JEREMIYA 3:2 - BAIBEL (BSI)

² Atoghi kutsuqalo jupukulo. Nonguno kusalhami toi zumokeu-a khile ani kya? Arabmino asayeqhalo timi heqhi nike miqe khe akeshi nonguno ala phivilo alojipumi khe acheni. Nongu salhano ayeghi shipixi khave ake.

Sumi Naga CL (Re-edited) Bible (BSI)

² Atoghi kütsüqa lo jupuku julo! Nono shipüthamo ke-a khileala ani keshea? Asayeqha lo Arabmi toi alaphe lo nono o lojipumi ngokhe ke. O salha kümla lhoksa no nono ayeghi shipixivae.

JEREMIYA 3:2 Referans Kwoze

JEREMIYA 2:20

Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

JEREMIYA 2:7

Aghuma yeghilo ino panoqo sasu ighi, tipaulo ipeghikeu xa eno thime kivi kutau jupesu alopeniyeke. Ikemu panonguno tipaulo iloghikelo iyeghi shipixive tsu; ino pano- qo tsukeu yeghi panonguno kitiqevetsu.

BOTHUBO 38:14

Ike lino chimemi phimini uakeu xave eno shonha kepu pesu li nhapuve eno Enaim phulo iloni keu kubala lo iqa ngoa. Enaim ye Timnat lo wucheke lalo aphu lakhi ke. Lino hitoi shikeuye kutau kumono Shela ye kichimi shiveamu li pelo pa sasu kulau pemo keu ghenguno ke.

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

ZAKINIU 12:2

Nonguno ngoluve niye akeu yeghilo, timiqono khilehino panoqo lhou mlla acheni keno, naghuto kutsuqalo, atoghilo eno asuminipho qholo a-a aghikeu kumtsu kutsalevelo.

Luke 16:23

paye Hades lo shishe aghime kije sholua. Pano pagi peqhe ithu jukelo Abraham phivilo Lazar akeu putouno ithulu.

EZEKEL 16:16

Nono ophimini hami pesu nono mllakeu a ananu shipipe eno tileno kusalhami toi kumtsu sasu salhake.

JEREMIYA 7:29

“Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

JEREMIYA 3:21

Naghuto toghiqolo asutsa lakhi chilu. Hiye Israil lo akemino qa ani eno qhuiniju anike, kughengu panonguno axine shikeu kuxu xuke eno pano Lhou AMPEU kumsumaveke.

JEREMIYA 3:9

eno kitilamu kujomo mitheve. Lino ayeghi shipixive eno lino atu ngo asubo mllakeu lono kutuqhalimi shiveke.

JEREMIYA 2:23

Noye kishi puzu olikhi oshipusa mphi kepi pilu nani, eno noye khilemu Baal mlla mokepi nani kya? Akhilalo nono kishi axine shikeno julo; nono kiu shivea keno julo. Noye tughalo akeu kemel no mutho ipeghi akeshi poiqho iqike, asayeqhalo koha wuke.

AHOLE 23:28

Panonguno suxakulumi toi okhe acheni eno timi kutomo pelo amlo pumove chenipeke.

AHOLE 7:11

Liye ighumokemi, kujomokemi eno pulhapuju alaghilo iqhoiqiche.

KUKAMI AKINIU 23:13

Josia no akukau Solomon no Jerusalem kipela kudau Oliv to chhiliu akumlla-a shikeu khipa-a lono aghuthikusu lhou Astarte, Sidonmi lhouliu, Khemos Muabmino mllachekeu lhou eno Amunmi lhou kumlla-a hipaqo kumtsu kughukughalei qhivetsu.

KUKAMI ATUGHIU 11:3

Solomon no kukalimi 700 sasu kulakupu shi eno alojilimino 300 ishi acheke. Panonguno pa pelo Alhou launo pokauvepeke

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

LESHELE 106:38

Panonguno pimimo mithe kemi anuliqo pithive keu ghenguno ayeghiye ghikiqhimino shipixi veke.

JEREMIYA 3:13

Okuyiqu likhi ithichilelulo eno noye AMPEU oLhou shou hebideve kepi ithilulo. Asu minipho kumtsu qholono nono inagha lhouqo lau owu kikimiye tsuve eno noye ino ahza tsukeu papelumove kepi piphevelo. Ni, AMPEU no piqhi ani.

JEREMIYA 12:12

Asayeqha qhemghaike toghi kathasu leluniaye kutsakungoni kemi ighi ani. Ayeghi kumtsu kutsape nike ino aghukishi puwu ani; timi khumu iqunei xumla nani.

HOSIYA 2:5

kughengu panoqo pazano salhashupuke eno kujomza kepu ghushoghili shike. Lino ishi pike, “Niye ilojipumi khunoqono chuqu kusho itsu cheni, akuluphi, phepheyikeu phi itsu cheni eno oliv teli ngo atsayiji itsu cheni keno tipaqo lau wunie.”