aqo gholo ishi pi nani; “Niye axine shiveke, eno akumzu pesu akughuho shivetsu ake, tiye ila heshekepu shimlae.

AKIKIHI 22:32

Kungumi huno ishi inijuthuve, “Noye kushiye hikithipu shi ghuthu kuthu kutolo owu gadaha ghaqhi kya? Noye hipau kicheghuzu shimo kepushi ake ghenguno olaghi lakhanike ino ighike.

ISAIAH 57:11

AMPEU no pi, “Nongu pelo musave chepekeu lhou hipaqoye khunoqo keno nonguye ivilo akimki tsa picheni eno qhoyi ikumsumave cheni kya? Ino ado kushuwa inaqhoi auveke ghenguno nonguye igihumono ngove kesha?

JEREMIYA 7:29

“Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

JEREMIYA 12:12

Asayeqha qhemghaike toghi kathasu leluniaye kutsakungoni kemi ighi ani. Ayeghi kumtsu kutsape nike ino aghukishi puwu ani; timi khumu iqunei xumla nani.

JEREMIYA 13:25

Hipauno nongu saje shinikeu pano pike. Pano nongu pesu hi kithipu shinikeushi kughathavae kughengu nonguno pa kumsumove eno kichileu lhouqo shou pulubeke.

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,